Aesaya 17:2 - mzwDBL

² Bwɛjena aa lɔ Siiria harɛ dɛ́ ba dimɡbia bera dɛ chɔ. Aa berɛ peera ne nae dibɔraa, nomɛlbwa aa lee do dɛ́ doŋa.

Aesaya 17:2 ပူးပေါင်းရင်းမြစ်များ

Job Tɔn 11:19

Hɛɛ chɔɔ nomɛlbwa aa wola won aahre, nɛra ɡalɡa ba he be, hɛɛ cha ba.

Aesaya 27:10

Bwɛjen baa ma danjwɛkpeɡ baro la paɡrɔ, Nomɛlbwa toole o ta, o chɔ pɛɛpɛɛ kɛŋɔ pua hɛŋle ɡbo harɛ, dɛ berɛ nae dibɔr. Belaa a chɔ dɛɛ onɛ, dɛ́ pɛɡre daa kpala bwa ta.

Aesaya 5:17

Peera ɛɛ chwe kpɔɡa bwɛɛ la dimɡbia taa. Bela ɛɛ berɛ pebiiri dibɔree.

Aesaya 7:21

A ɡɛ saŋ la baa tel dɛ nɛn dɔ nalor ne boohna anɛ kwaraa naa,

Aesaya 7:22

aa wonoo tɛo elnee ɡɛ del waa dɛ nyin. Nɛra baa ba dɔ ba nyu dɛ́ ka harɛ la ta la, waɡasi ne tohnoo ɛɛ bu ba nɛɛ.

Jeremia 48:19

Arowa tena, hé che ŋwɛnɛ nyoa dɛɛ kpa. Hé nyiŋi haahna ne baala baa chwaa dɛɛ kaa, dɛ́ bɔɔ ba waa aa chiɡa.

Jeremia 7:33

Ba dɛ ba serewa chɔ dɛ́ ɛ kondikwaa tɛ jumbii ne kpɔɡ bini ola, nomɛlbwa aa wola lee do dɛ́ doŋa.

Ɛsekeɛl 25:5

Mɛɛ ɡeloo bwɛjen Raba berɛ nyoɡmare dibɔr, ásɛ Amɔn harɛ bwa ɡe berɛ peera chɔɔbɔr. Hɛɛ jemɔɔ kɛŋɔ menee Korowii.’

Ɛsekeɛl 39:26

Baa soh ba sihihwaa ne kasinteŋ bɛ dɔe dɛ tɛ mɛ ɡɛ saŋ baa soɡe deŋnesɔɔhna ta ba harɛ ta, nomɛlbwa aa wola ban aah la.

Maeka 4:4

Bɛlbwa ɛɛ so deŋnesɔɔhna taa, asɛ daa kooni ne fiɡ daa kooni baro cheme, nomɛlbwa aa wola won ba aah ba kpa. Koranar Bwa Kooroo bola.

Sefania 2:6

He harɛ waa lɔ mpo nyoa la ɛɛ berɛ peera dibɔree, dɛ́ berɛ peera leɡ, peteɡra ɡe do ba patare o ta.

Nɛra Kura 32:34

Gad dea tena la kwaarɔ vɔrɔwe bwɛjena Debɔn ne Atarɔt dɛ Arowa,

Mmarare 2:36

Korowii yaa dɛ tomɔ laa nɔn kpɔ ba nɛɛ tɛ yaa, le bwɛɛ Arowa waa chɔ Aanɔn Fɛlembɔjen la doa, dɛ berɛ kpɔ bwɛɛ bɛl waa chɔ o bini, hale dɛ kaa bwɛɛ Gelead, bɛlbwa ta wone dɔ kpeɡri kɛ yan.

Mmarare 3:12

Mosis berɔ ŋɔ, “Harɛ a ɡɛ saŋ yaa yoa lɛ la, n kpɔ anɔ la aa lɔ Arowa ne Aanɔn Moo weekaŋle nyunduabɔr, ne Gelead deŋɡarere harɛ pera ne a bwɛɛre tɛ Rubin ne Gad deene tena.

Josua 13:16

Ba harɛ nyoa le Arowa, o lɔ Aanɔn Fɛlembɔjen la nyoa dɛ kaa bwɛjen waa lɔ fɛlembɔjen la baah ta, dɛ kpɔ harɛpɛɛ waa chɔa kaa dɛ ka ɡarɛ bwɛjen Medeba,

Josua 13:25

Jasa ne Gelead bwɛjena bwa, ne Amɔn tena harɛ la pera, dɛ́ kpoŋe kaa Arowa waa lɔ bwɛjen Raba wee leebɔr,