Aesaya 17:14 - mzwDBL

¹⁴ A tel jɔmɔra aa, ba dɛ ɛ ɔmewa, kɛ tɔɔ ne pera chɔɔ dɛ ba kaalɔ. A ɡɛ waa nɔɔ dɛ́ chiɡ nɛra baa bal ya laala kɛ laa ta kwa kaa la nɛ.

Aesaya 17:14 ပူးပေါင်းရင်းမြစ်များ

2 Koranar 19:35

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ dɛ ba na ɡɛ nɛra la aa serewa chɔ bobɛlbwa.

Sɛɡla 22:23

Korowii ɛɛ bol a ɡɛ nɛra la waa tɛɛ ba, ásɛ ɡɛ haa lɛɛ ba kwaa la, ó lɛ le he be.

Ɛsekeɛl 39:10

Aa hiah kɛŋɔ ba la kpɔɡ bini ka nyin daa kɛɛ dɛ́ ka teŋni daa kɔr bini ba mar kpa, dɛkalkɛ baa dɛɛ mar dɔmkwaa laanee. Ba ɡe ɛɛ ka pa nɛra baa pa ba laala laa ta la laalaa. Men Nemenɛ Korowiirii bola.

Jeremia 13:25

Anɔ la aa chɛ kɛŋɔ hé dɔ laanee la, anee n maɡɛ tɛ heya, dɛkalkɛ he vɛɛh mɛ dɛ kaa tomɛ voɡare a wa aa wola kasinteŋ dɔe. Men Korowiirii bola.

Jeremia 2:3

Israel tena, he fa do ɡoroŋ tɛ men Korowii ɡbo, dɛ do kɛŋɔ koo kondikonloɡla baa koma ken, asɛ nɛra baa fiiɡi heyaa la, n kpɔ wenaale kohona ba ta ba nɛ. Men Korowiirii bola.’ ”

Aesaya 33:1

Hé bwɛɛlɛ, nɛra haa dɛ chɔɡ nɛra, nɛra aa wola he te chɔɡ. Hé le nɛra dɛɛ tɛ, nɛra aa wola he te leɛ dɛɛ tɛ. Hé ɡel nɛra chɔɡaa, nɛra ɛɛ chɔɡ heyaa, he ɡel nɛra lee dɛ tɛ aa, nɛra ɛɛ le heyaa tɛ.

Yela 37:36

kɛ a ta biɡre bɛlbwa, o den sewɛ, n ɡaaɡe o bɔr, n ta on nae.

Job Tɔn 20:29

Waa Korowii aa lea cheɡ nyubinikpeɡ tena laanee la, ɡɛɛ baa ba nae.”

2 Koranar 19:3

Waa waa kpɔa tɛ ŋɔ bá ka ŋɔ Aesaya be laanee kɛŋɔ, “Wahala ne deŋnetɛra ne sihiih tɔperee fini. Ya do kɛŋɔ haah loltea aa lɔɔ o ɡwɛɡre waa wola won lolɛ la ken.

Sitɔɔla 5:31

N Naa Korowii, ɡel he dɔma bwa serewe, Kɛ nɛra baa dɛ nyini la, ɡel ba dɔ kpeɡri kɛŋɔ wee yon le kpeɡri nɛɛ la.” Ate, deŋnesɔɔhna ba harɛ la ta bene fifraanaarɛ.

Aesaya 10:25

A ka tamaa ken dɛ n baah sɔɔhnɔ, maa hé deŋnee tɛr kpa, ásɛ dɛ berɛ n bandia ta Asiiria tena ɡe nɛɛ dɛ́ chɔɡ ba.”

Aesaya 29:5

Kɛ he dɔma baa wara ɛɛ berɔɔ ɛ kɛŋɔ bomboɡ mohooh ken, ásɛ peu kpɔ kaa, nɛnlaa ba nyu bini aa kpeɡa he nɛɛ ɛ kɛŋɔ mea pɛɡa peu yon kpɔa ir kaa la. Aa ɛo warane wɔrɔbe nɛ,

Aesaya 29:7

Harɛre nɛra baa wara, dɛ pu Jerusalam dɛɛ yo, dɛ ka kuuɡi o dekpeɡa, dɛ baro dɛ tɔ o nɛra do la, ba bwa waa ɛɛ kaaloo kɛŋɔ, haa na waane dɛ deera jwaana ken.

Aesaya 33:18

He liire aa webena haa dɛ ɔma kohona la taa do kpa. Hɛɛ ŋɔɔ, “Leperaa nɛn waa dɛ kure nɛra la dɔɔ? Naate waa dɛ lɛ toɔ la ɡe sɛ? Leperaa naate waa dɛ nyiŋi dejaŋa ta la ɡe dɔɔ?”

Aesaya 34:17

Onee dɛ bɔne harɛ la tɛa, bɛlbwa dɔ o kon, dɛ́ do bela saŋ te bɛlbwa dɛɛ la.

Aesaya 41:12

Hɛɛ ɡaaɡe he dɔma bɔree, kɛ haa ban na. Nɛra baa kpɔ yoi pu heyaa ɛɛ serewoo.

Jeremia 49:10

Mɛɛ laa komɛlbwa Esɔ naanar aa dɔa lɛ ba be, dɛ́ ɡel bela baa sɔah chɔ baŋ, nɛra bwa ɛɛ na baa, baa wola sɔɔhbɔraa dɔ kpa. Ba bii ne lolanar, dɛ ba bala bwa ɛɛ serewoo, ba bini beŋkpoŋ kwara aa wola ka.

Aesaya 21:12

Anee o chaŋe ŋɔ, “Tɔɔ dɛ ba pera, kɛ bɔr ɛɛ berɔɔ jo ja. Dɛ he dɛ nyin dɛ́ jemaa, ba dɛ́ berɛ ba bɔɔ ja.”

Aesaya 29:2

kɛ Korowii ŋɔ wɛɛ ɡeloo he Jerusalam tena bwara nyɛɡ heya, ásɛ hɛɛ wi dɛɛ dooɡe lɔŋɔre. He bwɛjen la bwa ɛɛ ɛ chalee, kɛŋɔ kon baa kpoo kwaa dɛɛ ɛ saraha o ta.

Aesaya 30:28

O hweera do kɛŋɔ nee waa dɛ palɛ dɛ su tel baŋa ta la. O dɛ ɡboo harɛre nɛra kɛŋɔ baa dɛ ɡboo kwaa la ken, dɛ́ chɔɡ ba. Gɛ baa kpɔ kabaɡrare do jaaɡɔ nyoa dɛɛ beɡro la, ɡɛɛ wɛɛ ba harɛre nɛra beɡra le waa baa maɡla bil la ta.

Sekaria 2:12

Korowii ɛɛ berɔ ba kpɔ Juda harɛ ɛ o kon waa dɛ nyinu kohona, harɛ waa do ɡoroŋ la ta, dɛ́ nyin bwɛjen Jerusalam ɡwaa bwɛɛ bɛlbwa.