Aesaya 17:13 - mzwDBL

¹³ Hale nɛra warɔ dɛɛ moo kɛŋɔ mpo nehɛma sii aa, Korowii ɛɛ kah baa ásɛ ba chwa kaa bojaŋ. Baa chwao dɛ́ peɡre kɛŋɔ peu aa kpɔ haahra, kɛɛ kawulewule aa kpɔ doŋa kaa la ken.

Aesaya 17:13 ပူးပေါင်းရင်းမြစ်များ

Job Tɔn 21:18

Ba do kɛŋɔ kpɔɡhole peu kpɔa ba kaa la aa? Kɛɛ haahra dompeu kpɔ ba kaa. Akai!

Job Tɔn 38:11

dɛ ŋɔ, ‘Bonɔɔ hɛɛ ba wona ba jaɡɛ, haa ɡarɛ! He nehɛma aa kpeɡa la nyoa ɡe jaɡɛ bonɔ.’

Yela 1:4

Gɛ laa nɛnchɔɡa la te do, ba waa do kɛŋɔ haahra, peu yon ta dɛ́ kaa ane la ken.

Yela 35:5

Gel ba do kɛŋɔ haahra peu aa taa dɛɛ kaa a ne la ken, Korowii nyundua torome teŋɛ ba nɛ dɛ́ɛ kaa.

Yela 65:7

He ɡelɔ mpo nehɛma sii nyoa hel, asɛ harɛre nɛra nyoa sɔɔh, moola baa dɛ moo ta.

Yela 65:8

Bambiteŋa kohona chole harɛre nɛra nɛ, he wejena haa ɛa la wa. He we-ɛɛla ba silɛɛ ne ba tɛ nɛra baa lɔ harɛ nɔ bwa ta, baa moo.

Yela 9:5

He pa voɡtoroma bolchɔɡe, dɛ chɔɡ nyubinikpeɡ tena, dɛ ɡel ba sɔna he harɛ nɔ ta kwaraa.

Aesaya 14:25

Mɛɛ chɔɡ Asiiria tenaa le n harɛ ta, mɛɛ tiɡri ba nɛɛ Israel harɛ bwejena ta, dɛ́ lawɛ n nɛra le Asiiria tena kpeɡri baa dɛ di ba nɛ, kɛŋɔ baa kpɔ daa dawɛ nae anɛ baŋa ta a pɛ dɛɛ ɛ toma la.

Aesaya 21:15

Ba chwao dɛɛ le keri, ne hɛma baa hara dɛɛ ba ba tae, dɛ wekpeɡa aa lɔ laa ta la nyoa.

Aesaya 22:18

Wɛɛ keerii kɛŋɔ bɔɔl ken, dɛ́ kpɔe ta harɛ waa paɡa ta. Belaa hɛɛ ba sewa, belaa he laa torɔɡore haa dɛ che a bini, dɛ kpɔ dɛɛ nyin sɔn la ɛɛ ba kae. Sihiih ɛɛ kpo he nomoa he waa.

Aesaya 27:1

Awola tɔpere la, Korowii ɛɛ kpɔ o kerejen waa nyɛɡa laanee tɛr oljen waa dɛ tuuɡi harɛ, dɛ ɛ harɛkon, dɛ ɡoɡli dɛɛ kaa sɔrr la deŋne. Onee mpo bini oljen Lɛvayatan la.

Aesaya 29:5

Kɛ he dɔma baa wara ɛɛ berɔɔ ɛ kɛŋɔ bomboɡ mohooh ken, ásɛ peu kpɔ kaa, nɛnlaa ba nyu bini aa kpeɡa he nɛɛ ɛ kɛŋɔ mea pɛɡa peu yon kpɔa ir kaa la. Aa ɛo warane wɔrɔbe nɛ,

Aesaya 30:28

O hweera do kɛŋɔ nee waa dɛ palɛ dɛ su tel baŋa ta la. O dɛ ɡboo harɛre nɛra kɛŋɔ baa dɛ ɡboo kwaa la ken, dɛ́ chɔɡ ba. Gɛ baa kpɔ kabaɡrare do jaaɡɔ nyoa dɛɛ beɡro la, ɡɛɛ wɛɛ ba harɛre nɛra beɡra le waa baa maɡla bil la ta.

Aesaya 34:17

Onee dɛ bɔne harɛ la tɛa, bɛlbwa dɔ o kon, dɛ́ do bela saŋ te bɛlbwa dɛɛ la.

Aesaya 40:15

Harɛ nɔ ta nɛra do tamaa kɛŋɔ bokiti bini nee aa kora le kerabeŋkpoŋ ken Korowii be. Ba do kɛŋɔ tutuɡ aa dawɛ kon baa kpɔa dɛɛ kari kwaa tɔɡre ta ken. O dɛ kari ekwie harɛre a do fɛɡre o siwi ta kɛŋɔ tutuɡ ken.

Aesaya 40:24

Ba do kɛŋɔ kwaa baa dua, kɛɛ kwaa baa mera, a pa mun dɛɛ dɔ lune, asɛ Korowii ɡel peu ta a ta a hol, asɛ kawulewule kpɔa kaa kɛŋɔ haahra ken.

Aesaya 41:11

Nɛra ba baah aa di he nɛɛ kohona la bwa, sihiih ɛɛ kpo baa ba baŋa ɡole. Nɛra baa ŋɔ bá yo heyaa la, ɛɛ serewoo dɛ́ tonɛ.

Aesaya 8:7

mɛɛ ɡeloo Asiiria koojen ne o laa tena yoo ba. Báa ba ba nɛɛ kɛŋɔ Yufretis Moo aa sua bɔle o diŋɡoŋni bwa ta,

Daneɛl 2:35

Belaa buni la, ne choh, ne ayaawa, ne suuɡapoŋ, dɛ suuɡaswɛm la bwa den kuuɡi buɡ la ta, dɛ do kɛŋɔ baa lɔ kwaa pɛla ta lɔmɔɡa saŋ a pɛɡa chɔ la ken. Asɛ peu ta dɛ kpɔa kaa, bɛlbwa ta kae. Kɛ bwekuŋi waa baa lɔ kon waa do kɛ nɛn la, baa ɛ bwejen tenten dɛ tɔ harɛ nɔ ta bwa.”

Hosia 13:3

A ɡɛ nomanta, baa nyoɡroo warane kɛŋɔ kɔɔla aa tɔa chɔɔbɔr, kɛŋɔ mɛn aa wola biɡri dɛ a leo la, kɛŋɔ haahra peu aa taa dɛ kpɔa le pɛla ta kaa la, dɛ do kɛŋɔ chuu aa kpɔ tokoro ta dɛɛ le.

Sefania 2:2

mɔɔ Tɔpere Korowii aa lea cheɡ o do ɔma, dɛ́ kpɔ heya kɛŋɔ peu aa taa dɛ́ kpɔ haahra kaa la tel, mɔɔ Korowii bandia saŋ la ba, ásɛ o bwaawee bɛ he nɛɛ ir kohona.