Aesaya 16:8 - mzwDBL

⁸ Kooni aa bɛne Hɛsbɔn bwa chɔɡɔ, ɡɛɛ daa kooni aa lɔ Sibma la ɡe chɔɡ. A ɡɛ daa kooni la nɔna senee harɛre nomonjena fa nyɔ dɛɛ dɛɛ. Daa kooni la fa yɛɛrɔ tel bwɛjen Jasa, ne pua hɛŋle ɡbo harɛ la ta, dɛ kpoŋe kaa Yar Mpo ta.

Aesaya 16:8 ပူးပေါင်းရင်းမြစ်များ

2 Samoɛl 1:21

Mɛn kɛɛ bwaala bɛ Gelboa deŋɡarere ta nɛ, o harɛre bɛ won dɛɛ ɛ kondikwaa ɡe kpa! Banyoola kwaa baa kpɔa tɔ ba te ɡbemɡbe dɛɛ yo chɔ bela, baa noo kpɔe dɛɛ fɔɡɛ Kooro Sɔɔl kon waa kpɔa dɛɛ tɔ o te ɡbemɡbe wɛɛ nyɛɡle kpa.

Aesaya 10:7

Kɛ Asiiria koojen te fe aa an ɡɛ nyin, dɛ o liire laa. O waa bwaa kɛŋɔ o fee den chɔɡ harɛre ɡalɡa bwa kwara.

Aesaya 15:4

Hɛsbɔn tena ne Eleale tena dɛ wi, ba lɔŋɔre tel Jahas. A ɡelɔ ɔmee lawɛ Moab laa tena bwa ba lɔŋɔre bɔle, ba bwara yɔr.

Aesaya 16:9

N dɛ wi dɛɛ tɛ daa kooni aa lɔ Sibma, ɡɛ baa dɛ wi a waa Jasa la. Hɛsbɔn tena ne Eleale tena, sinii dɛ yɔɔ mɛ he wa. Moola fe dɛ le daa nɔna chaara saŋ nɔ, kɛ nɔna toole a ta, bɔr helɔ.

Aesaya 24:7

Daa baa kpɔ a nɔna dɛɛ ɛ sen serewɔ, dɛ ɡel sen waa do tɔɡre. Nomɛlbwa o sie fa aa dɛ lɛ sen ta la berɔ dɛɛ di suna.

Jeremia 48:32

N wio dɛ tɛ Sibma tena dɛ ɡwaa kɛ maa wi tɛ Jasa tena, Bwɛjen Sibma, he do kɛ ɡrepo da, he ta kpala dɛ ɡale Yar Mpo hale dɛ kpoŋe kaa Jasa Mpo nyoa bwa. Kɛ taraken, nɛnchɔɡe baa chɔɡ he bɔwɔb saŋ nɔna ne he ɡrepo nɔna.

Nɛra Kura 21:32

A habɔɔ la, Mosis tomɛ nɛra ba ka sɔh nyiŋi Jasa, asɛ dɛ yo bela tena, dɛ pɔ ba nɛ. Asɛ Israel tena ka lɛ bwɛjeɡre aa baro cheme dɔɔh, dɛ doŋi Amɔre tena baa lɔ bela.

Nɛra Kura 32:3

“Atarɔt ne Debɔn ne Jasa ne Nimra ne Hɛsbɔn ne Eleale ne Sebam ne Nɛbo dɛ Beɔn harɛre,

Nɛra Kura 32:35

ne Atrɔt Sofan ne Jasa dɛ Joɡbeha,

Nɛra Kura 32:38

ne Nɛbo dɛ Baal Meɔn, ba berɔ beɡre ɡɛ sɔna nɔ. Ba kwaarɔ vɔrɔwe Sibma ɡe, dɛ berɛ kwaa pa bwɛjena baa kwaara vɔrɔwe la ɡe sɔna.

Josua 13:19

ne Kiriataim ne Sibma dɛ Sɛrɛt Saha aa lɔ deŋɡare waa lɔ fɛlembɔjen bini la doa,

Josua 13:25

Jasa ne Gelead bwɛjena bwa, ne Amɔn tena harɛ la pera, dɛ́ kpoŋe kaa Arowa waa lɔ bwɛjen Raba wee leebɔr,