Aesaya 16:4 - mzwDBL

⁴ Hé ɡel ya Moab tena baa doŋi yaa ya ba marɛ nɔ dɔ sobɔr he harɛ ta. Hé tɔ yaa ɡbemɡbe, he bɛ ɡel ya dɔma dɔ yaa.” Wahala ɛɛ tonɔɔ, nɛŋkpoa ba a jaɡa, ásɛ nɛra baa dɛ vuuɡi harɛ la bwa ɡe le o ta.

Aesaya 16:4 ပူးပေါင်းရင်းမြစ်များ

Aesaya 14:4

hɛɛ kpɔ yelee sɛɡle Babelɔn kooro dɛ ŋɔ, “Hé na ɡɛ nyubinikpeɡ te la aa bera sɔɔh! Hé na ɡɛ o bandia aa ba a jaɡa!

Malakae 4:3

Awola tɔpere maa ba ɛ ɡɛ waa nɔ la, hɛ́ɛ tiɡri nyubinikpeɡ tenaa do harɛ kɛŋɔ tɔɔ.

Aesaya 51:13

Kɛ he soh men Korowii maa ta heyaa dɛ paɡri nyundua kɛŋɔ yal, dɛ pa harɛ mun la wa. Ɛrɛwaa tɔpere bɛlbwa hɛɛ ɔmɛ nɛra baa dɛ fiiɡi heya, dɛɛ nyin bá chɔɡ heyaa kohona nɔɔ? Leperaa ba bandia ɛɛ tel ɔ?

Aesaya 9:4

He pɔ ba dɔma ba fa aa dɛ ha ba, kɛŋɔ baa kpɔ daa dawɛ nae anɛ nɛ aa parɛ, dɛ kpɔ daŋɡbale dɛɛ lɔɔra la nɛ. Gɛ tentenee he kuuɡi daa aa dawɛ Midian tena nɛ dɛ lɛɛ ba.

Wepila 11:2

Bɛ bela waa ja Dea la ta ba tel bela mɔɔ dɛɛ jo Dea la tenten bini la te maɡɛ. Teŋe bela ta, dɛkalkɛ Korowii kpɔ bela tɛ nɛra baa wola on tomɛ, ásɛ ba tiɡri o bwɛjen Jerusalam la ta korobie fifraanaarɛ dɛ anɛ.

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.

Sekaria 10:5

Ba bwa ɛɛ doo kɛŋɔ banyoola, dɛ́ɛ tiɡri ba dɔma nɛɛ fɔɡbaahna laa ta. Men Korowii ja ba nɛɛ nomanta, baa yoo dɛ́ pɔ ba dɔma baa soɡe jaɡre ta, laa ta nɛ.

Jeremia 48:18

Debɔn tena, hé le he soŋnibɔr waa dɔ jirima ba, dɛ́ ba so harɛ bomboɡ ta. Nɛn waa ba chɔɡ Moab la balɔ dɛ́ ba kuuɡi danjwɛjen waa baro la.

Jeremia 48:8

Bwɛɛ bɛlbwa aa kae ba dɛ́ le chɔɡa la nyoa, fɛlembɔjena ne deŋɡarere a dor aa chɔa kaa bwa ɛɛ chɔɡoo. Men Korowiirii bola.

Jeremia 21:12

Kooro Devid naanar, waa Korowii aa dɛ bol laanee nɔ. ‘Hé na kɛŋɔ waa aa wera dɛ toɡre lole tɔpere bɛlbwa, hé lɛ nɛra baa dɛ fiɡ ba le ba dɔɔranar nɔn ta, nɛra baa lɛ ba laala bwa la. Dɛ ɡɛ laa aa, n bandia ɛɛ fuuh kohona kɛŋɔ nii ken, bɛlbwa aa wola won sɔɔh o nyoa, wechɔɡa haa ɛa la wa.

Aesaya 33:1

Hé bwɛɛlɛ, nɛra haa dɛ chɔɡ nɛra, nɛra aa wola he te chɔɡ. Hé le nɛra dɛɛ tɛ, nɛra aa wola he te leɛ dɛɛ tɛ. Hé ɡel nɛra chɔɡaa, nɛra ɛɛ chɔɡ heyaa, he ɡel nɛra lee dɛ tɛ aa, nɛra ɛɛ le heyaa tɛ.

Aesaya 25:10

Korowii ɛɛ kpɔ nɔnee tɔ Saayɔn Bwejen la taa, kɛ Moab tena te, baa tiɡri ba nɛɛ kɛŋɔ baa tiɡri kpɔɡa dɛɛ koo nabena ta la.

Aesaya 15:6

Nimrim nenabɔɔ nee bwa hweehrɔ kwaraa, kpɔɡa aa lɔ o nyoa bwa holɔ, papo-lwɛɛ bɛlbwa toole dɛ ta che bela kpa.

Mmarare 24:14

He bɛ nyaa kɛɛ nomɛl aa hiaoh o ɛ he toma tɛɛ la faah, hale dɛ he bini Israel tee yoo dɛ hɔɔhre o so he bwɛɛ yoo.

Tɔn Pɔɔl Aa Chwerɛ Rom Tena 16:20

Korowii waa dɛ tɛ yaa deŋnesɔɔhna la aa biɡri chɔɡ Bɔnsam ne o toma, ásɛ he tiɡri o nɛ. Yá Dɔɔ Yeesu Kristo cha heya.

Sekaria 9:8

Kɛ mɛɛ daah n harɛɛ le laa tena nɔn ta, ba bɛ won ba bela. Nɛra baa dɛ fiiɡi nɛra aa won ba yo n nɛra kpa, dɛkalkɛ n ta dɛ daah ba.

Aesaya 49:26

Mɛɛ ɡeloo nɛra baa dɛ yoo heyaa la kpoo ba ɡbaɡba, dɛ́ nyɔ ba ɡbaɡba chale, dɛ́ dɛɛ kɛŋɔ baa nyɔ sen ken, ásɛ nɛwɛnyini bwa jemɛ kɛŋɔ, Men Korowii, menee he Lɛɛ, menee yawɛ he nyu, dɛ berɛ ɛ Jekɔb Kpeɡnɛn waa tomɔ la.”

Aesaya 54:14

Waa aa toɡra taa aa ba cheɡa he won che kɛrɛdɛ, he ne nyubinikpeɡ tena baah ɛɛ do jaŋnee, komɛlbwa toole he ɔmɛ.

Aesaya 58:7

Ane ɡee kɛŋɔ, dɛ lɔr dɛ kpo nomɛl aa, tɛo kwaa ó di. Nomɛl nyao, o ta bɔr dɔe dɛ́ chɔ aa, kpɔɔ kaa he dem. Dɛ nomɛl ɡe ta yal dɔe dɛ́ tɔ aa, tɛo bɛl, ásɛ dɛ bɛ sie laa kpɔ he lolanar ɡe nɛ.

Jeremia 40:11

Juu tena bwa baa lɔ Moab ne Amɔn ne Edom, dɛ harɛre aa jaa nɛra aa noa kɛ Babelɔn kooro ɡel nɛra bane Juda harɛ, dɛ le Ahikam bibaa Gedalia, o nabaa aa ɛ Safan wɛɛ nyiŋi ba nɛɛ la,

Obadia 1:14

A ta chɛɛ kɛŋɔ he ka che ŋwɛnɛ chɛchɛre ta lawɛ banɔ la baa dɔ bɔr chwa le dɛɛ kaa la. A ta chɛ kɛ he kpɔ ba ka do ba dɔma nɔn ta ba sibeɡra tɔpere wee.