Aesaya 16:14 - mzwDBL

¹⁴ Taraken Korowii berɔ ŋɔ, “Gɛ paa te yon dɛɛ do o tɔpere la, ɡɛɛ Moab tena ɡe tɔpere do. Bonɔ bene atoro Moab kondɔɔh bwa dɛ́ ba chɔɡa ó di ncho. Nɛn damanta baa lɔ o ta bwa, tamaa kenii dɛɛ ba kae, baa ɡwɛɡroo.”

Aesaya 16:14 ပူးပေါင်းရင်းမြစ်များ

Mumpar 31:1

Jekɔb noɔ kɛŋɔ Laban bibaala aa dɛ bol ŋɔ, “Jekɔb kpɔ ya mɛɛ kwaa waa dɔa la bwa. O kondɔɔh waa dɔa nɔ bwa le ya mɛɛ kwaa ta.”

Ɛsta 5:11

Ba bwa aa baa cheme la, o kpɔ o kondɔɔh aa kana ne o bibaala wara baa wara dɛ ta nyoa. Dɛ berɛ baɡle ŋwɛnɛ kooro aa cheɡɛ o ta dɛ tɛo jirima, ne nomonome waa tɛo o ɡwaa o dɔŋa nomonjena ne banɔ la baa dɛ ɛ toma koodem la bwa.

Job Tɔn 14:6

Laa sie kpɔ o nɛɛ dɛ́ ta o waa tɛo, dɛ́ ɡel o ɛ o toma ka tel kɛŋɔ waa tonɛ dɛ́ onɛ kɛŋɔ paate.

Job Tɔn 7:1

Job berɔ ŋɔ, “Nɛwɛnyini soɡa bini, tomkpeɡaa chɔ le dɛ tɛo, kɛŋɔ paate waa dɛ ɛ toma la.

Aesaya 11:14

Baa pɛo dɛ́ lɔ ka tɔ Filisti tena baa lɔ wee cholibɔr nɛɛ dɛ́ yoo ba, dɛ́ ka kah banɔ la baa lɔ wee leebɔr la ɡe laala kɛ laa ta kwa, dɛ́ kpɔ nɔn dawɛ Edom ne Moab tena nɛ, Amɔn tena berɛ ba bechale dɛɛ tom ba.

Aesaya 15:5

N bambile dɛ wee mɛ Moab tena wa. Nɛra baa soɡe harɛ la ta chwao kaa Soar, hale dɛ ka tel Eɡlat Sɛleseya. Bane teehnɔ kaa Luhit, baa dɛ kaa la bwa, dɛ ba ne wii. Bane chwao kpɔ Horonaim ŋwɛnɛ dɛɛ wi ba chɔɡa wa.

Aesaya 16:13

Moab harɛ waa Korowii aa bola wubwa laanee la.

Aesaya 17:4

Korowii ŋɔ, “Awola tɔpere la, Israel jirima waa dɔa la ɛɛ tonɔɔ, ásɛ nyaa chiɡ o kondɔɔh naa ta.

Aesaya 21:16

Korowii berɔ ŋɔ n be ŋɔ, “Gɛ paadii yon jemɛ kɛŋɔ benanyoa wɛɛ ba o toma tona la, ɡɛɛ Keda tena jirima bwa ɛɛ ba tona benanyoa.

Aesaya 23:9

Koranar Bwa Kooroo ɡela a chiɡ. O ɛ ɡɛ ásɛ ba jirima baa dɔa dɛɛ ɡɔɔ ba te la tonɛ, dɛ́ ba banɔ la baa dɔ nyanyini harɛ nɔ ta la ne harɛ.

Aesaya 25:10

Korowii ɛɛ kpɔ nɔnee tɔ Saayɔn Bwejen la taa, kɛ Moab tena te, baa tiɡri ba nɛɛ kɛŋɔ baa tiɡri kpɔɡa dɛɛ koo nabena ta la.

Aesaya 25:11

Baa dɛɛ ta nɔɔra a binii, kɛŋɔ nɛn yon dɛɛ wa nee la. Korowii ɛɛ ba ba jenu baa dɛ ɛ la ne harɛɛ, hale ba takapɔ ɡɛ bɛlbwa kwaraa naa, aa won lɛɛ ba.

Aesaya 7:16

A ne ɡɛ saŋ tela la, koranar banɛ nɔ baa dɛ aah heyaa nɔ, ba dɔma ɛɛ ba yoo baa dɛ́ pɔ ba nɛ, ba harɛre chɔ pɛɛpɛɛ.”

Jeremia 48:42

Baa chɔɡ Moab harɛ nɛra bwaa, dɛkalkɛ ba vɛh men Korowii.

Jeremia 9:23

Korowii ŋɔ, “Wejerema bɛ mbarafo ɛ ba wejema baa dɔa wa, bokpeɡa tena bɛ ba te dɛɛ maŋkura ba bokpeɡa baa dɔa wa, kɛɛ dɔɔh kpɔ o te dawɛ o kondɔɔh ta.

Mmarare 15:8

Hé ta tea, dɛ́ kemɔ anɔ la aa telu.