Aesaya 16:12 - mzwDBL

¹² Moab tena teehno kaa bwe doa ba voɡa la ta naa, ba dɛ koh pɛɛpɛɛ. Ba la ba voɡa deene bini dɛ ka soŋa oo, aa ban komɛlbwa lee ba.

Aesaya 16:12 ပူးပေါင်းရင်းမြစ်များ

1 Koranar 11:7

Kooro Solomɔn do dea bwe bɛl ta Jerusalam wee leebɔr, dɛ kwaa bɔr baa dɛɛ tomɛ Moab tena voɡ Kemɔs ne Amɔn tena voɡ Molɛk aa ɛ kii kwaa la.

1 Koranar 18:29

Ba teŋɔ soŋe ka tel kɛŋɔ webaŋa aa baa ɡarɛ, kɛ o ta ban chaŋɛ, ba ta wobɛlbwa ɡe noɛ.

2 Koranar 19:12

N naawa yo harɛre nɛra bane baa le Gosan ne Haran ne Rɛsɛf dɛ chɔɡ ba harɛre, dɛ kpoo Bɛt Eden tena baa soɡe Tɛl Asa, ba voɡare wono lɛɛ ba aa?

2 Koranar 3:27

Asɛ o lawɛ o bibanloɡle waa chiɡ o naa ta dɛ́ di kora la, dɛ kpɔɔ ɛ saraha danjwɛɛ baa maa bar bwɛjen la ta tɛ Moab harɛ voɡ. Israel laa tena la aa na ɡɛ la, ba bambile teŋo kohona ba laa berɛ kaa ba harɛ ta.

Sɛɡla 1:28

belaa hɛɛ ba men maa dɔ wejema nɔ yera, ásɛ n mwaa he bwa ne. Hɛ́ɛ ɡaaɡoo dɛɛ nyin n bɔr bobɛlbwa yalayala ken, kɛ haa men na.

Aesaya 15:2

Debɔn tena teehnɔ kaa deŋɡare ta, bela ba voɡ aa lole dɛ́ ka wi. Moab harɛ ta nɛra bwa ɛɛ wi bwɛjena Nɛbo ne Medeba waa, dɛ́ fonɛ ba nyuune ne tampona bwa ta, aa baɡle suna dii.

Aesaya 16:13

Moab harɛ waa Korowii aa bola wubwa laanee la.

Aesaya 26:16

N Naa Korowii, he tɛr he nɛra deŋne baa na wahala, asɛ ba ba he be ba soŋe.

Aesaya 37:38

Awola bɛl, o ka dɛ tu voɡa o voɡ Nesrɔk dea, asɛ o bibaala banɛ, Adramɛlɛk ne Saresa ka kpoo kere ne, dɛ chwa kaa Ararat harɛ ta. Asɛ o bibaa Esaahadon chiɡ o naa ta, dɛ di kora.

Aesaya 47:13

Jae bwa haa dɔa habɔɔ, he ta kpeɡri bɛlbwa dɔe. Gel wejerema baa jemɛ weweela wa, dɛɛ baɡle waa aa dɛ ba chiɡa korobie bɛlbwa ta, ir ba lɛɛ le waa aa dɛ ba he pui la ta.

Jeremia 10:5

Ba ɛa a do kɛŋɔ yakwane baa saɡa koo, dɛ kpɔ dɛɛ doŋi jumbii la ken, ba voɡare la aa won waa bol. Cheɡaa baa chea, dɛkalkɛ aa won valɛ. He bɛ an dɛɛ ɔmɛ, wobɛlbwa toole á won ɛ, kɛɛ dɛ́ won ɛ wedɛɛɡa ane tɛ heya.”

Jeremia 48:13

Sihiih ɛɛ kpo Moab tena ba voɡ Kemɔs waa, kɛŋɔ sihiih aa kpo Israel tena voɡ Bɛtel baa kpɔ ba hwɛɡa dawɛ o nɛɛ la.

Jeremia 48:35

Moab harɛ taa mɛɛ ba nɛra baa dɛ ɛ sarahare deŋɡarere dor, dɛɛ fuh daawiile dɛɛ tɛ ba voɡare la kpoora. Men Korowiirii bola.

Jeremia 48:46

Moab tena, hé bwɛɛlɛ! Nɛra haa dɛ tomɛ voɡ Kemɔs la, he chɔɡɔ. Ba lawɛ he bibaala ne bihaahna bwa kaa bojaŋ harɛfale ta.

Jeremia 48:7

Moab harɛ tena, hé kpɔ he te dawɛ he bokpeɡa ne kondɔɔh ta, kɛ ba dɛ ba heyaa yoi dɛ́ pɔ he nɛ, dɛ́ kpɔ voɡ Kemɔs kaa harɛfale ta, o ne o nomonome ne o kerekpoŋra.

Nɛra Kura 21:28

Kooro Sihon laa tena le Hɛsbɔn kɛ nii ken, kɛŋɔ ninlao dɛ le Kooro Sihon bwɛjen ta, dɛ ba chɔɡ Moab harɛ bwɛjen Ar, dɛ ka chɔɡ nɛra baa lɔ Aanɔn Moo deŋɡarere ta.

Nɛra Kura 22:39

Asɛ Kooro Balak ne Balam kaa bwɛɛ bɛl baa dɛ yerɔ Kiriat Hosɔt.

Nɛra Kura 22:41

Tɔ aa pera chɔɔ la, Kooro Balak kpɔ Balam kaa Bamɔt Baal ba ka che bela na Israel tena la bane.

Nɛra Kura 23:14

Dɛ kpɔɔ kaa kpɔɡ baah bobɛl baa dɛ yerɛ bela Sofim, Pesɡa Bwejen doa. O ma kwaa baa dɛ ɛ saraha a ta anuanɛ, dɛ kpɔ nabal ne pebal ɛ saraha bɛlbwa ta.

Nɛra Kura 23:28

Asɛ Kooro Balak kpɔ Balam kaa Peɔ Bwejen doa, bela haa che dɛ́ na pua hɛŋle ɡbo harɛ la.

Nɛra Kura 24:17

N na Israel tena wa aa dɛ ba bala kerekere, kɛ taraken laa. N nyiŋa, kɛ a ta men bɛnɛ. Kooro bɛl ɛɛ le Israel tena binii ba kɛŋɔ wewee ken. Nomoa bɛl ɛɛ ir ba binii, dɛ́ kpoŋe koodaŋɡbala. Wɛɛ kpoo Moab sitɔɔlaa, dɛ́ chɔɡ Sɛt naanar baa ɛ naɡrenyin tena.