Aesaya 15:7 - mzwDBL

⁷ Ba cheɡɛ ba kondɔɔh baa dɔa bwa ɡale Dajaŋa Nenabɔɔ, dɛɛ ba kpɔe ka sɔh.

Aesaya 15:7 ပူးပေါင်းရင်းမြစ်များ

Aesaya 10:14

N pa ba kondɔɔh kɛŋɔ jumbie kɔr ne hala ken. Gɛ nɛn yon ka pu kwaa hala kɛŋɔ a chɔ pɛɛpɛɛ o yon pa la, ɡɛɛ n kpɔ harɛre la bwa. Bɛlbwa ta parawe kɛɛ dɛ si.’ ”

Aesaya 10:6

Nɛra baa wola men tomɛ la bee mɛɛ ba Asiiria tena toma, nɛra baa dɛ ɛ n bandiwaa la bee mɛɛ ba ba doe bá ka yoo ba, dɛ́ pa ba laala dɛ́ kah ba kondɔɔh, ásɛ dɛ tiɡri ba nɛɛ kɛŋɔ kpechɛɡre aa lɔ fɔɡbaahna ken.

Aesaya 15:8

Moab harɛ jwɛhre bobɛlbwaa baa wi, ba wii tel bela bwɛɛre Eɡlaim ne Beɛ Elim.

Aesaya 30:6

Waa Korowii aa bera kpɔ baɡle Aesaya chaahna ta, a ɛ kpɔɡ bini olchɔɡa waa Nɛɡɛv pua hɛŋle ɡbo harɛ taa nɔ. “Juda tena toroma la vɔrɔwe ba laala dawɛ keeɡore ta, dɛ vɔrɔwe ba kondɔɔh dawɛ nyoɡmare ta, dɛ kpɔ wekpeɡa ne siswɛm harɛ, nyujentena ne domkpule ne harɛkwaare aa dɛ jah aa lole, dɛɛ kaa harɛ la tɔnɔ bɛlbwa aa wola toole o ta la ta.

Aesaya 5:29

Ba ɡbɔɡa do kɛŋɔ nyujentena aa dɛ si. Gɛ nyujente lawɛ ol dɛ́ yon tuuɡu dɛɛ kaa dɛɛ kɔɡre la, ɡɛɛ ba lawɛ n nɛra dɛɛ kaa, dɛɛ ɛ, nomɛlbwa aa wola won lɛɛ ba.

Jeremia 48:36

N wio dɛɛ tɛ Moab ne Kir Haresɛt tena, kɛŋɔ baa dɛ hoh kalipe dɛɛ ɡo lweyela ken. Ba kondɔɔh baa dɔa bwa le ba nɔn ta.

Lewi Dea Tena 23:40

Tɔpere waa tɔ sie la, hé kpɔ daa nɔna aa wera kohona, dɛ́ kpɔ bambie papooni ne daa a papooni aa wara ne daa ane aa cheɡɛ nee nyoa a fee warɛ a ta, dɛ lɛ he sie tɔpera anuanɛ men Korowii haa dɛ tom mɛ nɔ sɔn ta.