Aesaya 14:6 - mzwDBL

⁶ Banee kpɔ bwaawee dɛ do nɛra ba ta ba lɔɔra ɡelɛ bwa, harɛre nɛra baa pɔ ba nɛɛ la, ba ta ba fiiɡa ɡelɛ bwa.

Aesaya 14:6 ပူးပေါင်းရင်းမြစ်များ

2 Webena 36:17

Anomanta, Korowii ɡelɔ Babelɔn Kooro Nebukadnesa ba yoo ba, dɛ kpo bonɔmbie baa lɔ Korowii Dea keri ne. Ba ta bonɔɔ kɛɛ tolo, banjena kɛɛ nomɛlbwa waa hwɛɛhra ɡelɛ. O kpɔ ba bwa do Kooro Nebukadnesa nɔn ta.

Job Tɔn 9:13

Korowii baah diu waa, o ɡbaɡba aa won o te larawe warane, o dɛ sɔɔh mpo bini oljen ne kwaa aa dɛ chao la nyoa, á do o lɔɡa.

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Sɛɡla 28:15

Nomonchɔɡe waa dɛ nyiŋi nɛŋɡwɛɡra la, o do kɛŋɔ nyujente kɛɛ sisire yon dɛɛ kɔɡre, dɛɛ nyin ola dɛ́ lawɛ la.

Aesaya 10:14

N pa ba kondɔɔh kɛŋɔ jumbie kɔr ne hala ken. Gɛ nɛn yon ka pu kwaa hala kɛŋɔ a chɔ pɛɛpɛɛ o yon pa la, ɡɛɛ n kpɔ harɛre la bwa. Bɛlbwa ta parawe kɛɛ dɛ si.’ ”

Aesaya 14:5

Korowii kuuɡi wechɔɡ-ɛɛra daŋɡbale, o ɡelɔ koranar kpeɡri sɔɔh.

Aesaya 33:1

Hé bwɛɛlɛ, nɛra haa dɛ chɔɡ nɛra, nɛra aa wola he te chɔɡ. Hé le nɛra dɛɛ tɛ, nɛra aa wola he te leɛ dɛɛ tɛ. Hé ɡel nɛra chɔɡaa, nɛra ɛɛ chɔɡ heyaa, he ɡel nɛra lee dɛ tɛ aa, nɛra ɛɛ le heyaa tɛ.

Jeremia 25:26

dɛ weekaŋle nyunduabɔr koranar baa lɔ bojaŋa ne ambori bwa ta, ásɛ harɛre nɛra bwa teŋɛ dɔŋa nɛɛ dɛɛ nyɔ. Ba bwa habɔɔ la, mɔɔ Babelɔn kooro ɡe ba nyɔ danana nee la.

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 48:17

Bwɛɛre haa soɡa baro bwa nɛra hé wi tɛo, hé nɛra haa na o jirima bwa ŋɔ, ‘Hé na ɡɛ kooro faahna waa kpeɡa dɛ dɔ jirima la aa kua.’

Jeremia 50:31

Babelɔn harɛ tena, he ɛ mbarafo, men Korowii, Koranar Bwa Kooro ne he dɔɔ. Dɛkalkɛ he tɔpere telo kɛŋɔ ń tɛr he deŋne.

Wiile 1:21

Ba no n wii maa dɛ wii, kɛ nomɛlbwa toole dɛ́ ba larawe n bwara. N dɔma bwa no n wenaale wa, asɛ ba sie lɛ kɛ haa kpɔa ba ta n nɛ. Gel tɔpere bɛl haa baɡɛ nyoa o waa la ba, ásɛ ba ɡe bwara nyɛɡ kɛ n kwaa nɔ.

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Habakuk 1:17

Baa ɡeloo ba teŋɛ dɛ́ kpoo harɛre nɛra kɛŋɔ pɛŋa baa wola ba sumii na naa?

Habakuk 2:5

Kondɔɔh neɡre Babelɔn tena dɛ ɡel ba nyoɡre. Ba ɛ kafonyine, ba siwi aa kwaa su bwa. Ba jenu dɛɛ ɛ sikpeɡ kɛŋɔ seo waa wola vaɡɛ bwa la. A waa ba teŋɛ dɛɛ pɔ harɛre nɛra nɛ, dɛɛ laɡ ba laa ta.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.