Aesaya 14:32 - mzwDBL

³² Webesoo yaa ba toroma baa le harɛ la ta ba la chaŋa ɔ? “Korowii kpɔ Saayɔn cheɡ, ásɛ o nɛra baa dɛ na wahala dɔ bɔr so dɛ́ dɔ ba nyu.”

Aesaya 14:32 ပူးပေါင်းရင်းမြစ်များ

2 Samoɛl 8:10

o tomɛ o bibaa Hadoram Kooro Devid be, o ka jaamo yoi waa kaa yo Kooro Hadadesa dɛ pɔ o nɛɛ la wa. Dɛ o ne Kooro Tou nɔ yo laa ka. Hadoram kpɔ suuɡaswɛm ne suuɡapoŋa dɛ ayaawa kwaa bwa soo siwi ba tɛ Kooro Devid.

Yela 102:16

Wɛɛ berɔ ba kwaa ma bwɛjen Saayɔn ja, ásɛ dɛ forɛ le o jirima ne.

Yela 102:28

Ya bii ɛɛ so he siee ásɛ he kpɔ nɔn tɔ ba nɛ, ásɛ dɛ nyiŋi ba naanar nɛ ba bwara sɔɔh ba.”

Yela 48:4

Koranar boa ba laa tena nyoa, dɛɛ ba ba yo nɛra baa soɡe Saayɔn Bwejen ta,

Yela 87:1

Korowii ma o bwɛjen Jerusalam o do bwejen waa do ɡoroŋ doa.

Yela 87:5

Baa bol bwɛjen Jerusalam waa ŋɔ, o binii harɛre nɛra bwa le dɛ ba, Nemenɛ Korowii ɛɛ ɡeloo ó do kpeɡri.

Sɛɡla 18:10

Korowii do kɛŋɔ dejaŋ waa kpeɡa, belaa nɛra ba wa aa toɡra bwa chwa dɛɛ kaa wɛɛ lɛɛ ba.

Aesaya 11:4

Ŋwɛnɛ waa toɡra taa wɛɛ ba cheɡa, dɛɛ bol nɛra aa hiah ba wa, dɛ́ pa bole, kasinteŋii wɛɛ ba kpɔe dɛ́ bol harɛ nɔ ta nyaara waa tɛɛ ba. O nyoa wobolee wɛɛ ba kpɔe tɛr nɛn deŋne, waa waa bol la ɛɛ kpoo wechɔɡ-ɛɛraa.

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Aesaya 25:4

He lɛ nyaara ne nɛŋɡwɛɡra ba suna dii tɔpere ta. He dɛ tɔ ba nɛɛ dɛɛ le peukpeɡ ta, wee nyɛɡre aa, he laɡ ba dɛɛ tɛɛ ba chunchule. Nyubinikpeɡ tena do kɛŋɔ, peukpeɡ aa taa dɛ kpɔ nee dɛɛ lɔ danjwɛɛ dɛɛ kuu la,

Aesaya 28:16

Waa Nemenɛ Korowii aa dɛ bolee nɔ. “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn, o lawɔ kpoŋe kiŋkiŋ.

Aesaya 29:19

Nɛŋɡwɛɡra sie ɛɛ berɔɔ lɛ Korowii waa ta ja, nyaara hɛɡre Israel Nɛŋɡoroŋ la wa.

Aesaya 37:32

Bane ɛɛ kao dɛ́ do Jerusalam Saayɔn Bwejen ta. Nemenɛ Korowii ɛɛ do siee, dɛ́ ɛ anɔ bwa.”

Aesaya 37:9

Belaa Asiiria koojen no kɛŋɔ, Ijipt Kooro Tirhaka waa le Itiopia ne o laa tena dɛ ba ba yoo. Anomanta, o chwerɛ tɔn, dɛ kpɔ tomɛ toroma Juda Kooro Hɛsɛkea be ŋɔ,

Aesaya 39:1

A ɡɛ saŋ dɛ Babelɔn harɛ ta kooro bɛl sɔne Mɛrɔdak Baladan, o mɛɛ sɔne Kooro Baladan. Kooro Mɛrɔdak Baladan aa no Kooro Hɛsɛkea weela waa la, o chwerɛ tɔne dɛ kpɔ koŋkɛɛla ja tomɛ ŋɔ, bá kpɔ ka tɛo.

Aesaya 4:6

bɔwɔb aa ban kpo webaŋa, hale bá dɔ bɔr dɛ́ chwa sɔh bwaala ne o peu ta.

Aesaya 44:28

Men Korowii berɔ bol Saeros ɡe waa ŋɔ, ‘Henee dɛɛ ba n nɛra nɛɛ nyiŋa, dɛ́ ɛ waa maa dɛ nyin la bwa ka tonɛ,’ dɛ berɛ ŋɔ, ‘Hé kwaa pa Jerusalam ne men Korowii Dea la mun.’ ”

Aesaya 54:11

Jerusalam, wahala bwɛjen peuchɔɡa aa taa dɛ chɔɡe, nomɛlbwa aa wola toole dɛ́ larawe he bwara, mɛɛ kpɔ bwedɛɛɡa a yoɡ aa kpeɡa dɛ́ berɛ kwaa mae.

Aesaya 57:13

Dɛ waane pu heya aa, hé do lɔŋɔ tɛ he voɡdamanta la, á ba lɛ heya. Peu bɛlbwa ɛɛ won che a bwa kaa. Nyoa peu kwaraa ɛɛ won kpɔa kaa. Kɛ nomɛlbwa waa kpɔ o te dawɛ n nɛɛ la te ɛɛ so harɛ la taa, dɛ́ tom mɛ N Dea Jerusalam.”

Ɛsekeɛl 48:35

Harɛ la bwa jaŋne dɛ bar la ɛɛ ɛ naɡale kaɡboŋa fifraanɛ dɛ anuanɛɛ. Dɛ le awola dɛ kaa la, baa yerɛ bwɛjen la, ‘korowii lɔ bela.’ ”

Sefania 3:12

Nɛra ba waa aa pwɛra ne nɛra baa kpɔ ba te dawɛ n nɛɛ laanee dɛ́ so bela, ásɛ ba ba n be, ń cha ba.

Sekaria 11:11

Fɔo la chɔɡɔ awola tɔpere, asɛ peera baa dɛ fiiɡa la ɛɛ nyiŋ mɛ, dɛ na kɛŋɔ Korowiirii bol ɡɛ waa maa ɛa la.

Sekaria 11:7

Anomanta, men Sekaria nyiŋi peera baa lea cheɡ dɛ́ ka kpoora la nɛ, dɛ teɡa kaa dibɔr, anɔ la baa dɛ fiiɡa la fanfa. Asɛ dɛ kpɔ daŋɡbale anɛ, dɛ pa bɛl sɔn ‘Sum Nae’, asɛ bɛl ɡe ‘Nyopɛo’, dɛ nyiŋi peera la nɛ.

Matiu 16:18

Anomanta, n ŋɔ he sɔne Pita, o munii Bwe. Gɛ bwe nɔ taa mɛɛ ba n dea doe chɔŋɛ. N habɔteŋraa n dea la. Hale seo kwara aa wola won pɔ ba nɛɛ bwa.

Hibru 11:10

Dɛ Abraham dɔ bwɛjen bɛl hwɛɡa. A ɡɛ bwɛɛ la, Korowii ɡbaɡbaa vɔrɔwo, o che kiŋkiŋ. Waa paɡre bwa.

Hibru 12:22

He te aa ba Korowii be nɔ, Saayɔn Bwejen ne Jerusalam waa lɔ nyundua dɛ ɛ Korowii waa lole saŋ bɛlbwa bwɛjen la, o taa he ba. Bela nyundua toroma kaɡboŋlafa aa chema silɛɛ ne laanee he ba.

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.