Aesaya 14:29 - mzwDBL

²⁹ Filisti tena, daŋɡbala baa kpɔa lɔɔ heyaa ka la kuu, kɛ he bɛ ɡel he sie lɛ he hɛɡre. Harɛkon sewaa, onchɔɡe kɛ domkpule dɛ́ chiɡ o naa ta, ásɛ o bii ɡe do kɛŋɔ doh dɛ́ ir.

Aesaya 14:29 ပူးပေါင်းရင်းမြစ်များ

2 Koranar 18:8

O yo Filisti tena dɛ pɔ ba nɛ, bwɛjena ne anɔ la baa ma danjwɛkpeɡ bara bwa, dɛ kpoŋe ka le bwɛjen Gasa bwa.

2 Webena 26:6

Kooro Ussia ne Filisti tena yo laa, asɛ dɛ ka paɡre danjwɛkpeɡa aa bar bwɛjena Gat ne Jamnia dɛ Asdɔd. O berɔ kwaa vɔrɔwe bwɛjena aa bɛne Asdɔd dɛ Filisti harɛ la ta bobɛla bwa.

2 Webena 28:18

asɛ Filisti tena ɡe ba lɔ tɔ Juda harɛ ta bwɛɛre aa lɔ deŋɡarere ta, ne Nɛɡɛv pua hɛŋle ɡbo harɛ tena nɛ. Ba yoo dɛ lɛ bwɛjena Bɛt Sɛmɛs ne Aejalɔn, ne Gɛdɛrɔt ne Soko ne Temna dɛ Gimso, ne a bwɛjeɡre aa bara bwa dɛ so a ta.

Sɛɡla 24:17

Waa pu he dɔm aa, bɛ ɡel he sie lɛ, o lɔ harɛ naa, bɛ ɡel a do he som.

Aesaya 11:14

Baa pɛo dɛ́ lɔ ka tɔ Filisti tena baa lɔ wee cholibɔr nɛɛ dɛ́ yoo ba, dɛ́ ka kah banɔ la baa lɔ wee leebɔr la ɡe laala kɛ laa ta kwa, dɛ́ kpɔ nɔn dawɛ Edom ne Moab tena nɛ, Amɔn tena berɛ ba bechale dɛɛ tom ba.

Aesaya 11:8

Bechala ɛɛ huuhnuu ka hɛlɛ bɔɔ biro aa lɔ o bini nyoa, bechala ka kpɔ nɔn do domkpule bɔɔ bini waa on wobɛlbwaa ɛ.

Aesaya 14:31

Hé do lɔŋɔre dɛɛ wii, he banɔ la haa lɔ bwɛjena bini la! Filisti tena, hé ɡel he bambile teŋe! Yoyoora tenten le weekaŋle nyunduabɔr dɛɛ ba, kɛŋɔ ninchuu ken, dɛ bwa pɛ dɛɛ ba ba yo heya.

Aesaya 2:6

N Naa Korowii, he vɛh he nɛra Jekɔb naanar. Ba lɔ wee leebɔr tena wepuu ta, dɛ berɛ voɡra kɛŋɔ Filisti tena, dɛ jo nɛra baa wola hen tomɛ we-ɛɛla ta.

Aesaya 30:6

Waa Korowii aa bera kpɔ baɡle Aesaya chaahna ta, a ɛ kpɔɡ bini olchɔɡa waa Nɛɡɛv pua hɛŋle ɡbo harɛ taa nɔ. “Juda tena toroma la vɔrɔwe ba laala dawɛ keeɡore ta, dɛ vɔrɔwe ba kondɔɔh dawɛ nyoɡmare ta, dɛ kpɔ wekpeɡa ne siswɛm harɛ, nyujentena ne domkpule ne harɛkwaare aa dɛ jah aa lole, dɛɛ kaa harɛ la tɔnɔ bɛlbwa aa wola toole o ta la ta.

Jeremia 47:1

Mɔɔ Ijipt kooro aa ka yo Gasa tena la, Korowii bol Filisti tena wa men Korowii keame Jeremia be.

Wiile 2:17

Korowii teŋɛ o nyobaɡa ta, dɛ ɛ waa o fa aa vɔrɔwa bil ŋɔ wɛɛ ɛo la. O chɔɡe, o ta he nɛɛ sune, dɛ ɡel he dɔma pɔ he nɛ, dɛɛ di he loro, he chɔɡa la wa.

Ɛsekeɛl 25:15

Nemenɛ Korowii ŋɔ, “Filisti tena aa ɛ Juda tena dɔma biɡri nomanta, ba dɔ liichɔɡa dɛ kpɔ nyubinikpeɡ ka tɔ ba wel Juda tena nɛ, dɛ chɔɡ ba.

Ɛsekeɛl 26:2

“Nɛwɛnyini bie, bwɛjen Taaya tena dɛ do silɛɛ lɔŋɔre ŋɔ, chwaasere, bwɛjen Jerusalam chɔɡɔ! Belaa bonadiire bwa ɛɛ la, waa chɔɡa nɔ, yaa do werii name.

Ɛsekeɛl 35:15

Edom tena, he sie aa lɛa ɡɛ saŋ Israel tena harɛ aa chɔ pɛɛ la, ɡɛ tentenee mɛɛ ba kpɔe ɛ heya, Sɛɛ Bwejen ne Edom harɛ bwa. Asɛ nomɛlbwa jemɛ kɛŋɔ menee Korowii.”

Hosia 9:1

Hosia ŋɔ Israel tena be ŋɔ, “He bɛ ɡel he sie lɛ kɛŋɔ harɛre ane nɛra. Dɛkalkɛ he le Korowii haa dɛ tomɔ la habɔɔ. Mea pɛla bɛlbwa haa cheme o ta la, he sie dɛ lɛ jwamansuuɡa ta.

Joel 3:4

Nɛra haa lɔ bwɛjena Taaya ne Sidon dɛ harɛre aa lɔ Filisti bwa, bɔkwa waa n ne he dɔɔ? He dɛ bɔ mɛ waane maa ɛ heyaa kem kɛɛ? Dɛ kemee hɛɛ bɔ mɛ tenaa, mɛɛ ɡeloo a berɛ ba ɡure he nyu ta warane.

Emɔs 1:6

Korowii berɔ ŋɔ, “Gasa tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lawɛ harɛbir nɛra laa ta, dɛ ka yoɡ ba yoma tɛ Edom tena.

Emɔs 1:8

Mɛɛ ir koranar baa lɔ bwɛjena Asdɔd ne Askɛlɔn kora taa. Mɛɛ tɛr bwɛjen Ekron tena deŋnee, ásɛ Filisti tena baa kaa la bwa serewe. Men Nemenɛ Korowiirii bola.”

Obadia 1:12

A fe ta chɛɛ kɛ he sie lɛ he lolanar baa lɔ Juda harɛ wenaale wa. A ta chɛɛ kɛ he hɛɡre ba chɔɡa wa, kɛɛ dɛ mam ba ba sibeɡra tɔpere wee.

Maeka 7:8

Ya dɔma, he bɛ ɡel he sie lɛ. A lole kɛ ya cholo te, yaa iruu. Ya lɔ biro ta te, Korowiirii dɛ́ do kɛ kandea dɛɛ chaah yaa bɔr.

Sefania 2:4

Nomɛlbwa ɛɛ chwao le Gasa, ásɛ Askɛlɔn chɔ pɛɛ. Wee ne ŋɔ o ba che nyufala, dɛ Asdɔd tena bwa chwao le kaa, ásɛ Ekron tena bwa le kwaraa.

Sefania 2:5

Filisti tena, hé bwɛɛlɛ. He nɛra haa soɡe mpo nyoa bwa, Korowii dɔɔ vɔrɔwe he deŋnetɛra waa bil tonɛ, dɛ ŋɔ wɛɛ chɔɡ heyaa, beŋkpoŋ kwaraa aa wola ka.

Sefania 3:11

Gɛ tɔpere la, maa ɡel sihiih kpo heyaa he deŋnekpeɡ haa ɛɛ mɛ la waa kpa. Mɛɛ le mbarafo tena bwa nee n bwɛjen nɔ ta, ásɛ bɛlbwa ɡe aa won ɛɛ mɛ sisawaa n bweɡoroŋ n Dea aa chɔŋɛ o ta la ta kpa.

Sekaria 9:5

Bwɛjen Askɛlɔn tena ɛɛ nao dɛ́ ɔmɛ, bwɛjen Gasa tena ɡe na ba bambile wee ba, ásɛ Ekron tena ɡe hwɛɡa bwa tonɛ. Gasa tena kooro ɛɛ le ba nɔn taa, ásɛ Askɛlɔn chɔ pɛɛ.

Nɛra Kura 21:8

Anee Korowii ŋɔ Mosis be ŋɔ, “Kpɔ ayaawa ɛ harɛkon, dɛ́ kpɔ saɡɛ dajaŋ ta, ásɛ nomɛlbwa harɛkon la bɛl aa choɡo la nyiŋi dajaŋ kon la dɛ́ dɔ o nyu.”

Josua 13:3

dɛ kpɔ le Sehɔ Moo waa lɔ Ijipt wee leebɔr, dɛ ka tel Ekron tena jwɛh ta weekaŋle nyundua, a bwa lɔ Keenan harɛ ta. Dɛ Filisti tena koranar banue soɡe bwɛjena Gasa ne Asdɔd ne Askɛlɔn ne Gat dɛ Ekron, dɛ Avi tena ɡe harɛ.