Aesaya 14:27 - mzwDBL

²⁷ Waa Koranar Bwa Kooro aa vɔrɔwa nɔ, umee dɛ́ won bera ɔ? O ir nɔn dɛ́ tɛr nɛra deŋne, umee dɛ won ŋɔ o be ŋɔ o bɛ ɛɔ?

Aesaya 14:27 ပူးပေါင်းရင်းမြစ်များ

2 Webena 20:6

dɛ ŋɔ, “N Naa Korowii ya naawa aa tomɛ, henee dɛɛ di kora nyundua ne harɛre nɛra bwa nɛ. Henee dɔ bokpeɡa ne kpeɡri kohona, nomɛlbwa toole dɛ́ won che he sie.

Job Tɔn 11:10

O lawɛ ŋɔ ba bol he waa dɛ́ doe dea aa, umee dɛ́ won tɔɔ ŋwɛnɛ ɔ?

Job Tɔn 23:13

Korowii te, ɡɛ waa doa o den do, nomɛlbwa aa won beɡre waa do o nyoa, anɔ la waa dɛ nyinii wɛɛ ɛ.

Job Tɔn 40:8

Hɛɛ ŋɔɔ he waa wer, dɛ́ chɔɡ mɛ ŋɔ n te waa aa were kɛɛ?

Job Tɔn 42:2

“N Naa Korowii, n jemɔ kɛŋɔ henee dɔ kpeɡri kohona. Nomɛlbwa aa won tɔe ŋwɛnɛ wobɛlbwa ta.

Job Tɔn 9:12

Dɛ o ŋɔ wɛɛ lɛ komɛlee yaa, umee dɛ́ won tɔɔ ŋwɛnɛ ɔ? Umee dɛ́ won ŋɔ o be ŋɔ, ‘Bɔkwaa hɛɛ ɛ nɔɔ?’

Yela 33:11

O wobɛlbwa waa vɔrɔwa dɛ che kiŋkiŋ saŋ bɛlbwa dɛɛ la, o liire aa charɛ bwa, a lole saŋ bɛlbwa dɛɛ la.

Sɛɡla 19:21

Nɛn won waa maɡla kohona, kɛ anɔ la Korowii aa dɛ nyin laanee dɛɛ ɛ.

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Aesaya 23:9

Koranar Bwa Kooroo ɡela a chiɡ. O ɛ ɡɛ ásɛ ba jirima baa dɔa dɛɛ ɡɔɔ ba te la tonɛ, dɛ́ ba banɔ la baa dɔ nyanyini harɛ nɔ ta la ne harɛ.

Aesaya 43:13

Kpelaa, n ɡboo Korowii saŋ bɛlbwa. Nomɛlbwa aa won lɛ o te n nɔn ta. Anɔ la maa ɛ la, nomɛlbwa aa won bera.”

Aesaya 46:11

Mɛɛ yerɛ nomɛlee le bojaŋ harɛ wee leebɔr, ásɛ o ba tawɛ harɛ nɔ ta nɛra baah ta kɛŋɔ kela ken, dɛ́ ba tonɛ anɔ la maa maɡla bil bwa. Waa maa bola la, anee dɛɛ ba ɛɛ.

Aesaya 8:10

He vɔrɔwe vɔrɔwa bɛlbwa kwaraa naa, aa ɛ pɛɛpɛɛ. He bol wobɛlbwa ɡɛ haa dɛ nyin kwaraa noo, aa ɛ wepuu, dɛkalkɛŋɔ Korowii ne ya lole.

Aesaya 9:12

Siiria tena le wee leebɔr, ásɛ Filisti tena ɡe le wee cholibɔr, dɛ́ ba haah Israel tena pɛ dɛ́ laɡ ba lile. Anɔ nɔ bwa habɔɔ Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jeremia 4:28

Gɛ nomanta, harɛ la ta nɛra ɛɛ wiu ásɛ nyundua bwa bir, dɛkalkɛ menee bola maa nsana le. N dɔɔ kpɔ a liire, maa habɔɔ le.”

Jeremia 44:28

Ba bini banɔ la baa dɔ bɔr le Ijipt harɛ ta kaa Juda la ɛɛ do tamaa kenii. Ásɛ Juda tena bwa baa kaa dɛ ba so Ijipt harɛ ta la jemɛ bɛl la o wa aa dɔ kasinteŋ, n waa la kɛɛ ba waa baa dɛ teŋɛ a ta la.

Jeremia 49:20

Anomanta, hé no Edom tena vɔrɔwa men Korowii aa dɛ vɔrɔwe wa, ne ɡɛ maa dɛ nyin n ɛ bwɛjen Teman tena. Hale ba bii bwa, baa laɡ ba laa taa kaa, ásɛ ɔmee ne bambiteŋa chole ba nɛ.

Jeremia 51:59

Waa men Jeremia aa kpɔa tɛ Nɛrea bibaa Seraya, baa dɛ yerɛ o nabaa Maaseya laanee teŋa nɔ. Dɛ onee dɛɛ cha Juda Kooro Sedekia ɡɛ saŋ waa di kora bene anaarɛ, asɛ o ne o la Babelɔn harɛ ta.

Ɛsekeɛl 26:14

Mɛɛ ɡeloo bwɛjen la bwetal la ɡbo ka, ásɛ nɛra baa dɛ ɛ nee toma la ɛɛ nyenɛ ba dɔɔhne o ta. Baa won kwaa vɔrɔwe bwɛjen Taaya kpa. Men Nemenɛ Korowiirii bola.

Tɔn Pɔɔl Aa Chwerɛ Rom Tena 8:28

Ya jemɔ kɛŋɔ nɛra baa dɛ nyin Korowii la, wobɛlbwa aa puu ba la, o ɡelɔ a ɛ wedɛɛɡa dɛɛ tɛɛ ba. O tetooraa o lee ba ba ɛ o bii.

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?