Aesaya 14:26 - mzwDBL

²⁶ Waa nɔɔ n vɔrɔwe bil dɛɛ ba ɛɛ harɛ ta bobɛlbwa. N ir nɔn dɛ́ tɛr harɛre nɛra deŋne.”

Aesaya 14:26 ပူးပေါင်းရင်းမြစ်များ

Kaala 15:12

He tɛr he nɔndiɡ, asɛ harɛ kpɔ ya dɔma lile.

Sɛɡla 19:21

Nɛn won waa maɡla kohona, kɛ anɔ la Korowii aa dɛ nyin laanee dɛɛ ɛ.

Aesaya 23:11

Korowii tɛr o nɔn pa mpo ta, o ir mpo nyoa koranar ɡalɡa. O bol Keenan harɛ nɛra baa soɡe mpo nyoa la wa, dɛ chɔɡ ba dekpeɡa.

Aesaya 23:9

Koranar Bwa Kooroo ɡela a chiɡ. O ɛ ɡɛ ásɛ ba jirima baa dɔa dɛɛ ɡɔɔ ba te la tonɛ, dɛ́ ba banɔ la baa dɔ nyanyini harɛ nɔ ta la ne harɛ.

Aesaya 25:11

Baa dɛɛ ta nɔɔra a binii, kɛŋɔ nɛn yon dɛɛ wa nee la. Korowii ɛɛ ba ba jenu baa dɛ ɛ la ne harɛɛ, hale ba takapɔ ɡɛ bɛlbwa kwaraa naa, aa won lɛɛ ba.

Aesaya 5:25

Anɔ bwa ɡelɔ Korowii baah di o nɛra nɛ, o ir nɔn dɛ́ tɛr ba deŋne. Bwejena ɛɛ jiɡruu, ásɛ nɛra baa serewe la lala chɔ fɔɡbaahna kɛŋɔ haahra ken. Anɔ bwa habɔɔ o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jeremia 25:15

Korowii Israel tena aa dɛ tomɔ la ŋɔ, “Jeremia, lɛ numol nɔ, sen aa lɔ o bini do kɛŋɔ n bandia danana ne, mɛɛ ba kpɔe tɛ nɛra bá nyɔ dɛ́ tɛr ba deŋne. Kpɔ kaa harɛre nɛra maa tomɛ ba be la be, dɛ́ ɡel bá nyɔ.

Sefania 2:13

Korowii ɛɛ che o kpeɡri taa, dɛ́ chɔɡ Asiiria harɛ, ásɛ o bwɛjen Niniwe chɔ pɛɛ, dɛ́ berɛ pua hɛŋle ɡbo harɛ, nee aa wola o taa do.