Aesaya 14:25 - mzwDBL

²⁵ Mɛɛ chɔɡ Asiiria tenaa le n harɛ ta, mɛɛ tiɡri ba nɛɛ Israel harɛ bwejena ta, dɛ́ lawɛ n nɛra le Asiiria tena kpeɡri baa dɛ di ba nɛ, kɛŋɔ baa kpɔ daa dawɛ nae anɛ baŋa ta a pɛ dɛɛ ɛ toma la.

Aesaya 14:25 ပူးပေါင်းရင်းမြစ်များ

2 Webena 32:21

Asɛ Korowii tomɛ nyundua torome bɛl o ba kpoo Asiiria laa tena ne ba laa sitɔɔla, dɛ nomonome baa lɔ bela baa soɡa bwa. Anomanta, Koojen Senakerib kpɔ sihiih berɛ ba kaa Asiiria harɛ ta. Waa laŋa la, o kaa jo o voɡ dea, asɛ o bibaala bane ka kpoo keri ne.

Aesaya 10:12

Dɛ Korowii baa tonɛ ɡɛ waa ɛ nɛra baa lɔ Saayɔn Bwejen doa ne Jerusalam bwa naa, wɛɛ ŋɔɔ, “Mɛɛ ba tɛr Asiiria koojen deŋnee o mbarafo ne nyiŋa waa nyiŋi nɛn dɛɛ vah la wa.

Aesaya 14:5

Korowii kuuɡi wechɔɡ-ɛɛra daŋɡbale, o ɡelɔ koranar kpeɡri sɔɔh.

Aesaya 33:1

Hé bwɛɛlɛ, nɛra haa dɛ chɔɡ nɛra, nɛra aa wola he te chɔɡ. Hé le nɛra dɛɛ tɛ, nɛra aa wola he te leɛ dɛɛ tɛ. Hé ɡel nɛra chɔɡaa, nɛra ɛɛ chɔɡ heyaa, he ɡel nɛra lee dɛ tɛ aa, nɛra ɛɛ le heyaa tɛ.

Aesaya 52:2

Jerusalam haa do kɛ bitolo, ir dɛ́ pee he bwara ta, dɛ́ so he kookara ta. Ásɛ dɛ laa jɔɡrɔre baa lawɛ dɛ doe laa ta la foo.

Aesaya 9:4

He pɔ ba dɔma ba fa aa dɛ ha ba, kɛŋɔ baa kpɔ daa dawɛ nae anɛ nɛ aa parɛ, dɛ kpɔ daŋɡbale dɛɛ lɔɔra la nɛ. Gɛ tentenee he kuuɡi daa aa dawɛ Midian tena nɛ dɛ lɛɛ ba.

Ɛsekeɛl 32:22

Asiiria ne o laa tena ŋwama lɔ bela. Laa taa ba kpoo ba bwa.

Ɛsekeɛl 39:4

Israel bwejena taa hɛɛ ba sewa, he ne he laa tena bwa, ne harɛre ta laa tena baa ja he nɛɛ bwa. Mɛɛ kpɔe tɛ jumbii ne kpɔɡ bini olchɔɡa aa di konlala, he ɛ a kondikwa.

Maeka 5:5

Onee dɛ́ ba tɛɛ ba deŋnesɔɔhna. Dɛ Asiiria tena baa yo ya harɛ, dɛ won jo ya dekpeɡa yaa sɔh a bini ta naa, yaa le nomonome baa wara kohonaa bá ka yoo ba.

Maeka 5:6

Nomonome la ɛɛ ka yo Asiiria tena baa ɛ Nimrod harɛ ta tena laalee, dɛ́ pɔ ba nɛ. Baa lɛ yaa le Asiiria laa tena nɔn taa awola baa ba che ya nɛɛ dɛ́ valɛ kaa ya harɛ jwɛhre ta la.

Neehum 1:13

Mɛɛ teŋe kpeɡri Asiiria tena aa dɛ di he nɛɛ la taa, dɛ́ chaa jɔɡrɔre aa vɔrɔwe heyaa la.”

Sekaria 10:11

Wekpeɡa kohona bɛlbwa aa do kɛŋɔ mpo nehɛma dɛ ba ba nɛɛ aa, men Korowii ɛɛ sɔɔh a nyoaa, ásɛ Nael Moo vile bwa hweeh. Asiiria tena mbarafo nyoa ɛɛ sɔɔhnoo, ásɛ Ijipt harɛ kora kpeɡri nyoa ba harɛ.