Aesaya 14:22 - mzwDBL

²² Koranar Bwa Kooro ŋɔ, “Mɛɛ ka che bwɛjen Babelɔn ne o nɛra nɛɛ dɛ́ kpoo ba maa komɛlbwaa ɡel, bechale ɡba aa ka, o sɔn he. Men Korowiirii ŋɔa.

Aesaya 14:22 ပူးပေါင်းရင်းမြစ်များ

1 Koranar 14:10

Anomanta, mɛɛ chɔɡ he koraa dɛ́ kpoo he bibaala, ne bechale ne nomonome baa lɔ Israel harɛ ta bwa, yoma ne banɔ la baa dɛ di ba nyuune bwa. Mɛɛ fuh he demii kɛŋɔ baa dɛ fuh kondoŋa a bwa yon tonɛ la ken.

Yela 12:6

Korowii waa do chasee, dɛ do yaradae, kɛŋɔ suuɡapoŋ baa laa doŋa kpɔ o ta kera anuanɛ, o do wer kohona la.

Sɛɡla 10:7

Nɛn o wa aa toɡra na som, baa o waa soh, kɛ nɛnchɔɡe te waa won soeh warane.

Aesaya 13:5

Ba le harɛre jaɡa bojaŋ dɛɛ ba. Bandia nee Korowii ɛɛ ba ba ne, bá ba chɔɡ harɛ la bwa.

Aesaya 21:9

Na, baa bɛl waa cheɡɛ kon waa do kɛ torɔɡo bini ne jaɡre dɛ ba. Asɛ nɛn waa dɛ daah la ŋɔ, “Bwɛjen Babelɔn paɡrɔ! O paɡrɔ! Voɡare aa lɔ o ta bwa, ba paɡre a bwa burbur ken bil harɛ.”

Aesaya 43:14

Korowii, Israel Nɛŋɡoroŋ waa ɛ he Lɛɛ la ŋɔ, “He lɛɛ nomanta, mɛɛ do laa tena bá ka yo Babelɔn. Mɛɛ kuuɡi bwɛjen la doonyoonee, ásɛ o nɛra silɛɛ berɛ wii.

Jeremia 50:3

Harɛ bɛl nɛra ɛɛ le weekaŋle nyunduabɔree, dɛ́ ba yo Babelɔn harɛ tena, ásɛ harɛ la bwa chɔ pɛɛ. Nomɛlbwa aa kae ba dɛ́ so o ta, nɛra ne kondɛɛra bwa dɛ́ ba chwae.”

Neehum 1:14

Kenii Korowii bol he Asiiria tena waa bil, “Haa naanaree dɔ dɛ́ kpɔ he sɔna pa ba. Mɛɛ chɔɡ voɡa haa sɛah daa nee, dɛ anɔ la haa loɡa a do he voɡa deene bini la. Mɛɛ kwi he lalbɔɔ bil, dɛkalkɛ he waa ta tɔnɔ bɛlbwa dɔe.”