Aesaya 14:17 - mzwDBL

¹⁷ Onee chɔɡ bwɛjena dɛ ɡel bela bwa berɛ pua hɛŋle ɡbo harɛ, waa wola nɛra baa laɡ ba laa ta kpɔe ta la aa?’

Aesaya 14:17 ပူးပေါင်းရင်းမြစ်များ

Joel 2:3

A dɛ chɔɡ kwaa kɛŋɔ nii yon fuh kwaa dɛ chɔɡa la. Harɛ waa chɔ a sie do kɛ Korowii bodɛɛɡe Eden ken, asɛ pua hɛŋle ɡbo harɛ chɔ a habɔɔ, komɛlbwa aa won chwa le a be.

Ɛsekeɛl 6:14

Kpelaa, mɛɛ tɛr n nɔnee pa ba nɛ, dɛ́ chɔɡ ba harɛ. Mɛɛ ɡeloo ó chɔ pɛɛ le pua hɛŋle ɡbo harɛ la ta kaa bwɛɛ bɛl baa dɛ yerɔ Dibla, ne bobɛlbwa baa soɡa. Ásɛ ba jemɛ kɛ menee Korowii.”

Aesaya 64:10

He bwɛjena la berɛ pua hɛŋle ɡbo harɛ, Jerusalam berɛ dimɡbia.

Aesaya 58:6

Nyoa vɔwa maa dɛ nyin laanee kɛŋɔ, hé foo nɛra baa wola wobɛlbwa ɛɛ ba do ba dea la ta. Hé lɛ nɛra baa dɛ fiɡ ba ásɛ ba dɔ ba te.

Aesaya 45:13

Mɛɛ che toɡra n wa aa toɡra taa, dɛ́ ɡel Saeros ir dɛɛ ɛ waa aa toɡra ne anɔ la maa dɛ nyin. Mɛɛ kwaa o ŋwɛnɛree a do wer. Onee dɛ́ ba kwaa ma n bwɛjen Jerusalam, dɛ́ lɛ n nɛra baa laɡ ba laa ta kaa harɛfala ta la. Waa ɛ dɛ́ lɛ komɛl le nɛn be. Men Nemenɛ Korowiirii ŋɔa.”

Aesaya 14:16

Banɔ la baa nae la ɛɛ nyiŋii jeiih ken, dɛɛ lii ŋɔ, ‘Baa la waa ɡela harɛ jiɡri dɛ ɡel koranar chel laanee nɔ kɛɛ?

Aesaya 14:18

Koranar baa serewa la bɛlbwa chɔ o ɡbaɡba lalbɔɔ bini, ba ɛ ba ŋwama la a do wer.

Jeremia 50:33

Waa Koranar Bwa Kooro aa dɛ bol laanee nɔ, “Ba dɛ fiiɡi Israel ne Juda tena. Nɛra baa laɡ ba dɛ tɔ ba ŋwɛnɛ, dɛ ŋɔ baa ɡel ba kaa.

Ɛsekeɛl 32:23

Asiiria harɛ ta nɛra ŋwama lɔ lalabwɛɛ bela, asɛ o laa tena chɔ baro harɛ bini bela. Banɔ la ba fa aa kpɔ ɔmee kohona ta harɛre ta nɛra nɛɛ la, ba kpoo ba keri ne.

Habakuk 1:7

Ba waa dɔ ɔmee ne hundam, ba ɡbaɡba mmara taa baa teŋɛ, baa nomɛlbwa waa no.