Aesaya 14:12 - mzwDBL

¹² Babelɔn kooro, na ɡɛ haa le nyundua ba le harɛ. Chɔmbibi wewee, chɔmbibi bonɔɔ! Ba taɡɛ ta harɛ, nɛn he fa aa pɔ harɛre nɛ!

Aesaya 14:12 ပူးပေါင်းရင်းမြစ်များ

Aesaya 13:10

Weweela aa chaah ɡɛ saŋ, wee aa bɔr chaahna ba kpa, korobie ɡe aa won chaah.

Aesaya 34:4

Wee ne korobie dɛ weweela bwa ɛɛ nyoɡroo, ásɛ Korowii doa ɡuɡri kɛŋɔ baa ɡuɡri kalaŋ la. Kwaa aa lɔ nyundua bwa ɛɛ lee harɛɛ kɛŋɔ papohola aa le daa ta dɛɛ lee la.

Jeremia 50:23

Na Babelɔn o fa aa do kɛŋɔ hamba, dɛɛ paɡre harɛ nɔ bwa la aa kuuɡa ɡɛ! Na ɡɛ harɛ la bwa aa chɔ pɛɛ, asɛ harɛre nɛra bwa na ba nyoa kpo.

Jeremia 51:53

Hale Babelɔn wono kaa nyundua, o dekpeɡa kaa nyundua kwaraa naa, mɛɛ ɡeloo nɛra ba chɔɡo. Men Korowiirii bola.”

Wiile 2:1

Na ɡɛ Korowii aa kpɔ o bandia ba bɔle bwɛjen Saayɔn ta kɛŋɔ bam, dɛ tɛr o nɛra deŋne. O le nyundua taɡɛ Israel wer ta harɛ. O ta o natiɡribɔr waa ɛ o Dea la ɡba waa dawɛ o bandia tɔpere la ta.

Ɛsekeɛl 26:17

Baa taa wiilee ŋɔ, ‘Ba chɔɡ bwɛjen o sɔn aa lea la. Ba pa o stiimaere bwa le mpo ta kaa. A ɡɛ nɛra baa soɡe bwɛjen nɔ ta laanee dɛɛ di kpeɡri mpo ta, dɛɛ aah nɛra baa soɡe o nyoa la.

Obadia 1:4

A lole kɛ he soŋnibɔr lɔ nyundua, kɛŋɔ kee yon ka sɔh o kɔr nyundujaɡla la, kɛ mɛɛ ɡeloo he le bela ba harɛ. Men Korowiirii bola.

Amanesoma Luk Aa Chwera Tɔn 10:18

Belaa Yeesu chaŋ ba ŋɔ, “He pɔ Bɔnsam nɛ. N nao kɛŋɔ waa le nyundua ba le harɛ kerabeŋkpoŋ kɛŋɔ bwaala aa nyɛɡla ken.

2 Pita 1:19

Anɔ ɡelɔ ya jemɛ kpelakpela kɛŋɔ waa Korowii keamere la aa bola la ɛ kasinteŋ. A chɛ kɛ he cheɡ deŋne dɛɛ noa. Ba waa baa bola la do kɛ kandea waa dɛ chaah biro ta ka tel kɛŋɔ tɔ aa pera. Korowii Keamere Tɔne la ɛɛ chaah heyaa bɔree, ásɛ Korowii ɡel he liire chaah ɡɛ chɔmbibi wewee aa dɛ chaah bɔr la.

2 Pita 2:4

Nyundua toroma ba fa aa ɛ wechɔɡa la, Korowii ta ban ɡelɛ. O kpɔ ba ta deŋnetɛra bɔr waa ɛ bɔluŋluŋ dɛ bir kpirikpiri la dɛ ka tel awola waa ba bol nɛra bwa waa dɛ́ pa bole la.

Wepila 2:28

dɛ́ tɛo chɔmbibi wewee la.

Wepila 22:16

Menee Yeesu, men tomɛ n torome ŋɔ ó ba baɡle waa nɔ, ásɛ he ka baɡle asɔre tena. Devid Dwee men. O Naa men. Menee Chɔmbibi Wewee waa dɛ chaah kɛrɛdɛ la.”

Wepila 8:10

Nyundua torome waa teŋa tooro la ɡe hoɔh. Waa hoah la, asɛ weweejen le nyundua dɛ ba le harɛ, o bwa ɛɛ hɔ kɛŋɔ kapɛla ken. Waa baa le la, o le moo ne nenabɔɔne ta. Dɛ he bɔne moo ne nenabɔɔne bwa bini bɔre atoro naa, anɔ la waa le a ta la ɛɛ tel bɔr beŋkpoŋii.

Wepila 9:1

Nyundua torome waa teŋa nue la hoh o bɛla, asɛ n na wewee bɛl le harɛ. Korowii tɛo Bɔnsam bɔluŋ la safoa.