Aesaya 13:6 - mzwDBL

⁶ Hé kpɔ nɔɔra dawɛ nyu dɛ́ wi. Tɔpere Korowii aa lea cheɡ la telo. Korowii Waa Ɛ Kpeɡri Bwa Dɔɔ la tɔpere waa dɛ ba nɛra chɔɡa la telo.

Aesaya 13:6 ပူးပေါင်းရင်းမြစ်များ

Job Tɔn 31:23

N ɔmɛ waa Korowii aa ɡel a ba n nɛ, n ɔmɛ o kan waa doa, n ta wone ɛ ɡɛ waa la.

Aesaya 10:25

A ka tamaa ken dɛ n baah sɔɔhnɔ, maa hé deŋnee tɛr kpa, ásɛ dɛ berɛ n bandia ta Asiiria tena ɡe nɛɛ dɛ́ chɔɡ ba.”

Aesaya 10:3

Ɛrɛɛ hɛɛ ba ɛɛ awola Korowii aa dɛ ba he deŋne tɛra, ne wenaale aa le bojaŋ ba he nɛɛ laɔ? Umee hɛɛ ba chwae ka marɔɔ? Leperaa hɛɛ ba he kondɔɔh la ɡela ɔ?

Aesaya 13:9

Hé na! Tɔpere Korowii aa lea cheɡ la dɛ ba. Awola tɔpere la aa werii do kwara, o baah ɛɛ diu taeh. Wɛɛ ɛ harɛ nɔɔ kɛŋɔ pua hɛŋle ɡbo harɛ ken, dɛ́ chɔɡ wechɔɡ-ɛɛra le o ta.

Aesaya 14:23

Mɛɛ ɡeloo bela berɛ kataŋa ne kwiure dobɔr, dɛ́ ɡbaa bela bwa ó chɔɡ. Men Koranar Bwa Kooroo bola.”

Aesaya 14:31

Hé do lɔŋɔre dɛɛ wii, he banɔ la haa lɔ bwɛjena bini la! Filisti tena, hé ɡel he bambile teŋe! Yoyoora tenten le weekaŋle nyunduabɔr dɛɛ ba, kɛŋɔ ninchuu ken, dɛ bwa pɛ dɛɛ ba ba yo heya.

Aesaya 2:12

Nemenɛ Korowii le tɔpere bɛl cheɡ, dɛ tɛ nɛra baa dɛ ɛ mbarafo ne sɔnnyin, ne nɛra baa dɛ ɡɔɔ ba te, dɛ́ ba ba ne harɛ.

Aesaya 23:1

Waa aa chiɡ Taaya Korowii bol baɡle Aesaya chaahna ta laanee nɔ. Nɛra haa dɛ ɛ toma stiimaere aa le Taases la, hé wi! Taaya paɡrɔ. Deene kɛɛ stiimae chebɔr toole kpa. Saepros harɛ taa ɡɛ waa nɔ le ba he be.

Aesaya 34:2

Korowii baah di harɛre nɛra bwa nɛ. O bwaawee iro kohona ba laa tena nɛ. O lee ba cheɡ dɛ́ kpoo ba kwaraa.

Aesaya 34:8

Korowii le tɔpere bɛl cheɡ, dɛ́ ba lɛ Jerusalam tena, dɛ́ chɔɡ ba dɔma bɔ kem.

Aesaya 47:11

Wekpeɡa ɛɛ pui, he bebee waa bwa aa won sɔɔh a nyoa. Siswɛm waa ɛɛ pui, waa haa wola a waa deere bwa piɡri.

Aesaya 52:5

Bɔkwa waa nɔ jaɔ? Babelɔn tena lawɛ n nɛra bwa kaa pɛɛpɛɛ, ba ka do ba lɔɡa, ba siwi sa ba. Ba dɛ bol mɛ nɛnhɛlwobol saŋ bɛlbwa.

Aesaya 61:2

O tom mɛ ń ɡel nɛra bwa jemɛ kɛ tɔpere Korowii aa dɛ ba o nɛra lɛɛ dɛ́ tɛr ba dɔma deŋne telo, dɛ́ larawe nɛra bwa baa dɛ wi bwara.

Aesaya 63:4

N liiro kɛŋɔ saŋ maa lɛ n nɛra la telo, kɛŋɔ n tɛr ba dɔma deŋne bɔ kem.

Aesaya 65:14

N bonɔɔna ɛɛ ɡo silɛɛ yelaa, kɛ he te ɛɛ wi lokua wii.

Jeremia 25:34

He nomonome haa do kɛŋɔ peteɡra dɛɛ nyiŋi n nɛra nɛɛ la, hé do lɔŋɔre dɛɛ wi kohona! Hé chɔ harɛ dɛɛ ɡbili, dɛkalkɛ saŋ telo kɛ bá kpoo heya. Hɛɛ doo kɛŋɔ vii yon le harɛ dɛ paɡre la ken.

Jeremia 49:3

Hɛsbɔn tena, hé do lɔŋɔre bwɛjen Ai chɔɡa wa. Nɛra haa lɔ bwɛjen Raba, hé ɡe wi! Hé kpɔ lweyale tɔ dɛɛ wi, dɛɛ chwa bobɛlbwa yalayala ken, dɛkalkɛ baa kpɔ he voɡ Molɛk ne o kerekpoŋra, dɛ nomonome bwaa kaa bojaŋ harɛfale ta.

Jeremia 51:8

Babelɔn ɛɛ piɡru paɡre dɛ́ chɔɡ. Hé wi dɛɛ tɛ o nɛra! Hé nyin noo aa ɛ tɛɛɡa do ba ŋwɛra ta, a ken ɛɛ ɡeloo bá dɔ bokpeɡa.

Ɛsekeɛl 13:5

Baa sie do danjwɛɛre aa peɡra la ta, dɛ́ kwaara, ásɛ dɛ laa dɛ ba naa, ba won lɛ Israel ta, dɛ́ won che Korowii Tɔpere La nyoa.

Ɛsekeɛl 21:12

Nɛwɛnyini bie, wi dɛɛ dooɡe lɔŋɔre, dɛkalkɛ n nɛra ne Israel koranar waa wɛɛ ba. Wɛɛ kpoo ba ne n nɛra kar bwaa. Kpɔ nɔɔra lɔ bambile á baɡle kɛŋɔ he hwɛɡa tonɔ.

Daneɛl 5:26

Mene munii kɛŋɔ, Korowii kure he tɔpera haa di he kora ta, dɛ ba a ne a jaɡa.

Daneɛl 5:9

Anomanta, ɔmee kohona lawɛ Kooro Bɛlsasa, o siebɔr ɡe foo kohona. O nomonjena liire chɔɡɔ, ba ta ɡɛ baa ɛ nae.

Joel 1:11

Paara, hɛ́ɛ di suna, hé nɛra haa dɔ ɡrepo daa kooni ɡe ɛɛ wi, mea bwa soo siwi chɔɡɔ, kondikwaa bwa chɔɡɔ kwaraa.

Joel 1:13

Sɔfore, hé kpɔ lweyale tɔ dɛɛ wi, heyaa dɛɛ ɛ toma saraha kon la ta. Hé la Korowii Dea ka so jwaana bwa dɛɛ wi, dɛkalkɛ mea kɛɛ sen sarahare aa Korowii Dea ba kpa.

Joel 1:15

Tɔpere Korowii aa lea cheɡ la telo, saŋ On Kpeɡri Bwa Dɔɔ la aa ba chɔɡa ne la. Wɛɛ ba ɔmee kohona nee ba ta nɛra nɛ.

Joel 1:5

Sennyɔdɛɛra, hé ɡel he sie chɔ harɛ hɛɛ wi, hɛɛ wi senfala wa, dɛkalkɛ ɡrepo nɔna baa harama dɛɛ ɛ sen la bwa chɔɡɔ.

Joel 2:1

Hé hoh bɛla kohona Saayɔn, Korowii bwe waa do ɡoroŋ la ta. Hé nɛra haa lɔ harɛ ta bwa hé ɡel he bwara ɛɛ chel, Tɔpere Korowii aa lea cheɡ la dɛ ba, o telo tonɛ.

Joel 2:11

Korowii tɔ o laa tena sie dɛ nyɛɡ, a do kɛŋɔ bwaala aa kɔra ken, o laa tena la ta nyoa dɔe, ba ɛ banyoola dɛɛ no o deŋna wa. Tɔpere Korowii aa lea cheɡ la ɔma kohona. Umee dɛ́ won che a nyoa ɔ?

Joel 2:31

Wee dɛ ba bira, ásɛ korobie swɛɛ kɛŋɔ chal ken, mɔɔ Korowii Tɔpejen waa do ɔma la ba.

Emɔs 5:18

Emɔs ŋɔ, “Nomɛlbwa waa dɛ nyin o na tɔpere Korowii aa dɛ ba ba bol nɛra waa dɛ́ pa bole la, ó bwɛɛlɛ. Ɛrɛɛ hɛɛ nyin he na Korowii Tɔpere waa lea cheɡ laɔ? Biro ɡboo awola, bɔr aa o ta chaahna ba.

Sefania 1:14

Korowii Tɔpejen waa lea cheɡ o do ɔma la telo tonɛ, o dɛ ba warawara, o pu yaa tonɛ. A ɡɛ tɔpere la ɛɛ ɛ sibeɡraa taeh, banyoola ɛɛ do lɔŋɔre kohonaa.

Sefania 1:7

Bɛ́lbwa hel men Nemenɛ Korowii sie. Tɔpere maa lea cheɡ dɛ́ bol n nɛra waa dɛ́ pa bole la telo tonɛ. N dɛ ba n nɛra Juda tena kpoora ɛ saraha, dɛ́ le ba dɔma bá ba yoo ba dɛ́ pa ba laala.

Sekaria 14:1

Tɔpere Korowii aa lea cheɡ dɛ́ bol nɛra waa dɛ́ pa bole la dɛ ba. He dɔma ɛɛ ba pa he Jerusalam tena laala kɛ laa ta kwa, dɛ́ bɔna he siwi ta.

Malakae 4:5

Hé no, mɛɛ tomɛ n keame Elaeja he bee, mɔɔ men Korowii Tɔpejen waa do ɔma kohona la ba.

Jems 5:1

Kondɔɔhna ɡe, hé no n be! Waa aa dɛ ba heyaa pui la nomanta, hé dooɡe lɔŋɔre dɛ́ɛ wi.

Wepila 18:10

Baa che bojaŋee, dɛkalkɛŋɔ baa ɔmɛ o hɔhɔrɔwa waa dɛ na laanee dɛ́ɛ ŋɔ, “Akwe! Akwe! Bwɛjen Babelɔn la o tena fa aa dɛ di kpeɡri ɡa la, waa puu kerabeŋkpoŋ o paɡre.”