Aesaya 13:18 - mzwDBL

¹⁸ Baa kpɔ ba tori ne hɛmaa le bonɔɔna nɛɛ dɛ́ kpoo ba. Ba te waane laa bechasɔɔhne wa, ba ta tedoma dɔe tɛ bechajeɡre ɡe.

Aesaya 13:18 ပူးပေါင်းရင်းမြစ်များ

2 Koranar 8:12

Anee Hasael ŋɔ, “N dɔɔ, ɛrɛɛ hɛɛ wi nɔɔ?” Elaesa ŋɔ, “N jemɛ wechɔɡa haa dɛ ba Israel tena ɛɛ. Hɛ́ɛ fuh ba bwɛjena baa ma danjwɛkpeɡa bara laanee. Dɛ́ kpoo ba bonɔɔna keri ne, dɛ́ tiɡri ba bechale nɛɛ do harɛ, dɛ́ ya ba tekpoŋra teene keri ne.”

2 Webena 36:17

Anomanta, Korowii ɡelɔ Babelɔn Kooro Nebukadnesa ba yoo ba, dɛ kpo bonɔmbie baa lɔ Korowii Dea keri ne. Ba ta bonɔɔ kɛɛ tolo, banjena kɛɛ nomɛlbwa waa hwɛɛhra ɡelɛ. O kpɔ ba bwa do Kooro Nebukadnesa nɔn ta.

Yela 127:3

Bii ɛ kwaa Korowii aa swee nɛra andɛɛɡa, dɛ kpɔ dɛɛ kɛ ba.

Aesaya 13:16

Baa cheo dɛɛ nyiŋi ba lɔɔ ba bii kpoo, dɛ́ jo ba deremi dɛ́ bal ba laala dɛ paɡɛ ba haahna ɡe.”

Aesaya 47:9

Gɛ webele anɛ nɔ ɛɛ piɡri tɔpebeŋkpoŋii. Ane he kaberere bwa, hɛɛ di bisewee, he jaa sewɛ.

Aesaya 5:28

Ba hɛma nyɛɡre, ba harɛ ba tori dɛɛ ba tae. Jaɡre baa soɡe a ta la nafikokore kpeɡri kɛŋɔ kwɛrboɔ ken. Kwaa aa do kɛŋɔ torɔɡore nakpale dɛ kile kohona kɛŋɔ kawulewule ken.

Jeremia 18:21

Anomanta, ɡel lɔr kpoo ba bii, kɛɛ ba serewe laa ta. Gel ba haahna ɛ luhaahna dɛ bɛ bii dɔ, ásɛ dɛ ɡel ba kpoo ba jaranar, ásɛ ba bonɔɔna ɡe serewe laa ta.

Jeremia 5:16

Ba laa tena jemɛ hɛma tae kohona, baa wola nomɛlbwa nɛɛ sune.

Jeremia 50:30

Gɛ nomanta, baa kpoo Babelɔn bonɔɔna fɔɡbaahnaa, ásɛ o laa tena bwa ɡe serewe awola tɔpere. Men Korowiirii bola.

Jeremia 50:42

Ba kpoŋe tori ne lampeare, ba nyu bini kpeɡri baa wola nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo nehɛma aa dɛ ta ken. Ba kpɔ ba te dɛɛ ba ba yo Babelɔn tena.

Jeremia 51:22

Henee n kpɔ kpoo haahna ne baala, ne banjeni dɛ bonɔɔna, hale bonɔmbie ne toli bwa.

Jeremia 6:23

Ba kpɔ ba tori ne lampeare kpoŋe, ba nyu bini kpeɡri, baa nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo aa dɛ si la ken. Ba kpɔ ba te dɛ́ ba yo Jerusalam. Men Korowiirii bola.”

Ɛsekeɛl 9:10

Anomanta, maa ba nɛɛ sune, maa ba bwaraa kpɔ kɛ ba, mɛɛ ɛɛ ba ɡɛ baa ɛ bane la.”

Daneɛl 7:5

N berɔ na oljen nɛɛte o do kɛŋɔ sisire ken. O iro joŋi o habɔɔ nakpale anɛ ta, dɛ kuɡlambii atoro lɔ o nyoa o kpɔ nyena nyɛwa. Asɛ taa bɛl ŋɔ o be ŋɔ, ‘Ir ka chwe ola ɡɛ bwa haa won.’

Hosia 13:16

Samaria tena chɛ kɛŋɔ ba bolchɔɡe ɡure ba nɛ, dɛkalkɛ ba ɛ men Korowii baa dɛ tom mɛ la deŋnekpeɡ. Laa taa baa ba ba kpoora, ásɛ dɛ kpɔ ba bechale cha harɛ dɛ́ ya ba tekpoŋra teene.”

Neehum 2:1

Niniwe tena, nomɛl dɛ ba ba yo heya. Hé daah he dekpeɡ la! Hé ta sie ŋwɛnɛ ta! Hé che kiŋkiŋ, dɛ́ kpɔ he te ka yo!

Neehum 3:10

Kɛ ba wono ba yo he nɛra, dɛ laɡ ba kaa harɛfale bɛl ta. Ba lawɛ bechale dɛ kpɔ ba cha harɛ ba bini toɡri chɔ fɔɡbaahna. Ba lawɛ nomonjena dɛ bil daa ba nyuune ta, dɛ kpɔ jɔɡrɔre do sitɔɔla.