Aesaya 13:17 - mzwDBL

¹⁷ Korowii ŋɔ, “Hé no! Mɛɛ ɡeloo Midia tena ba yo Babelɔn tena. Ba waane laa suuɡapoŋa wa, haa won kpɔ suuɡaswɛm yaɡ ba sen.

Aesaya 13:17 ပူးပေါင်းရင်းမြစ်များ

2 Koranar 17:6

Kooro Hosia aa di kora bene anuanaarɛ taa Asiiria koojen yo lɛ Samaria. O lawɛ Israel tena kaa Asiiria harɛ ta, dɛ kpɔ ba ka so bwɛjen bɛl baa dɛ yerɔ Hala, bane ɡe so Habɔ Moo nyoa Gosan harɛ ta, bane ɡe so Midia tena bwɛjena ane ta.

Aesaya 21:2

N na waane kɛŋɔ chaahna ken a ɛ lokua kohona. Bane le dɔŋa dɛɛ tɛ, bane ɡee chɔɡ kwaa kohona. Elam tena, hé ka lɔ tɔ ba nɛɛ dɛ́ yoo ba! Midia tena, hé bar ba bwɛjena cheme, dɛ́ tɔ ba do! Korowii ɛɛ ɡeloo wahala Babelɔn aa ba a ne la teŋe.

Aesaya 41:25

N le nomɛl o le weekaŋle nyunduabɔr. Wee leebɔree o so dɛɛ tom mɛ. Wɛɛ tiɡri koranar nɛɛ kɛŋɔ demamaa yon dɛɛ ɡbɛr teera, kɛɛ vimamaa yon dɛɛ charame choh la.

Jeremia 25:25

ne Simri ne Elam dɛ Midia koranar bwa,

Jeremia 50:3

Harɛ bɛl nɛra ɛɛ le weekaŋle nyunduabɔree, dɛ́ ba yo Babelɔn harɛ tena, ásɛ harɛ la bwa chɔ pɛɛ. Nomɛlbwa aa kae ba dɛ́ so o ta, nɛra ne kondɛɛra bwa dɛ́ ba chwae.”

Jeremia 50:30

Gɛ nomanta, baa kpoo Babelɔn bonɔɔna fɔɡbaahnaa, ásɛ o laa tena bwa ɡe serewe awola tɔpere. Men Korowiirii bola.

Jeremia 50:42

Ba kpoŋe tori ne lampeare, ba nyu bini kpeɡri baa wola nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo nehɛma aa dɛ ta ken. Ba kpɔ ba te dɛɛ ba ba yo Babelɔn tena.

Jeremia 50:9

Mɛɛ do harɛre nɛra baa pɛ nyoa dɛ do kpeɡrii le weekaŋle nyunduabɔr, bá bar Babelɔn tena cheme, dɛ́ yoo ba, dɛ́ pɔ ba nɛ. Ba do kɛŋɔ kpaahna baa jemɛ hɛma tae kɛrɛdɛ, baa wola tae dɛɛ kur.

Jeremia 51:11

Laa sitɔɔla ŋɔ, “Hé sar hɛma nyoo, dɛ́ kpɔ kwaa haa kpɔ tɔ he te ɡbemɡbe laa ta! Korowii di Midia koranar liire, dɛkalkɛ o dɛ nyin ó chɔɡ Babelɔn harɛ. Korowii koh o Dea la wa dɛɛ nyin ó bɔ ba ba wechɔɡa kem.

Daneɛl 5:26

Mene munii kɛŋɔ, Korowii kure he tɔpera haa di he kora ta, dɛ ba a ne a jaɡa.