Aesaya 12:6 - mzwDBL

⁶ Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Aesaya 12:6 ပူးပေါင်းရင်းမြစ်များ

Yela 132:14

O ŋɔ, “Bonɔɔ mɛɛ ba soɡa saŋ bɛlbwa dɛɛ la, bonɔɔ mɛɛ nyin ń so dɛ́ di kora.

Yela 135:21

Hé kpɛɛ Korowii waa lɔ o Dea bwɛjen Saayɔn, dɛ do Jerusalam waa ɛ o dem la. Hé kpɛɛ Korowii!

Yela 46:5

Korowii lɔ bwɛjen la ta, waa won chɔɡ, Korowii ɛɛ bao bɔr chaahna saŋ, dɛ́ ba cha ba.

Yela 68:16

Ɛrɛɛ he bwejena haa lɔ Basan, ɛɛ nyiŋi Korowii bwe waa do ɡoroŋ, kɛŋɔ nɛn aa dɛ we o dɔŋ bwara dɛɛ nyiŋu nɔɔ? Korowii ɛɛ so bela saŋ bɛlbwaa dɛɛ la!

Yela 71:22

Mɛɛ lɔ janjelaa kpɛɛre, N Naa Korowii maa dɛ tomɛ, mɛɛ kpɛɛree he kasinteŋ haa dɔa la wa. Mɛɛ kpɔ n janjelaa lɔ yela kpɛɛ hen Israel Nɛŋɡoroŋ la.

Yela 89:18

N Naa Korowii, henee dɛɛ tɔ yaa ɡbemɡbe, henee Israel Nɛŋɡoroŋ, dɛ le ya kooro tɛ yaa la.

Yela 9:11

Hé ɡo yela kpɛɛ Korowii waa dɛ di kora Saayɔn. Hé bol waa waa ɛa harɛre nɛra bwa be.

Yela 99:2

Korowii kan dɛ do bwɛjen Saayɔn dɛɛ di kora harɛre nɛra bwa nɛ.

Aesaya 1:24

Anomanta, Korowii, Koranar Bwa Kooro, Israel Kpeɡnɛn la ŋɔ, “Namete he berɛ n dɔma n bwaawee ir he nɛ. Mɛɛ tɛr he deŋnee bɔ kem ásɛ n baah sɔɔh mɛ.

Aesaya 10:24

A ɡɛ nomanta, Korowii, Koranar Bwa Kooro dɛ bol ŋɔ, “N nɛra haa lɔ Saayɔn, hale dɛ Asiiria tena kpɔ daa dɛɛ lɔɔ heyaa ɡɛ Ijipt tena fa aa ɛ heyaa la aa, hé bɛ ban ɔmɛ.

Aesaya 24:14

Nɛra baa dɔ ba nyu la ɛɛ ɡo yela silɛɛ nee. Banɔ la baa lɔ wee cholibɔr ɛɛ baɡle jirima Korowii aa dɔa.

Aesaya 24:23

Dɛ Koranar Bwa Kooro baa di o kora Saayɔn Bwejen ta Jerusalam aa, o kora dii jirima ɛɛ ɡwaa korobie chaahna ne wee lɔe, ásɛ bwɛjen la nomonome na dɛ́ jemɛ ɡɛ waa kana.

Aesaya 30:19

Saayɔn tena, nɛra haa soɡe Jerusalam, haa wi kpa. Korowii dɛ na he sum. He wio noo waa, buɡ la ta, wɛɛ no he bee.

Aesaya 33:21

Korowii ɛɛ do belaa dɛ́ ɛ ya Kpeɡnɛn. Wɛɛ ɡeloo yá so harɛdɛɛɡe nejena ne nenabɔɔne aa lɔ o ta. Ya dɔma aa ɡbeni a taa tawɛ, ba stiimaere aa a taa kpɔ.

Aesaya 33:24

Korowii ɛɛ kpɔ nɛra baa lɔ Jerusalam wechɔɡaa kɛ ba. Hale bɛlbwa aa berɛ ŋɔ, “N bwara dɛ wee mɛ.”

Aesaya 40:9

Jerusalam tena, he teeh kaa bwejena dor, dɛ́ ka bol amanesoma la! Hé bola takpeɡ ne, he bɛ ɔmɛ, hé ŋɔ Juda harɛ bwɛɛre nɛra be ŋɔ, “Korowii haa dɛ tomɔ la dɛ ba.”

Aesaya 41:14

Korowii ŋɔ, “Israel tena, haa kanɛ, haa kpeɡe. He bɛ ɔmɛ, mɛɛ cha heyaa. Men Israel Nɛŋɡoroŋ maa ɛ he Lɛɛ laanee ŋɔa.

Aesaya 41:16

Hɛɛ palaa ásɛ peu kpɔa kaa, peujen lɔa merɛ. Kɛ he te sie ɛɛ lɛ Korowii nɛɛ, ásɛ dɛ kpɛɛ men Israel Nɛŋɡoroŋ la.

Aesaya 49:26

Mɛɛ ɡeloo nɛra baa dɛ yoo heyaa la kpoo ba ɡbaɡba, dɛ́ nyɔ ba ɡbaɡba chale, dɛ́ dɛɛ kɛŋɔ baa nyɔ sen ken, ásɛ nɛwɛnyini bwa jemɛ kɛŋɔ, Men Korowii, menee he Lɛɛ, menee yawɛ he nyu, dɛ berɛ ɛ Jekɔb Kpeɡnɛn waa tomɔ la.”

Aesaya 54:1

Korowii ŋɔ, “Jerusalam haa do kɛŋɔ hambara, ɡel he sie lɛ hɛɛ moo, dɛkalkɛŋɔ haah o jaa aa chwao la ɛɛ ba dɔ biirii ɡwaa onɔ la o jaa aa wola on chwae.

Aesaya 60:16

Harɛre nɛra ne koranar ɛɛ nyiŋi he nɛɛ kɛŋɔ, haah aa dɛ ɔr o bie, ásɛ he jemɛ kɛŋɔ men Korowiirii he Lɛɛ, menee Korowii, Jekɔb Kpeɡnɛn waa tomɔ la.

Aesaya 8:18

N ne bechale Korowii aa tɛ mɛ laanee la. Nemenɛ Korowii waa soɡe Saayɔn Bwejen ta la ɡelɔ ya che tɛ waa aa dɛ ba ɛɛ Israel tena bini.

Jeremia 10:6

N Naa Korowii, nomɛlbwa ta kpeɡri dɔe kɛ hen, he kan kohona, nɛra bwa jemɛ kpeɡri kohona haa dɔa wa.

Ɛsekeɛl 35:10

Menee Juda ne Israel harɛre nɛra ɛɛ tomɛ, kɛ he Edom tena ŋɔ hɛɛ ka kpɔ harɛ laanee ɛ he kon.

Ɛsekeɛl 39:7

Mɛɛ ɡeloo n nɛra Israel tena jemɛ kɛ n sɔn do ɡoroŋ, dɛ bɛ doŋa kpɔ kah n sɔn kpa. Ásɛ harɛre ta nɛra jemɛ kɛŋɔ menee Israel Nɛŋɡoroŋ la.

Ɛsekeɛl 43:7

O ŋɔ, “Nɛwɛnyini bie, n kookara chebɔree bonɔ. Bonɔɔ mɛɛ ba soɡa saŋ bɛlbwa dɛɛ la, dɛɛ nyiŋi n nɛra Israel tena nɛ. Israel tena aa ba koranar baa serewaa ɛ kɛŋɔ voɡa aa wola mkpa dɔe, dɛɛ toma dɛɛ ɛ jwamanwa bonɔ, dɛ́ kpɔ doŋa kah n sɔn waa do ɡoroŋ la kpa.

Ɛsekeɛl 48:35

Harɛ la bwa jaŋne dɛ bar la ɛɛ ɛ naɡale kaɡboŋa fifraanɛ dɛ anuanɛɛ. Dɛ le awola dɛ kaa la, baa yerɛ bwɛjen la, ‘korowii lɔ bela.’ ”

Ɛsekeɛl 48:8

Harɛ o ne Juda dea tena kon aa do jwɛh, dɛ́ le wee leebɔr ba kaa wee cholibɔr la, bá le cheɡ mɛ o korɛ. O paɡri ɛ naɡale kaɡboŋa fifraatoro dɛ anuanɛ lafraanue, o jaŋne dɛ le o wee leebɔr teŋe ba kaa wee cholibɔr pera ɡe do kɛŋɔ deene la kwaa baa dɔa la dɔŋa, ásɛ n Dea la che o baah ta.

Hosia 11:9

Maa n bandia kohona laanee kpɔ ba tɛr he deŋne, kɛɛ dɛ́ berɛ ba chɔɡ heyaa kpa. Korowiirii men, nɛwɛnyini laa men. N ɡboo Korowii Maa Do Goroŋ dɛ do he baah ta, maa n bandia ne he bee ba.

Joel 2:27

Anee dɛ́ ɡel he jemɛ kɛ n ja he nɛɛ Israel harɛ, menee Korowii haa dɛ tom mɛ, nomɛlbwa toole kpa. Sihiih aa n nɛraa kpo bwa.”

Sefania 2:5

Filisti tena, hé bwɛɛlɛ. He nɛra haa soɡe mpo nyoa bwa, Korowii dɔɔ vɔrɔwe he deŋnetɛra waa bil tonɛ, dɛ ŋɔ wɛɛ chɔɡ heyaa, beŋkpoŋ kwaraa aa wola ka.

Sekaria 2:5

Korowii ŋɔ wɛɛ ɛo kɛŋɔ nii, dɛ́ bar bwɛjen la kɛŋɔ danjwɛɛ ken, dɛɛ daah bwɛjen la, ásɛ dɛ so o baah ta o jirima ne.”

Sekaria 2:9

Men Korowii ɡbabirii dɛ́ yoo ba, ásɛ n nɛra ba fa aa ɛɛ ba yoma la pa ba laala kɛ laa ta kwaa kaa.” Anɔ bwa chiɡaa, hɛɛ jemɔ kɛŋɔ Koranar Bwa Kooroo tomɛ men Sekaria.

Nɛra Kura 23:21

N ta wahala bɛlbwa nae Israel tena nɛ. N ta tebinichɔɡ nae ba bini. Korowii baa dɛ tomɔ ja ba nɛ. Ba kooroo on baa kpɛɛro.

Mmarare 23:15

Mosis berɔ ŋɔ, “Dɛ nomɛl yom chwao dɛ ba marɛ naa, bɛ on lawɛ ka tɛ o dɔɔ kpa.