Aesaya 12:5 - mzwDBL

⁵ Hé ɡo yela kpɛɛ Korowii, o ɛ wejena ɡa, Hé bol a waa harɛ nɔ ta nɛra bwa no.

Aesaya 12:5 ပူးပေါင်းရင်းမြစ်များ

Yela 105:2

Hé ɡo yela kpɛɛro, dɛ́ bol o nyokpowe-ɛɛla wa.

Yela 72:19

Hé kpɛɛ o sɔn waa dɔ jirima saŋ bɛlbwa dɛɛ la. Hé ɡel o jirima su harɛ nɔ ta bwa. Aamen.

Yela 98:1

Hé ɡo yelfale tɛ Korowii, dɛkalkɛ o ɛ waa aa dɛ kpo nyoa! O cheɡɛ kpeɡri ne ɡoroŋ waa doa ta, dɛ pɔ o dɔma nɛ.

Kaala 15:1

Belaa Mosis ne Israel tena la ɡo yel kpɛɛ Korowii ŋɔ, “Mɛɛ ɡo yelee kpɛɛ Korowii, dɛkalkɛ o lɛ sɔn kohona. O kpɔ jaɡre ne nɛra baa soɡe a ta bwa ka do mpo bini.

Kaala 15:21

Asɛ Miriam ɡo yel dɛ ŋɔ, “Hé ɡo yela kpɛɛ Korowii. O lɛ sɔn kohona ɡa. O kpɔ jaɡre ne nɛra baa soɡe a ta bwa ka ta mpo bini.”

Aesaya 24:14

Nɛra baa dɔ ba nyu la ɛɛ ɡo yela silɛɛ nee. Banɔ la baa lɔ wee cholibɔr ɛɛ baɡle jirima Korowii aa dɔa.

Aesaya 40:9

Jerusalam tena, he teeh kaa bwejena dor, dɛ́ ka bol amanesoma la! Hé bola takpeɡ ne, he bɛ ɔmɛ, hé ŋɔ Juda harɛ bwɛɛre nɛra be ŋɔ, “Korowii haa dɛ tomɔ la dɛ ba.”

Aesaya 42:10

Nɛra haa lɔ harɛ ta bwa, hé ɡo yelfale kpɛɛ Korowii. Nɛra haa dɛ ɛ toma mpo ta, ne kwaa aa lɔ o ta bwa, ne harɛ jaɡa nɛra bwa, hé ɡo kpɛɛra yel tɛo!

Aesaya 42:11

Nɛra haa soɡe pua hɛŋle ɡbo harɛ bwɛɛre ta, hé ɡo yela kpɛɛ Korowii! Keda naanar, bela bwa haa soɡa la, hé ɡe ɡo kpɛɛra yela! Sela tena, hé le bwejena dor dɛ́ kpɔ silɛɛ ɡo yela tɛo!

Aesaya 44:23

Kwaa aa lɔ nyundua, hé ɡo silɛɛ yela. Komɛlbwa aa lɔ harɛ ta ɡe, hé ɡo hɛɡra yela, hale bwejena ne kɔr bini daa bwa. Dɛkalkɛŋɔ Korowii lɛ Israel tena, dɛ baɡle o jirima waa dɔa.

Habakuk 2:14

Gɛ nee aa su mpo ta la, ɡɛɛ nɛra baa lɔ harɛ nɔ ta ɛɛ ba Korowii kpeɡri ne o jirima kohona jema.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Wepila 15:3

dɛɛ ɡo Korowii bonɔɔ Mosis ne Pebie la yel ŋɔ, “Oo, Korowii Haa Ɛ Koranar Bwa Kooro, he we-ɛɛla kan ɡa. Harɛ nɔ bwa Kooro, he ŋwɛnɛre toɡrɔ dɛ ɛ kasinteŋ.