Aesaya 11:15 - mzwDBL

¹⁵ Korowii ɛɛ ɡeloo Ijipt mpo kpale la hweeh kwaraa, ásɛ dɛ berɛ ir nɔn pa Yufretis Moo la ta, peuwɔb bɛl ta kpɔ o ta, ásɛ o peɡri nenabɔɔne anuanɛ, nɛra won do naŋɡawa dɛ́ jo dɛɛ le o baŋ.

Aesaya 11:15 ပူးပေါင်းရင်းမြစ်များ

Kaala 14:21

Mosis tɛr daŋɡbala waa lɔ o nɔn ta la pa mpo la ta, asɛ awola jwaana la bwa Korowii ɡel peujen bɛl ta le wee leebɔr, dɛ taɡɛ nee la kaa habɔɔ o berɛ harɛpɛɛ dɛ hol chɔ. Mpo la bini pero,

Kaala 14:22

asɛ Israel tena valɛ harɛpɛɛ waa hola ta dɛ le o baŋ. Nee la pero che kɛŋɔ danjwɛ dɛ do ba diɡ ne ɡal,

Kaala 14:29

Kɛ Israel tena la te valɛ harɛpɛɛ waa hola ta mpo la bini, nee la pere kɛŋɔ danjwɛ dɛ do ba diɡ ne ɡal ta ba le o baŋ.

Aesaya 19:16

Awola tɔpere, Ijipt tena ɛɛ ɛo kɛŋɔ haahna ken. Baa ɔmɔɔ ba bwara chel Koranar Bwa Kooro nɔn waa ɡɔɔra dɛ́ kpɔ tɛr ba deŋne la wa.

Aesaya 43:16

Kenii Korowii bol. Onee ɡela mpo faa pere, ŋwɛnɛ chɔ o baah ta la.

Aesaya 44:27

N dɛ ŋɔ mpo hweeh, ó hweeh, ásɛ nenabɔɔne ɡe hweeh.

Aesaya 50:2

N ba he be, n ta heyaa nae, n yerɛ heyaa he ta sɛɛh. Kpeɡri maa kpɔ lɛ heyaa laanee n ta dɔe kɛɛ? Mɛɛ won ŋɔ mpo hweeh, ó hweeh, dɛ́ berɛ won ɡel neerare hweeh, bela do kɛŋɔ pua hɛŋle ɡbo harɛ ta, ásɛ a pɛŋa bwa serewe dɛ́ pɔh.

Aesaya 51:11

Nɛra haa lɛɛ ba la ɛɛ berɔɔ ba jo Jerusalam, dɛ́ ɡo yela dɛɛ hɛɡre silɛɛ ne. Ba sie ɛɛ lɛo saŋ bɛlbwa, ásɛ sum ne hima le kwaraa.

Aesaya 63:12

Korowii aa cheɡɛ o kpeɡri ta dɛ ɡel Mosis ɛ wejena mpo teŋe la, o lɛ sɔn waa wola jaɡa dɔe.

Aesaya 7:20

Gɛ saŋ Korowii ɛɛ kpɔ Asiiria koojenii kɛŋɔ nɛn waa dɛ fonɛ dɛ le Yufretis Moo baŋ, ó ba fonɛ he nyumpona ne he tampona dɛ he bwara pona bwa.

Aesaya 8:7

mɛɛ ɡeloo Asiiria koojen ne o laa tena yoo ba. Báa ba ba nɛɛ kɛŋɔ Yufretis Moo aa sua bɔle o diŋɡoŋni bwa ta,

Ɛsekeɛl 29:10

N ne he dɔɔ, n ne he nenabɔɔne ɡe dɔ. Mɛɛ chɔɡ Ijipt harɛ bwaa o chɔ pɛɛ, le bwɛjen Miɡdol waa lɔ weekaŋle nyunduabɔr, ka le bwɛjen Aswan o ɡe aa lɔ weekaŋle harɛbɔr, dɛ́ kpoŋe ka le Itiopia harɛ jwɛh ta.

Ɛsekeɛl 30:12

Mɛɛ ɡeloo nenabɔɔne aa su Nael Moo ta hweeh, ásɛ dɛ yoɡ harɛ la tɛ nɛnchɔɡa. Mɛɛ ɡeloo nɛŋhɔɔhra ba chɔɡ harɛ la, ne komɛlbwa aa lɔ o ta o chɔ pɛɛ. Men Korowiirii bola.”

Sekaria 10:11

Wekpeɡa kohona bɛlbwa aa do kɛŋɔ mpo nehɛma dɛ ba ba nɛɛ aa, men Korowii ɛɛ sɔɔh a nyoaa, ásɛ Nael Moo vile bwa hweeh. Asiiria tena mbarafo nyoa ɛɛ sɔɔhnoo, ásɛ Ijipt harɛ kora kpeɡri nyoa ba harɛ.

Wepila 16:12

Nyundua torome waa teŋa numɛl ɡe leɔ, dɛ ka fuɡe o kwaa ta Yufretis Moo ta, asɛ o bwa hweeh dɛ chɔ ŋwɛnɛ tɛ koranar baa le wee leebɔr dɛɛ ba la.