Aesaya 11:14 - mzwDBL

¹⁴ Baa pɛo dɛ́ lɔ ka tɔ Filisti tena baa lɔ wee cholibɔr nɛɛ dɛ́ yoo ba, dɛ́ ka kah banɔ la baa lɔ wee leebɔr la ɡe laala kɛ laa ta kwa, dɛ́ kpɔ nɔn dawɛ Edom ne Moab tena nɛ, Amɔn tena berɛ ba bechale dɛɛ tom ba.

Aesaya 11:14 ပူးပေါင်းရင်းမြစ်များ

Aesaya 14:29

Filisti tena, daŋɡbala baa kpɔa lɔɔ heyaa ka la kuu, kɛ he bɛ ɡel he sie lɛ he hɛɡre. Harɛkon sewaa, onchɔɡe kɛ domkpule dɛ́ chiɡ o naa ta, ásɛ o bii ɡe do kɛŋɔ doh dɛ́ ir.

Aesaya 15:1

Waa aa chiɡ Moab harɛ ta Korowii bol baɡle Aesaya chaahna ta laanee nɔ, Moab harɛ ta bwɛjena Ar ne Kir chɔɡɔ. Jwaana beŋkpoŋii ba chɔɡa.

Aesaya 16:14

Taraken Korowii berɔ ŋɔ, “Gɛ paa te yon dɛɛ do o tɔpere la, ɡɛɛ Moab tena ɡe tɔpere do. Bonɔ bene atoro Moab kondɔɔh bwa dɛ́ ba chɔɡa ó di ncho. Nɛn damanta baa lɔ o ta bwa, tamaa kenii dɛɛ ba kae, baa ɡwɛɡroo.”

Aesaya 25:10

Korowii ɛɛ kpɔ nɔnee tɔ Saayɔn Bwejen la taa, kɛ Moab tena te, baa tiɡri ba nɛɛ kɛŋɔ baa tiɡri kpɔɡa dɛɛ koo nabena ta la.

Aesaya 33:1

Hé bwɛɛlɛ, nɛra haa dɛ chɔɡ nɛra, nɛra aa wola he te chɔɡ. Hé le nɛra dɛɛ tɛ, nɛra aa wola he te leɛ dɛɛ tɛ. Hé ɡel nɛra chɔɡaa, nɛra ɛɛ chɔɡ heyaa, he ɡel nɛra lee dɛ tɛ aa, nɛra ɛɛ le heyaa tɛ.

Aesaya 59:19

Le wee leebɔr ba kaa wee cholibɔr, nɛra ɛɛ ɔmɔɔ dɛ́ kpɔ jirima tɛo. Dɛkalkɛŋɔ wɛɛ bao kɛŋɔ nepale ne peu a nyoa aa kpeɡa.

Aesaya 60:14

Nɛra ba fa aa ɛ heyaa hɔhɔrɔwa naanar ne banɔ la ba fa aa hah he ya, dɛɛ nyiŋi he nyubaah ɛɛ ba ɡuŋi he siee. Baa yerɛ he bwɛɛ Korowii Bwɛjen, Saayɔn, Israel Nɛŋɡoroŋ la Bwɛ.

Aesaya 63:1

“Umee le bwɛjen Bosra waa lɔ Edom harɛ ta dɛɛ ba nɔɔ? Umee ka dɛ ba dɛ tɔ yaswɛɛma dɛɛ ba kpeɡri ne bokpeɡa ta ken?” Anee Korowii ŋɔ, “Menee, n dɔ kpeɡri dɛ́ won lɛ heya n dɛ ba dɛ́ ba bol yoi maa yoa dɛ pɔ wechɔɡa nɛɛ wa.”

Aesaya 9:12

Siiria tena le wee leebɔr, ásɛ Filisti tena ɡe le wee cholibɔr, dɛ́ ba haah Israel tena pɛ dɛ́ laɡ ba lile. Anɔ nɔ bwa habɔɔ Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jeremia 40:11

Juu tena bwa baa lɔ Moab ne Amɔn ne Edom, dɛ harɛre aa jaa nɛra aa noa kɛ Babelɔn kooro ɡel nɛra bane Juda harɛ, dɛ le Ahikam bibaa Gedalia, o nabaa aa ɛ Safan wɛɛ nyiŋi ba nɛɛ la,

Jeremia 48:40

Waa Korowii aa dɛ bol laanee nɔ. “Hé na, mɛɛ ɡeloo dɔma lɔ ba tɔ Moab harɛ ta, kɛŋɔ kee yon le nyundua dɛ́ paɡri kena dɛ́ ba ta jal la ken.

Jeremia 49:2

Kɛ tɔpera ane dɛ ba, ásɛ n ɡel nɛra baa lɔ Amɔn harɛ bwɛjen Raba no laa lɔŋɔre. Bwɛjen la ɛɛ paɡroo dɛ́ berɛ dimɡbia, ásɛ o bwɛjeɡre aa baro bwa ɡe fuh. Belaa Israel tena ɛɛ ba banɔ la ba fa aa doŋ ba le ba harɛ ta la doŋa le. Men Korowiirii bola.

Jeremia 49:22

Hé na, dɔma dɛ́ ba ba yo Bosra tena, kɛŋɔ kee yon le nyundua dɛ́ paɡri kena dɛ́ ba ta jal la ken. Awola tɔpere la, Edom banyoola ɛɛ ɔmɔɔ kohona, kɛŋɔ haah loltea aa lɔɔ la ken.”

Jeremia 49:28

Korowii bol Keda dea tena ne Hasɔ harɛre Babelɔn Kooro Nebukadnesa aa yoa dɛ pɔ ba nɛɛ la waa ŋɔ, “Hé ir, dɛ́ ka yo Keda tena, dɛ́ kpoo nɛra baa soɡe pua hɛŋle ɡbo harɛ ta wee leebɔr.

Ɛsekeɛl 25:14

N nɛra Israel tena ɛɛ yo Edom tenaa dɛ́ tɔ n wel. Baa ɡeloo Edom tena na n bandia kohona, dɛ́ jemɛ kɛŋɔ menee tɔ ba wel. Men Nemenɛ Korowiirii bola.’ ”

Daneɛl 11:41

Wɛɛ ba Israel Harɛdɛɛɡe la taa, harɛre ta nɛra ɛɛ serewoo, kɛ Edom ne Moab harɛre ta nɛra dɛ Amɔn harɛ ta nomonome te ɛɛ le a nyoaa.

Joel 3:19

Ijipt harɛ dɛ ba pɛɛ chɔe, ásɛ Edom harɛ berɛ pua hɛŋle ɡbo harɛ, yoi baa kaa yo Juda harɛ ta tena, dɛ kpoo nɛra baa wola wechɔɡa ɛɛ la wa.

Emɔs 9:12

Israel tena ɛɛ ka yo nɛra baa ka Edom harɛ taa, dɛ́ pɔ ba nɛ, ásɛ harɛre ta nɛra ba fa aa ɛ n nɛra la jemɛ kɛ menee ɡela a ba ɡɛ. Men Korowiirii bola.”

Habakuk 1:8

Ba jaɡre ɡbaŋre ɡwaa nonietena, dɛ do ɔma ɡwaa ɡboli lɔr aa dɛ kpoa jɔmɔra. Ba nɛra baa soɡe jaɡre ta ɡe le bojaŋa, dɛ chwa kohona dɛɛ ba, kɛŋɔ kokosakire yon ir le nyundua ba harɛ baa di ol la.

Sefania 2:5

Filisti tena, hé bwɛɛlɛ. He nɛra haa soɡe mpo nyoa bwa, Korowii dɔɔ vɔrɔwe he deŋnetɛra waa bil tonɛ, dɛ ŋɔ wɛɛ chɔɡ heyaa, beŋkpoŋ kwaraa aa wola ka.

Sefania 2:7

Juda tena baa ka la ɛɛ ka so belaa, ó berɛ ba kondɛɛra dibɔr, ásɛ jɔmɔra telo aa, bá ka chɔ bwɛjen Askɛlɔn deene bini. Korowii baa dɛ tomɔ laanee dɛ́ nyiŋi ba nɛ, dɛ́ ɡel ba do wer, ɡɛ ba fa aa doa wubwa la.

Sefania 2:9

Men Koranar Bwa Kooro Israel tena aa dɛ tom mɛ taa lole nɔ, n ŋwɛɛrɔ kɛŋɔ, Moab dɛ ba chɔɡa kɛŋɔ bwɛjen Sodom, ásɛ Amɔn ɡe chɔɡ kɛŋɔ bwɛjen Gomoora ken. Aa berɛ yar kwibɔraa, kpɔɡa le a ta, á chɔ pɛɛ saŋ bɛlbwa dɛɛ la. N nɛra baa ka laanee dɛ́ pa ba laala, dɛ́ ka kpɔ ba harɛ la so.”

Nɛra Kura 24:17

N na Israel tena wa aa dɛ ba bala kerekere, kɛ taraken laa. N nyiŋa, kɛ a ta men bɛnɛ. Kooro bɛl ɛɛ le Israel tena binii ba kɛŋɔ wewee ken. Nomoa bɛl ɛɛ ir ba binii, dɛ́ kpoŋe koodaŋɡbala. Wɛɛ kpoo Moab sitɔɔlaa, dɛ́ chɔɡ Sɛt naanar baa ɛ naɡrenyin tena.

Matiu 8:11

Kasinteŋ, nɛra ɛɛ le wee leebɔr ne wee cholibɔree ba so Korowii Kora ta, ásɛ ba ne Abraham ne Aesek ne Jekɔb pɛ di kondikwaa bela.

Sitɔɔla 6:3

Saŋ bɛlbwa Israel tena la aa parɛ ba kooni dɛ du kwaa la, ɡɛɛ Midian ne Amalɛk tena dɛ harɛre aa lɔ wee leebɔr nɛra yon ka jo harɛ la ta dɛ́ lɛ dɔɔh.