Aesaya 11:10 - mzwDBL

¹⁰ Awola tɔpere la, Jese naa waa dɛ ba bala la ɛɛ cheo tɛ harɛre nɛra bwa kɛŋɔ fraŋkaa, ba bwa ɛɛ ba cheme o siee bela waa lole la, dɛ́ kpɔ jirima tɛo.

Aesaya 11:10 ပူးပေါင်းရင်းမြစ်များ

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

1 Webena 2:12

Boas lolɛ Ɔbɛd, Ɔbɛd lolɛ Jese.

Yela 116:7

Anomanta, n liiro ŋɔ, N wee, ɡel he baah sɔɔh name, nyiŋa Korowii aa nyiŋi n nɛɛ la wa.

Yela 145:11

Baa bol jirima he kora aa dɔa waa, dɛ́ bol kan haa doa wa,

Yela 149:5

Korowii nɛra ba wa aa toɡra la hɛɡre, dɛ́ ɡo silɛɛ yela jwaana bwa, pɔe baa pɔ ba dɔma nɛɛ wa.

Yela 91:1

Nomɛlbwa waa chwa ka so Nemenɛ Korowii lɔɡa o kpɔ nɔn tɔ o nɛ, nomɛlbwa waa ka do On Waa Ɛ Kpeɡri Bwa Dɔɔ lɔɡa la,

Yela 91:4

Wɛɛ tɔ he nɛɛ kɛŋɔ jal yon lawɛ o bii do o kena lɔɡre la ken. Wɛɛ nyiŋi he nɛɛ he dɔ bosɔɔhna, dɛ́ che o kasinteŋ ta nyiŋi, dɛ́ tɔe ɡbemɡbe.

Aesaya 11:1

Kooro bɛl ɛɛ le Jese bie Devid luɡe taa dɛ́ ba, kɛŋɔ daa yon pamɛ le o muŋkpul ta, dɛ dɔ kpala dɛ nɔnɛ la.

Aesaya 11:12

Wɛɛ ir fraŋkaa harɛre nɛra nɔ bwa na, dɛ́ boa Israel tena baa laɡ ba ka so harɛre ta la nyoa, dɛ́ ɡel Juda tena baa peɡra kaa harɛ nɔ ta bobɛlbwa la bwa ba cheme.

Aesaya 14:3

Awola tɔpere Korowii aa tɛ heyaa ona le weweele ne hɔhɔrɔwa dɛ dochɔɡa he fa aa lɔ a ta la,

Aesaya 2:11

Nɛn nyanyini ɛɛ tonɔɔ ɡɛ saŋ, ásɛ maŋkurae nɛwɛnyini aa dɛ maŋkura o te la ba harɛ, Korowii ɡbo sɔnee dɛɛ ba lee ɡɛ saŋ.

Aesaya 2:2

Tɔpere bɛl dɛ ba ásɛ bwe Korowii Dea aa chɔŋɛ o ta Jerusalam la waa ba hiah ɡwaa bwea bwa, ásɛ o sɔn le bwea bwa bini, ásɛ harɛre nɛra warɛ dɛ́ ba o ta.

Aesaya 2:3

Nɛra ɛɛ warɔɔ dɛ́ ka ŋɔ, “Hé ba ya kaa Korowii Saayɔn Bwejen la doa Jerusalam, Korowii Jekɔb aa tomɔ la Dea. Wɛɛ baɡle yaa o ŋwɛnɛree, ásɛ yaa valɛ o webaɡla ta.” Saayɔn Bwejen taa o Mmarare ɛɛ ba lee, bá bol baɡle o nɛra Jerusalam bela.

Aesaya 28:12

Korowii ŋɔ ba be ŋɔ, “Ona bɔree la, nomɛlbwa waa koah la, ó ba onɛ,” dɛ berɛ ŋɔ, “Deŋnesɔɔhna bɔree” kɛ baa no.

Aesaya 42:4

Waa koh, waa ɡwɛɡre ɡe, dɛ́ ka tel kɛŋɔ harɛ nɔ nɛra bwa aa ba jemɛ kasinteŋ ŋwɛnɛre la. Nɛra baa lɔ bojaŋ harɛre ta ɛɛ dɔ hwɛɡa o webaɡla taa.”

Aesaya 49:22

Kenii Nemenɛ Korowii ŋɔ o nɛra be, “Mɛɛ kwɛr harɛre nɛraa, ásɛ ba kpɔ he bii berɛ ba dem.

Aesaya 59:19

Le wee leebɔr ba kaa wee cholibɔr, nɛra ɛɛ ɔmɔɔ dɛ́ kpɔ jirima tɛo. Dɛkalkɛŋɔ wɛɛ bao kɛŋɔ nepale ne peu a nyoa aa kpeɡa.

Aesaya 60:3

Harɛre nɛra ne koranar bwa ɛɛ ba he bochaah la taa.

Aesaya 60:5

Hɛɛ na ɡɛɛ he hɛɡra ir, he tea ɡe too. Ba dɛ ba harɛre kondɔɔh ne dɛ́ ba tɛɛ. Mpo baŋ le kwaa bwa ɛɛ bao.

Aesaya 62:10

Jerusalam tena, hé le kaa, dɛ́ ka kwaa ŋwɛnɛ tɛ he nɛra baa bera dɛɛ ba la! Hé laa bwea aa lɔ ŋwɛnɛ la ta la pa, ó do wer! Hé kpɔ fraŋkaa pa ásɛ harɛ nɔ ta nɛra jemɛ.

Aesaya 66:19

Mɛɛ ɛ waane ba binii, dɛ́ tomɛ banɔ la baa le a nyoa la, ásɛ ba la bojaŋa harɛre nɛra baa wola n waa noɛ dɛ na n jirima ne n kpeɡri la be. Harɛre nɛra kɛŋɔ, Taases ne Lebya dɛ Lidia tena. Lidia tena nɔ jemɛ to tae taeh, ne Tubal ne Grik tena harɛ. Gɛ harɛre nɔ nɛra bee baa ba laŋa dɛ́ ka bol n kpeɡri maa dɔa la waa baɡ ba.

Jeremia 6:16

Korowii ŋɔ o nɛra be ŋɔ, “Hé ka che ŋwɛnɛ chɛchɛre ta dɛɛ nyiŋi. Hé bɔɔ ŋwɛnɛbena wa, dɛ́ jemɛ ŋwɛnɛ waa wera dɛɛ kpɔ o ta, dɛ́ so deŋnesɔɔhna ta. Anee he ŋɔ, ‘Akai, yaa o taa kpɔ.’

Haɡae 2:9

Jirima taraken n Dea nɔ aa dɛ ba dɔe la, ɛɛ ɡwaa wubwa kon laanee. Ásɛ dɛ tɛ n nɛra deŋnesɔɔhna bela. Men Koranar Bwa Kooroo bola.”

Sekaria 6:13

Onee dɛ́ do n Dea la, ásɛ dɛ dɔ jirima dɛ́ so kookara ta di kora. Sɔfo bɛl ɡe ɛɛ che o kookara la jwɛɛh o ne wɛɛ ɛ toma. Ba bwa dɔ nyopɛo deŋnesɔɔhna do ba nɛra banɛ bwa baah ta.’

Nɛra Kura 10:33

Anomanta, ba pa mun valɛ le Sinai Bwejen la ta, dɛ valɛ tɔpera atoro. Lewi dea tena cheɡɛ Korowii Ne Nɛwɛnyina Fɔo Daka la tɔ ba sie tɔpera atoro, dɛɛ ɡaaɡe bela waa dɔ tɛɛ ba bá so.

Matiu 12:21

ásɛ nɛra baa lɔ harɛ ta bwa kpɔ ba hwɛɡa dawɛ o nɛ.”

Matiu 8:11

Kasinteŋ, nɛra ɛɛ le wee leebɔr ne wee cholibɔree ba so Korowii Kora ta, ásɛ ba ne Abraham ne Aesek ne Jekɔb pɛ di kondikwaa bela.

Amanesoma Luk Aa Chwera Tɔn 2:32

On dɛɛ ba he waa kpɔe dɛ́ baɡle nɛra baa wola Juu tena ɛɛ, ásɛ he nɛra Israel tena dɔ jirima la.”

Amanesoma Jɔn Aa Chwera Tɔn 12:32

Men, baa ɡɔɔ mɛ nyundua le harɛ nɔ ta. Ba baa ɡɔɔ mɛ naa, mɛɛ tɛr nɛra bwaa ba n be.”

We-ɛɛla 11:18

Baa no ɡɛ la, ba nyoa sɔɔhnɔ, asɛ ba jam Korowii dɛ ŋɔ, “Amɔ te Korowiirii tɛ nɛra baa wola Juu tena ɛɛ la ɡe ŋwɛnɛ, ásɛ ba charɛ ba liire, dɛ́ le ba wechɔɡa ta, dɛ́ dɔ ba nyu!”

We-ɛɛla 28:28

Pɔɔl berɔ ŋɔ, “Anomanta, hé no. Korowii waa aa dɛ ba nɛwɛnyini lɛɛ la, o berɔ kpɔa tɛ nɛra baa wola Juu tena ɛɛ la, dɛkalkɛ ban dɛɛ ba o be noe.”

Hibru 4:1

Korowii nyoa waa baɡɛ nɛra ona waa ŋɔa bá ba onɛ la ta lole. Anomanta, hé ɡel ya nyiŋi kɛrɛdɛ ásɛ he bɛlbwa bɛ a ɡɛ nyobaɡa la ba paŋɛ.

1 Pita 5:10

Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.

Wepila 22:16

Menee Yeesu, men tomɛ n torome ŋɔ ó ba baɡle waa nɔ, ásɛ he ka baɡle asɔre tena. Devid Dwee men. O Naa men. Menee Chɔmbibi Wewee waa dɛ chaah kɛrɛdɛ la.”

Wepila 5:5

Asɛ nomonome la bɛl ŋɔ n be ŋɔ, “Gel wii. Na! Naate waa le Juda dea baa yerɔ ba Nyujente, dɛ berɛ dɛɛ yerɔ Devid Naa la, o wono yo le. Anomanta, wɛɛ wonoo swe kwaa baa kpɔa marɛ tɔn la nyoa kera anuanɛ la dɛ́ pilu.”