Aesaya 10:34 - mzwDBL

³⁴ Wɛɛ teŋ baa ta, kɛŋɔ baa kpɔ kpanfɛ teŋni kɔr baah daa dɛɛ ta la ken. Ba kpeɡri kɛŋɔ Lɛbanɔn daa kwara naa, wɛɛ teŋ baa ta.

Aesaya 10:34 ပူးပေါင်းရင်းမြစ်များ

Yela 103:20

Nyundua toroma haa kana dɛ do kpeɡri, heyaa dɛɛ teŋɛ o Mmarare ta, hé kpɛɛ Korowii.

Aesaya 10:18

Wɛɛ fuh kɔne aa wera, ne harɛdɛɛɡa bwaa kwara, komɛlbwa ɛɛ chɔɡoo. Aa ɛo kɛŋɔ serewe weela aa lɔ nɛn nɛɛ la.

Aesaya 2:13

Wɛɛ chɔɡ Lɛbanɔn peleme dajaŋa ne Basan dajena ɡe bwaa,

Aesaya 31:8

Asiiria tena ɛɛ serewoo dɛ ba ne nɛra laa yoa, kere waa wola nɛn kon ɛɛ dɛɛ ba ba kpoora. Baa chwa laa taa, ásɛ ba lawɛ ba bini bonɔɔna yoma.

Aesaya 33:9

Harɛ la chɔɡɔ, o chɔɔ pɛɛ. Sihiih kpo Lɛbanɔn kɔne, a daa serewe. Sarɔn fɛlembɔdɛɛɡe berɛ pua hɛŋle ɡbo harɛ, Basan harɛ ne Kaamɛl Bwejen ta, daa papooni dɛ chure.

Aesaya 37:24

He tomɛ he toroma ba ɛ mbarafo baɡ mɛ ŋɔ, he wono kpɔ torɔɡore teeh kaa bwejena aa lɔ Lɛbanɔn dor. He ŋɔ belaa he teŋni peleme daa aa jaŋa kohona, ne dadɛɛɡa bwa soo siwi, dɛ jo kaa kɔr la baah tenten.

Aesaya 37:36

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ, dɛ ba na ɡɛ nɛra la aa serewa chɔ bobɛlbwa.

Jeremia 22:7

Mɛɛ ɡeloo laa tena ba yoo, bɛlbwa kpoŋe o dɔmkwa. Baa teŋni o peleme daa aa wera laanee ta, dɛ́ paa do nii ta.

Jeremia 48:2

Moab harɛ nyanyini tonɔ. Dɔma baa yo Hɛsbɔn tena dɛ pɔ ba nɛ, dɛɛ vɔrɔwe kɛ bá ba chɔɡ Moab harɛ. Nɛra haa lɔ bwɛɛ baa dɛ yerɔ Madmen ɡe bwa hel, dɛkalkɛ laa tena ɛɛ ba yoo baa.

Ɛsekeɛl 31:3

He do kɛŋɔ peleme daa waa lɔ Lɛbanɔn harɛ ta, o kpala ne papooni do wer dɛ tɔ kɔr. O pamɔ kaa nyundua dɛ do jaŋne dɛ kaa baama ta.

Daneɛl 4:23

N naa kooro, he na nyundua torome waa do ɡoroŋ o le nyundua dɛɛ tu, dɛɛ ŋɔ, ‘Hé teŋe daa la ta, dɛ́ chɔɡo, hé ɡel o muŋkpul la che, dɛ́ kpɔ buni jɔɡrɔre ne ayaawa vɔwɔ, o ne o lune che kpɔɡ bini. Hé ɡel mɛn le nyundua lee o muŋkpul nɔ nɛ, ásɛ o ne kpɔɡ bini ola so kpɔɡ bini bene anuanɛ.’

Neehum 1:12

Anomanta, kenii Korowii ɛɛ bol o nɛra Juda tena be, “A lole kɛŋɔ Asiiria tena kpeɡri, dɛ warɛ dɛ dɔ nɛra bá ba cha ba, kɛ mɛɛ chɔɡ baa le harɛ nɔ ta bá he kwaraa. Juda tena, menee ɡela he fa na wahala, kɛ maa berɛ ɡel he na ɡɛ kpa.

2 Tesalonika 1:7

dɛ ɡel he bwara sɔɔh heya. Ya ne he bwaa dɛɛ ba bosɔɔhna la dɔe ɡɛ saŋ ya Dɔɔ Yeesu Kristo aa forɛ le nyundua o ne o nyundua toroma baa dɛ di kpeɡri ne nii nɛɛ ba la.

2 Pita 2:11

Nyundua toroma kpeɡri dɛ dɔ jirima ɡwaa a ɡɛ nyosonteŋna nɔ, kɛ baa ban chɔɡɛ dɛɛ tɛ Korowii sisa wobol ne.

Wepila 10:1

Anɔ bwa habɔɔ la, n berɔ na nyundua torome bokpeɡa te bɛl, o le nyundua dɛɛ tu. O kpɔ baama tɔ kɛŋɔ yal ken. Bwaala deŋɡare bar o nyu, o siebɔr ɛɛ chaah kɛŋɔ wee, asɛ o nakpale ɡe do kɛŋɔ nii.

Wepila 18:21

Belaa nyundua torome bokpeɡa te bɛl ɡɔɔ bwe bɛl waa do kan kɛŋɔ nambwejen, dɛ kpɔ ta mpo ta, dɛ ŋɔ, “Kenii baa ba bwɛjen Babelɔn la kpɔe dɛ́ ta kpeɡri nɛɛ baa wola on na kpa bwa.