Aesaya 10:26 - mzwDBL

²⁶ Koranar Bwa Kooro ɛɛ lɔɔ baa chweema nee, ɡɛ waa ɛ Midian tena dɛ kpoo ba Oreb bwe ta la. Wɛɛ ir o daŋɡbalaa pa nee ta, ɡɛ waa ɛ Ijipt tena ba ka nee ta la.

Aesaya 10:26 ပူးပေါင်းရင်းမြစ်များ

2 Koranar 19:35

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ dɛ ba na ɡɛ nɛra la aa serewa chɔ bobɛlbwa.

Yela 35:23

Korowii maa dɛ tomɛ, ir nyu ne, dɛ́ yo tɛ mɛ.

Yela 83:11

Ɛ ba nomonjena ɡɛ haa ɛ Kooro Oreb ne Kooro Siib la, dɛ́ yo ba koranar bwa, dɛ́ pɔ ba nɛɛ kɛŋɔ haa yo Kooro Seba ne Kooro Salmuna la.

Kaala 14:16

Tɛr he daŋɡbala la pa Mposwɛm la ta, ásɛ o bini pere Israel tena la won valɛ o bini le kɛŋɔ harɛpɛɛ ta.

Aesaya 10:24

A ɡɛ nomanta, Korowii, Koranar Bwa Kooro dɛ bol ŋɔ, “N nɛra haa lɔ Saayɔn, hale dɛ Asiiria tena kpɔ daa dɛɛ lɔɔ heyaa ɡɛ Ijipt tena fa aa ɛ heyaa la aa, hé bɛ ban ɔmɛ.

Aesaya 11:16

Ŋwɛnɛjen ɛɛ chɔɔ tɛ o nɛra baa kaa, dɛ́ le Asiiria harɛ la ta, ɡɛ ŋwɛnɛ fa aa chɔa tɛ Israel tena ɡɛ saŋ baa le Ijipt harɛ ta dɛɛ kaa la.

Aesaya 30:30

Korowii ɛɛ ɡeloo nɛra no o taa, dɛ́ jemɛ ɡɛ waa do kan, dɛ́ ɡel ba na o bandia waa dɛ́ ba o ne, dɛ́ ba tɛr ba deŋne. Bandichɔɡe ne nii aa dɛ chɔɡ kwa, ne bwaalachɔɡe ne peu, ne bwaala kɔɡra dɛ dombwea nee wɛɛ ba bala.

Aesaya 30:31

Korowii taa la ɛɛ ɡeloo Asiiria tena bwara hɛlɛ, wɛɛ kpɔ o koodaŋɡbalaa lɔ ba bil.

Aesaya 30:32

Korowii aa ir o daŋɡbala dɛ́ kpɔ dɛɛ tɛr ba deŋne la, lɔe bɛlbwa waa lɔ ba la, dɛ Israel tena ɡe dɛ yiiɡi kwaa kɛŋɔ loŋa ken, dɛɛ lɔ janjela dɛɛ ɡo yela. Korowii ɡbaɡbaa dɛɛ ba ba yoi.

Aesaya 9:3

N Naa Korowii, he ɡelɔ ba harɛ la nɛra ya, he tɛɛ ba silɛɛ kohona. Ba dɛ hɛɡre he sie kɛŋɔ nɛra koo kondikwaa yon ɛ kohona baa koma dɛɛ hɛɡre la. Ba berɔ dɛɛ hɛɡre kɛŋɔ nɛra aa kaa yo laa, dɛ pa ba dɔma laala dɛɛ bɔne la.

Aesaya 9:4

He pɔ ba dɔma ba fa aa dɛ ha ba, kɛŋɔ baa kpɔ daa dawɛ nae anɛ nɛ aa parɛ, dɛ kpɔ daŋɡbale dɛɛ lɔɔra la nɛ. Gɛ tentenee he kuuɡi daa aa dawɛ Midian tena nɛ dɛ lɛɛ ba.

Wepila 11:18

Nɛra baa lɔ harɛ ta baah diu, kɛ tɔpere baa nyɔ he danana nee la ɡe telo. He bole pae tɔpere telo, hɛɛ ba dɛ́ ba bol nɛra baa serewa la waa dɛ́ pa bole, dɛ́ bɔ he bonɔɔna baa ɛ he keamere ne he nɛra ne banɔ la baa dɛ ɔmɛ la kem, ba bini nɛnjena ne nɛmpɛɛne bwa, dɛ́ chɔɡ banɔ la baa dɛ chɔɡ harɛ la.”

Wepila 19:15

Asɛ tokobii waa nyɛɡa ɛɛ le o nyoa, o kpɔ dɛɛ ba harɛ ta nɛra bwa yoi, dɛ́ pɔ ba nɛ. Wɛɛ nyiŋi ba nɛɛ kpeɡri ne aŋwɛnɛ taa, dɛ́ ɛɛ ba kɛŋɔ baa dɛ sa daa nɔna baa kpɔa dɛɛ ɛ sen ta a nee ɛɛ le la. Korowii Waa Ɛ Kpeɡri Bwa Dɔɔ bandiaa a nee la.

Sitɔɔla 7:25

Ba berɔ lawɛ Midian tena nomonome bane baa dɛ yer ba Oreb ne Seeb. Ba kpo Oreb bwe baa dɛ yerɔ Oreb ta, asɛ dɛ kpo Seeb ɡe bobɛl baa dɛ harame daa nɔna baa kpɔa dɛɛ ɛ sen baa yerɛ bela Seeb. Ba ti nɛra la asɛ dɛ teŋe Oreb ne Siib nyuune ba tɛ Gedeɔn Jɔɔdan Moo nyoa bela.