Aesaya 10:22 - mzwDBL

²² Israel tena, dɛ he warɔ kɛŋɔ mpo nyoa hɛŋle kwaraa naa, he tamaa dɛɛ ba kae dɛ́ berɛ ba. Chɔɡa chɔ le dɛɛ kpa heya. Gɛ Korowii aa cheɡ heyaa la, he chɛ ɡɛ.

Aesaya 10:22 ပူးပေါင်းရင်းမြစ်များ

Mumpar 18:25

N jemɔ kɛŋɔ haa pɛ kpo nɛnchɔɡa ne nɛndɛɛɡa. Akai, haa ɡɛɛ ɛ. He ɛ ɡɛ naa, nɛndɛɛɡa ne nɛnchɔɡa bwaa hɛɛ ba pɛɛ tɛr ba deŋne la. A ne he sɔn ta maɡrɛ kwaraa! He nɛn haa ba bol harɛ nɔ ta nɛra bwa waa dɛ́ pa bole la ta chɛɛ kɛ he ɛ anɔ la aa maɡraa?”

1 Koranar 4:20

Kooro Solomɔn bere saŋ dɛ Juda ne Israel tena warɔ kɛŋɔ mpo nyoa hɛŋle ken. Kɛ dɛ bɛlbwa dɔɔ dɛɛ di dɛɛ nyɔ, ba sie ɛɛ lɛ.

2 Koranar 19:31

Bane ɛɛ kao dɛ́ do Jerusalam Saayɔn Bwejen ta. Koranar Bwa Kooro ɛɛ do siee, dɛ́ ɛ anɔ bwa.’

Aesaya 37:31

Nɛra baa ka, dɛ́ le Juda dea la ɛɛ doo kɛŋɔ, daa waa ta lune kaa bini, dɛ won nɔna la ken.

Aesaya 46:3

Israel tena haa kaa la bwa, hé no n be. Menee nyiŋi he nɛɛ le ɡɛ saŋ baa lolɛ bwa.

Aesaya 48:19

He naanar fe ɛɛ warɔ kɛŋɔ mpo nyoa hɛŋle ken. N fe nyiŋ ba kɛrɛdɛ ba dɔma bɛ won chɔɡ ba, ásɛ ba sɔn bɛ he.”

Aesaya 59:20

Korowii ŋɔ o nɛra be ŋɔ, “Mɛɛ ba Saayɔnee dɛ́ ba lɛ he banɔ la haa charɛ liire le he wechɔɡa ta bwa.

Aesaya 6:11

Anee n ŋɔ, “N Naa Korowii, dɛ ka tel saŋ besoo?” O chaŋe ŋɔ, “Dɛ ka tel kɛŋɔ bwɛjena la aa berɛ dimɡbia, nomɛlbwa aa wola a taa so, ásɛ deremi aa lɔ a ta la chɔ pɛɛ, kooni bwa berɛ pua.

Aesaya 6:13

Dɛ nɛn beŋkpoŋ kwaraa ka harɛ la ta kwaraa naa, mɛɛ chɔɡ o ɡbaa. Wɛɛ ɛo kɛŋɔ ba yon teŋe daa a ka o muŋkpul che dɛɛ moɡɛ la.” Daa la muŋkpul la cheɡɔ tɛ n nɛra baa ba ka harɛ la ta la.

Aesaya 60:22

Banɔ la baa wola kanɛ la, baa warɔ dɛ do kpeɡri kɛŋɔ harɛjen nɛra. Mɛɛ ɛa waranee saŋ waa wera ta. Menee Korowii.”

Aesaya 65:8

Korowii berɔ ŋɔ, “Gɛ nee aa lɔ ɡrepo nɔna sao ta ba yon ŋɔ, ‘He bɛ an chɔɡ, ba ta ɛɛ daa a ne senee’ la, ɡɛɛ maa wola n nɛra bwaa chɔɡ, mɛɛ lɛ banɔ la baa dɛ tom mɛɛ.

Aesaya 8:8

dɛ́ su kpɔ Juda harɛ bwa, dɛ́ tel ba baŋa ta dɛ́ bɔle komɛlbwa ta. Imanoɛl, wɛɛ paɡri o kenaa tɔ he harɛ la bwa.”

Jeremia 3:14

Hé berɛ ba, nɛra he waa aa wola kasinteŋ dɔe, dɛkalkɛ he dɔɔree men. Mɛɛ le nɛmbeŋkpoŋii le bwɛɛ bɛlbwa ta, dɛ́ le nɛra banɛ le dea bɛlbwa ta, dɛ́ berɛ ba he ne Saayɔn Bwejen ta.

Jeremia 44:28

Ba bini banɔ la baa dɔ bɔr le Ijipt harɛ ta kaa Juda la ɛɛ do tamaa kenii. Ásɛ Juda tena bwa baa kaa dɛ ba so Ijipt harɛ ta la jemɛ bɛl la o wa aa dɔ kasinteŋ, n waa la kɛɛ ba waa baa dɛ teŋɛ a ta la.

Daneɛl 9:27

Nomoa la ne nɛra baa wara ɛɛ fɔwɛ fɔwee bene anuanɛ. Bene anuanɛ la baah ta la, wɛɛ ɡeloo ba ɡel kwaa baa kpoora dɛɛ ɛ saraha, ne koŋkɛɛla baa dɛ ba a ne Korowii Dea la ne bala. Ásɛ o kpɔ konchɔɡechɔɡe waa dɛ paɡre bwɛɛ la ka pa Korowii Dea doa bobɛl waa do jaŋne kaa nyundua, ásɛ o do bela ka tel kɛŋɔ chɔɡa aa dɛ ba o nɛɛ bala aa bala, ɡɛ Korowii aa bola la.”

Hosia 1:10

Israel tena ɛɛ warɔɔ kɛŋɔ mpo nyoa hɛŋle ken, baa wola won kur ba. Korowii ŋɔ ba be ŋɔ, ‘He ta n nɛra ɛɛ’, kɛ tɔpere bɛl dɛ ba ó yer ba ‘Korowii waa lole saŋ bɛlbwa bii’.

We-ɛɛla 17:31

dɛkalkɛŋɔ o do tɔpere waa dɛ ba nɛwɛnyini bwa waa bola kasinteŋ ne la. O le nɛn wɛɛ ba waa la bola. O ir naate seo ta ásɛ nɛra jemɛ kɛŋɔ kpelaa o waa la.”

Tɔn Pɔɔl Aa Chwerɛ Rom Tena 2:5

He deŋne kpeɡri. Haa ɡelɛ he tea bini ɛɛ chɔɡ he wechɔɡa wa. He ɡelɔ Korowii bwaawee ɛɛ do kan he nɛɛ tɔpere bɛlbwa. Awola waa ba pa bole kasinteŋ ne la, o baah ɛɛ di he nɛɛ taeh.

Wepila 20:8

O leɔ waa, wɛɛ ba neɡre nɛra baa lɔ harɛ nɔ ta bobɛlbwaa, Gɔɡ tena ne Maɡɔɡ tena, dɛ́ pona ba, bá warɛ kɛŋɔ mpo nyoa hɛŋle ken, dɛ́ kpɔ ba yo laa.