Aesaya 10:16 - mzwDBL

¹⁶ Anomanta, Korowii, Koranar Bwa Kooro ɛɛ kpɔ ɡwaŋa weelaa ta Asiiria koojen laa tena baa kpeɡa kohona nɛ, ásɛ dɛ chɔɡ o jirima kɛŋɔ nii yon fuh kon tonɛ la.

Aesaya 10:16 ပူးပေါင်းရင်းမြစ်များ

2 Webena 32:21

Asɛ Korowii tomɛ nyundua torome bɛl o ba kpoo Asiiria laa tena ne ba laa sitɔɔla, dɛ nomonome baa lɔ bela baa soɡa bwa. Anomanta, Koojen Senakerib kpɔ sihiih berɛ ba kaa Asiiria harɛ ta. Waa laŋa la, o kaa jo o voɡ dea, asɛ o bibaala bane ka kpoo keri ne.

Yela 106:15

Anomanta, he tɛɛ ba kwaa baa soŋe la, dɛ berɛ kpɔ weechɔɡa ta ba nɛ.

Yela 78:31

Korowii baah di ba nɛ, o kpoo ba bini nɛŋkpeɡa, bonɔɔna ba bwara aa kpeɡa kohona Israel harɛ ta la.

Aesaya 10:18

Wɛɛ fuh kɔne aa wera, ne harɛdɛɛɡa bwaa kwara, komɛlbwa ɛɛ chɔɡoo. Aa ɛo kɛŋɔ serewe weela aa lɔ nɛn nɛɛ la.

Aesaya 17:4

Korowii ŋɔ, “Awola tɔpere la, Israel jirima waa dɔa la ɛɛ tonɔɔ, ásɛ nyaa chiɡ o kondɔɔh naa ta.

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

Aesaya 31:9

Ba koojen ɛɛ ɔmɔɔ dɛ́ chwa, ásɛ ba nomonome baa chɔ laa nyoa la kpɔ ɔmee dɛ́ chwa ɡel ba laa fraŋkaa.” Korowiirii bola. O nii waa kpɔa dɛ fuh saraha kwaa la lɔ Jerusalam Saayɔn Bwejen ta.

Aesaya 37:29

N no he deŋnekpeɡ we-ɛɛla, ne he mbarafo haa dɛ ɛ, a chole n deŋna ta. Mɛɛ kpɔ ɡoŋaa do he mee ta, dɛ́ kpɔ kabaɡrare do he nyoa, dɛ́ berɛ kpɔe kpɔ ŋwɛnɛ haa kpɔ o ta ba la ta kaa.’ ”

Aesaya 37:36

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ, dɛ ba na ɡɛ nɛra la aa serewa chɔ bobɛlbwa.

Aesaya 5:17

Peera ɛɛ chwe kpɔɡa bwɛɛ la dimɡbia taa. Bela ɛɛ berɛ pebiiri dibɔree.

Aesaya 8:7

mɛɛ ɡeloo Asiiria koojen ne o laa tena yoo ba. Báa ba ba nɛɛ kɛŋɔ Yufretis Moo aa sua bɔle o diŋɡoŋni bwa ta,

Aesaya 9:4

He pɔ ba dɔma ba fa aa dɛ ha ba, kɛŋɔ baa kpɔ daa dawɛ nae anɛ nɛ aa parɛ, dɛ kpɔ daŋɡbale dɛɛ lɔɔra la nɛ. Gɛ tentenee he kuuɡi daa aa dawɛ Midian tena nɛ dɛ lɛɛ ba.

Aesaya 9:5

Laala baa doa dɛɛ yo laa, ne kon te bɛlbwa chal aa ɛo la, baa kpɔa do nii ta a fuh, baa kpɔa mar nii.

Jeremia 21:14

Mɛɛ tɛr he deŋnee ɡɛ he we-ɛɛla aa doa. Mɛɛ ɡeloo nii le he kɔne bini dɛ́ fuh komɛlbwa aa lɔ a ta, Men Korowiirii bola.’ ”

Jeremia 48:14

Moab tena, ɛrɛɛ hɛɛ ba wona ŋɔ, ‘Ya ɛ banyoola, baala yaa kpeɡa dɛ won laa yoi kohona ɔ?’

Ɛsekeɛl 34:16

Mɛɛ ɡaaɡo nyin anɔ la aa nyoɡra bɔr, dɛ́ berɛ ba anɔ la aa yeŋa la ɡe ne. Mɛɛ vɔrɔwe anɔ la a bobɛla aa kuuɡaa, dɛ́ chah anɔ la a bwara aa dɛ wea, ásɛ a dɔ bokpeɡa. Kɛ anɔ la aa dɔ bokpeɡa a bwara do wer la te, mɛɛ kpooraa, dɛkalkɛ n ɛ peteɡre n wa aa toɡra.’ ”

Neehum 1:12

Anomanta, kenii Korowii ɛɛ bol o nɛra Juda tena be, “A lole kɛŋɔ Asiiria tena kpeɡri, dɛ warɛ dɛ dɔ nɛra bá ba cha ba, kɛ mɛɛ chɔɡ baa le harɛ nɔ ta bá he kwaraa. Juda tena, menee ɡela he fa na wahala, kɛ maa berɛ ɡel he na ɡɛ kpa.

Sefania 2:13

Korowii ɛɛ che o kpeɡri taa, dɛ́ chɔɡ Asiiria harɛ, ásɛ o bwɛjen Niniwe chɔ pɛɛ, dɛ́ berɛ pua hɛŋle ɡbo harɛ, nee aa wola o taa do.

Sekaria 7:4

Asɛ Koranar Bwa Kooro bol waa n be ŋɔ,

We-ɛɛla 12:23

Kooro Hɛrɔd aa wola ɡelɛ ba kpɛɛ Korowii, dɛ lɛ kpɛɛra la tɛ o te la, kerabeŋkpoŋ dɛ Korowii nyundua torome baa lɔɔ bil, asɛ kpaloɡlare diu o sewɛ.