Aesaya 1:28 - mzwDBL

²⁸ Nɛra baa kpaŋe o nɛ, ne wechɔɡ-ɛɛra la, wɛɛ pɛo chɔɡ ba bwa. Asɛ nɛra ba ɡe aa vɛoh la, ó kpoo ba ɡe.

Aesaya 1:28 ပူးပေါင်းရင်းမြစ်များ

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

2 Webena 21:10

Ba le fini, Edom harɛ tena pere ba te le Juda tena lɔɡa. Gɛɛ bwɛjen Lebna tena ɡe pere ba te ɡɛ saŋ, dɛkalkɛ Kooro Jehoram vɛh Korowii o naawa aa tomɔ la.

2 Webena 28:23

O kpoo kwaa ɛ sarahare Damaskɔs tena baa yoo dɛ pɔ o nɛɛ voɡare ta, dɛkalkɛ o liiro ŋɔ, “Siiria koranar voɡa aa cha ba nomanta, mɛɛ kpoo kwaa ɛ sarahaa tɛa, ásɛ a cha mɛ.” Kɛ anee ɡela o ne Israel tena lɔ harɛ.

2 Webena 28:6

Tɔpebeŋkpoŋ ɡbo ta, Remalia bibaa Kooro Pɛka ne o laa tena iro ka kpoo Juda laa tena kaɡboŋa lafa fifraanɛ, dɛkalkɛ ba vɛh Korowii ba naawa aa tomɔ la.

Job Tɔn 31:3

O ta kon waa chɔɡ nyubinikpeɡ tena ɛɛ yaa? O ta wenaale ɛɛ tɛ nɛra baa dɛ ɛ wechɔɡa aa?

Job Tɔn 34:26

O dɛ tɛr ba deŋne ba wechɔɡa wa, ásɛ nomɛlbwa na ba,

Job Tɔn 34:27

dɛkalkɛ ba laa ba te kpɔ, dɛ vɛh o nɛɛ teŋa, baa sie aa o Mmarare la ta do.

Yela 1:6

Korowii dɛ nyiŋi nɛra ba wa aa toɡra nɛ, kɛ nɛnchɔɡa ŋwɛnɛre te, a dɛ kaa ba ne seo ta.

Yela 104:35

N Naa Korowii, n dɛ soŋe kɛ he chɔɡ wechɔɡ-ɛɛra le harɛ nɔ ta, nyubinikpeɡ tena bɛ le do kpa. N dɛ kpɛɛ Korowii n bambile bwa ne! Hé kpɛɛ Korowii.

Yela 125:5

Kɛ dɛ he tɛr nɛnchɔɡa deŋne aa, tɛr nɛra baa vɛh he waa ta teŋa la ɡe deŋne. Israel tena, Korowii tɛ heyaa deŋnesɔɔhna!

Yela 37:38

Kɛ wechɔɡ-ɛɛra bwa ɛɛ serewoo, ba naanar aa kae ba harɛ nɔ ta.

Yela 5:6

He dɛ chɔɡ nɛra baa dɛ teŋe nyosone, he hah nɛra baa dɛ kpoo nɛra, ne nɛra baa dɛ neɡre nɛra.

Yela 73:27

Nɛra baa berɛ habɔɔ kpoe la bwa ɛɛ serewoo, ɡɛɛ nɛra baa wola he waa ta teŋɛ la, hɛɛ ba ɡela ba ɡe serewe.

Yela 9:5

He pa voɡtoroma bolchɔɡe, dɛ chɔɡ nyubinikpeɡ tena, dɛ ɡel ba sɔna he harɛ nɔ ta kwaraa.

Yela 92:9

N Naa Korowii, ya jemɔ kɛŋɔ he dɔma bwa ɛɛ serewoo, ásɛ nyubinikpeɡ tena bwa lɔ peɡre.

Sɛɡla 29:1

Dɛ he dɛ ɛ lwɛmkpeɡ saŋ bɛlbwa ba kaeh kahonaa, he ne ba jara la, dɛ he dɔ wa, haa a nyoa tɛɛɡaa dɔ.

Aesaya 1:4

Wechɔɡ-ɛɛra ɡbo harɛ, nɛra ba wechɔɡa aa ɡwaa ba nɛ, wechɔɡ-ɛɛra naanar ɡboɡbo, he vɛh Korowii, dɛ berɛ habɔɔ kpoo. He dɛ nyiŋi Israel tena Nɛŋɡoroŋ la nyubaah.

Aesaya 24:20

Harɛ ɛɛ yɛɛɡoo kɛŋɔ sennyɔdɛɛ ken, kɛɛ pata peu aa dɛ kpɔɔ ken. Harɛ nɛra wechɔɡa sii ba nɛ, dɛ́ ba ba ne harɛ, baa choloo baa wola ir kpa.

Aesaya 30:13

he wechɔɡa ɛɛ ɛ heyaa kɛŋɔ danjwɛɛ waa pera dɛɛ ba chola, asɛ dɛ piɡri chole buɡ ta la.

Aesaya 33:14

Wechɔɡ-ɛɛra baa lɔ Jerusalam dɛ ɔmɛ, nɛra baa wola Korowii tomɛ la bwara dɛ sa. Ba ŋɔ, “Ya bini umee dɛ won so nii aa dɛ hɔ aa wola dime, dɛɛ chɔɡ kwaa nɔ jwɛh ɔ?”

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

Aesaya 50:11

He banɔ la ɡe haa dɛ nyin hé chɔɡ he bala la, aa di he ɡbaɡbaa. Korowii ɡbabirii dɛɛ ba ɡela á chiɡ ɡɛ. Hɛɛ na waa kohonaa taeh.

Aesaya 58:2

Ba dɛ tom mɛ tɔpere bɛlbwa, dɛɛ nyin n ŋwɛnɛre dɛ jemɛ, dɛɛ ɛ kɛŋɔ ba waa toɡrɔ, á do kɛŋɔ ba ta Korowii Mmarare vɛɛh. Ba dɛ soŋe waa aa toɡra n be, dɛɛ nyin kɛ n bɛn ba.”

Aesaya 64:6

Ya bwa ɛ wechɔɡa dɛ kah doŋa, ya wedɛɛɡa kwaraa do kɛŋɔ yakwara waa chɔ puldoa ken. A ɡelɔ ya do kɛŋɔ papooni aa hola, peu ta dɛ kpɔa dɛɛ kaa la ken.

Aesaya 65:11

He banɔ la haa berɛ habɔɔ kpo mɛ dɛ vɛh Saayɔn Bwejen waa do ɡoroŋ, dɛɛ tomɛ voɡ Gad ne voɡ Meni.

Aesaya 66:17

Korowii ŋɔ, “Saŋ telo kɛŋɔ n kpoo banɔ la baa laa doŋa kpɔ ba nɛɛ dɛɛ la voɡa ta daa mune, ne banɔ la baa dɛ chwe parakoo ne mari, dɛ kondikwaa bwa soo siwi maa kia la.

Aesaya 66:24

Nɛra ɛɛ leo dɛ́ kaa nyiŋi banɔ la baa ɛɛ mɛ deŋnekpeɡ la lala kɛ baa serewa chɔ. Dudule aa dɛ di ba ola la aa sewɛ bwa, nii aa dɛ fuuh ba ɡe aa dime bwa, ásɛ ba waa pe nɛwɛnyina bwa.”

Jeremia 17:13

N Naa Korowii, he nɛɛ Israel tena sie dawɛ, sihiih ɛɛ kpo nɛra baa berɛ habɔɔ kpoe bwaa. Nɛra baa chwaa le he be bwa sɔna ɛɛ nyoɡroo kɛŋɔ nɛra baa serewa ken. Dɛkalkɛ ba vɛh hen haa do kɛ nee waa dɛ bule saŋ bɛlbwa dɛɛ tɛ Israel tena.

Jeremia 44:12

Kɛ Juda tena baa kaa dɛɛ nyin kɛ ba ka so Ijipt harɛ ta la te, mɛɛ chɔɡ ba bwaa. Nomonome ne bechale bwaa dɛɛ ba laa kɛɛ lɔr ta sewa Ijipt harɛ ta. Nɛra ɛɛ nao ba bambile teŋe, dɛ yerɛ ba sɔn dɛɛ taah ba, dɛɛ nyiŋi ba nyubaah.

Hosia 14:9

Umee wejereme ɔ? Naate ɛɛ jemɛ waa nɔɔ. Umee dɛɛ pese waɔ? Naate ɛɛ no a munii. Korowii ŋwɛnɛre toɡrɔ, nɛra ba wa aa toɡra dɛ teŋɛ a ta, kɛ deŋnekpeɡ tena dɛ lɔ naa a ta.

1 Tesalonika 5:3

Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.

2 Pita 3:7

Gɛɛ Korowii ŋɔ nyundua kwaa bwa ne harɛ kwaa bwa aa lole taraken nɔ, á do le ɡɛ, ásɛ nii ɛrɛ ba fuah awola waa dɛ ba nɛra baa wola on tomɛ waa bola dɛ́ pa bole, dɛ́ chɔɡ ba la.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

1 Samoɛl 12:25

Kɛ dɛ he ta nao dɛɛ ɛ wechɔɡa aa, he ne he kooro bwa ɛɛ serewoo.”