3 Jɔn 1:7 - mzwDBL

⁷ dɛkalkɛ Yeesu toma waa ba koh dɛɛ valɛ. Baa suuɡa lɛɛ dɛɛ le nɛra baa wola Korowii waa yaradae la be.

3 Jɔn 1:7 ပူးပေါင်းရင်းမြစ်များ

Amanesoma Jɔn Aa Chwera Tɔn 15:21

Anɔ bwaa baa ba n waa koeh dɛɛ ɛ heya, dɛkalkɛŋɔ baa naate waa tom mɛ la jemɛ.

We-ɛɛla 20:33

N sie ta nomɛlbwa suuɡa kɛɛ o yal ta beɡrɛ.

We-ɛɛla 20:35

N cheɡɛ n we-ɛɛla ta dɛ baɡle heyaa kɛŋɔ a chɛ kɛ ya swɛɛ siwi ɛ toma ken, ásɛ dɛ won dɛɛ cha nɛra baa wola kpeɡe la. A chɛ kɛ yaa lii waa ya Dɔɔ Yeesu ɡbaɡba aa bola ŋɔ, ‘Nɛn waa dɛ kɛ nɛra kwaa la, o dɛ na som o bwara ɛɛ sɔɔhno, dɛ ɡwaa nɛn baa dɛ kɛo kwaa’ la.”

We-ɛɛla 5:41

Baa le nomonome la be, dɛ ba sie lɛo kohona kɛŋɔ Korowii aa tɛɛ ba sɔn dɛ ɡel ba ɡe maɡa nɔ dɔŋ won koh Yeesu waa dɛ di sihiih ne weweele la.

We-ɛɛla 8:4

Bobɛlbwa asɔre tena la aa peɡra dɛ kaa la, ba bol Amanesoma la dɛɛ ɡaaɡe.

We-ɛɛla 9:16

Mɛɛ ɡeloo ó jemɛ wahala bwa waa dɛ ba n waa koeh dɛ́ na.”

1 Kɔrent 9:18

Kembɔr besoo mɛɛ dɔɔ? N kembɔree kɛŋɔ ń won bol Amanesoma la baɡle nɛra pɛɛpɛɛ dɛ bɛ kpeɡri maa dɔa la baɡle ba nɛ.

2 Kɔrent 12:13

Bɔkwaa n ɛ tɛ asɔre tena baa kaa la maa wola ɛɛ tɛ heya ɔ? Anɔ la maa wola heyaa ɛɛ laanee kɛŋɔ, n ta heyaa hae suuɡa waa ta. Hé kpɔ n wechɔɡa kɛ mɛ!

2 Kɔrent 4:5

Ya ɡbaɡba waa laa yaa baɡle nɛra nɔ. Yeesu Kristo waa yaa baɡle kɛŋɔ onee komɛlbwa Dɔɔ, dɛɛ baɡle kɛŋɔ o nomanta, he bonɔɔnaa yan.

Felepae 2:9

A waa Korowii tɛo nomonome kɛrɛdɛ ɡa, dɛ berɛ tɛo sɔn ɡwaa sɔna tena bwa.

Kolosi 1:24

Taraken a do n som kɛ maa lɛ he wahala dɛɛ na. Wahala lole ń che Yeesu Kristo naa ta dɛ́ na tɛ asɔre tena baa ɛ o bwadabii la. Anomanta, a do n som kɛ maa dɛ ba wona na wahala aa kaa la ane, ásɛ a won tonɛ.

3 Jɔn 1:8

Anomanta, a wer kɛŋɔ ya cha nɛra baa dɛ ɛ a ɡɛ toma nɔ. Dɛ ya wono dɛɛ cha dɔŋa ɡɛ naa, dɛ Korowii kasinteŋ waa la tomaa ya bwa ɛɛ ɛ la.

Wepila 2:3

He lawɛ bambile dɛ koh n waa dɛ na wahala, kɛ dɛ ta lawɛ a bini.