3 Jɔn 1:10 - mzwDBL

¹⁰ Anomanta, dɛ n balaa, mɛɛ bol o waa, dɛ́ bol ɡɛ waa dɛ chɔɡ yaa dɛ kpɔ waa dɛɛ dawɛ yaa la. A ɡbo laa wɛɛ ɛ. O ta sɛɛh dɛɛ nyiŋi yabala baa vala dɛɛ bol Yeesu Kristo waa la. Dɛ bane ɡe dɛ nyin bá lɛɛ ba dɛ́ nyiŋ ba aa, waa ɡelɛ baa lɛɛ ba, dɛ yon doŋi ba bwa le ba bini.

3 Jɔn 1:10 ပူးပေါင်းရင်းမြစ်များ

Sɛɡla 10:10

Nomɛlbwa waa dɛ tɔ kasinteŋ ta la dɛ́ ba waa ne, kɛ nɛn waa dɔ bambile dɛɛ bol waa la, o dɛ ba deŋnesɔɔhna ne.

Sɛɡla 10:8

Wejereme dɛ́ no jae, kɛ nɛn waa dɛ bol ɡɛnewaa te waa dɛ ɛ pɛɛpɛɛ.

Aesaya 66:5

Hé no waa Korowii aa dɛ bol, he nɛra haa dɛ ɔmɔ dɛɛ no o deŋna waa la. O ŋɔ, “He wa aa dɔ kasinteŋ tɛ mɛ nomanta, he bala bane hah heya, dɛ vɛh heya. Ba dɛ muɡli he baah ŋɔ, ‘He ɡel Korowii baɡle o kpeɡri dɛ́ lɛ heya ásɛ ya na he silɛɛ.’ Kɛ ba ɡbaɡbaa dɛɛ ba sihiih dii kohona.

Amanesoma Luk Aa Chwera Tɔn 6:22

Dɛ nɛra koh Men Nɛn Bie nɔ waa dɛ hah heya, dɛ vɛh heya, dɛ chɛɡre heya, dɛ yerɛ he sɔnchɔɡe aa, he na som.

Amanesoma Jɔn Aa Chwera Tɔn 9:22

Dɛ Juu tena nomonome laanee baa ɔmɛ waa ba ŋɔ ɡɛ. Nomonome la ɛ nyoa beŋkpoŋ kɛŋɔ nomɛlbwa waa ŋɔ Yeesu ɛ Kristo la, baa doŋi naatee o bɛ ba cheremi dea jo kpa.

We-ɛɛla 1:15

Aa baa di tɔpera anɛ la, ba bala la bwa chemo. Baa tel nɛra lafa fifraanɛɛ. Asɛ Pita ir che ba baah ta dɛ ŋɔ,

2 Kɔrent 13:2

N dɛ nyin n ŋɔ he banɔ la he fa aa ɛ wechɔɡa la, ne banɔ la baa kaa la be ŋɔ, n balɔ dɛ he ta ɡelaa, maa he ɡela ba, mɛɛ tɛr he deŋnee. N fa aa ba he be nɛɛtena la, n bolɔ, n kwaarɔ dɛɛ bol.

Galaasia 6:10

Anomanta, saŋ bɛlbwa, dɛ ŋwɛnɛ lole naa, yáa cha nomɛlbwa, a laa kɛŋɔ nɛra ya ne baa dɛ di lola Yeesu Kristo nɛɛ teŋa nɔ ta nɔ.

1 Timoti 5:13

Luhaahna nɔ dɔŋa, baa wedɛɛɡa bɛlbwa dɔe dɛɛ ɛ ka ja kɛŋɔ baa dɛ ɡaaɡe dɛɛ valɛ deremi ta pɛɛpɛɛ. A ɡbo laa. Ba kpɔ nyoa dɛɛ do nɛra waa ta, dɛɛ ŋwalɛ nɛra, asɛ dɛɛ bol waa aa wola chɛɛ kɛŋɔ ba bol bwa.

2 Jɔn 1:10

Dɛ nomɛlbwa ba he be dɛ baa baɡle heyaa anɔ la aa wola Yeesu Kristo waa la ane ɛɛ yaa, he bɛ naate lɛ so he be, he bɛ o sie kwara lɛ.

2 Jɔn 1:12

N dɔ waa taeh, dɛ́ bol he be, kɛ maa chwerɛ do tɔn ta. N dɛ nyin kɛ ń ba he be ya sie ɛ anɛ, ásɛ n bol he be. Belaa ya sie ɛɛ ba lɛɛ kohona.

3 Jɔn 1:3

Yabala bane balɔ dɛ ba bol he waa n be ŋɔ he dɛ teŋɛ kasinteŋ waa la ta. Dɛ he we-ɛɛla bwa dɛ baɡle ɡɛ. Anomanta, n baah sɔɔh mɛ taeh.

3 Jɔn 1:5

N dandɛɛɡe, ɡɛ he yon lɛ asɔre tena haa wola ban jemɛ kwara, kɛ dɛ won kpɔ ba ka dawɛ he nɛɛ dɛɛ nyiŋ ba la, he dɛ teŋɛ ŋwɛnɛ la ta kɛrɛdɛ.