2 Webena 9:8 - mzwDBL

⁸ Korowii haa dɛ tomɔ laanee dɔ jam. O sie lɛ he nɛ, dɛ cheɡe o kora ta Israel tena nɛ o sɔn ta ŋɔ hɛɛ nyiŋi ba nɛ. Korowii nyina aa wola jaɡa dɔe bwa o kpɔ dɛɛ nyin o nɛra Israel tena la nomanta, o cheɡe kora ŋɔ he nyiŋi ba nɛɛ kasinteŋ ne waa aa toɡra ne.”

2 Webena 9:8 ပူးပေါင်းရင်းမြစ်များ

2 Samoɛl 23:3

Korowii Israel tena aa dɛ tomɔ bol wa, Korowii waa do kɛ Bwetal ba chwa kaa marɔ la ŋɔ n be ŋɔ, ‘Kooro bɛlbwa waa dɛ nyiŋi o nɛra nɛɛ kasinteŋ ne dɛɛ ɔmɛ Korowii la,

2 Samoɛl 8:15

Kooro Devid di kora Israel harɛ bwa, dɛ nyiŋi o nɛra waa aa toɡra ne kasinteŋ ne.

1 Koranar 10:9

Korowii haa dɛ tomɔ laanee dɔ jam. O sie lɛ he nɛ, dɛ cheɡe kora ta Israel. Korowii nyina aa wola jaɡa dɔe bwa o kpɔ dɛɛ nyin o nɛra Israel tena la nomanta, o cheɡe kora ŋɔ he nyiŋi ba nɛɛ kasinteŋ ne waa aa toɡra ne.”

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

1 Webena 17:22

He lɛ he nɛra Israel tena cheɡ saŋ bɛlbwa dɛɛ la, asɛ dɛ ɛ Korowii baa dɛ tomɛ.

1 Webena 28:5

Korowii tɛ mɛ bibaala warɛ taeh, o le Solomɔn ba bini ŋɔ ó so Israel kora waa ɛ Korowii kon ta.

1 Webena 29:10

Kooro Devid kpɛɛ Korowii nɛra la bwa sie dɛ ŋɔ, “N Naa Korowii ya naa Jekɔb aa tomɛ, henee chɛ kɛ ya kpɛɛ saŋ bɛlbwa dɛɛ la.

1 Webena 29:20

Belaa Kooro Devid ŋɔ nɛra la bwa be ŋɔ, “Hé kpɛɛ Korowii haa dɛ tomɔ.” Anomanta, ba kpɛɛ Korowii ba naawa aa tomɔ, dɛ chole kpɔ sie pi harɛ Korowii ne kooro sie.

1 Webena 29:23

Gɛɛ Kooro Solomɔn ba so kora Korowii aa cheɡo ta, o chiɡ o mɛɛ Kooro Devid naa ta. O wobɛlbwa wer tɛo, Israel tena bwa kpɔ duure tɛo.

2 Webena 13:8

Taraken he dɛ nyin kɛ he yo Korowii Kora waa kpɔa do Kooro Devid naanar nɔn ta la. He laa tena warɔ dɛ berɛ dɔ nabali Kooro Jɛroboam aa kpɔ suuɡaswɛm ɛa, a ɛ voɡa haa dɛ toma.

2 Webena 2:10

Mɛɛ bɔ he nɛra baa ba ɛ daa la toma la kemee. Mea a tɔɡre aa ɛ boyu baaɡe kaɡboŋa fifraanaarɛ, ne ane soo siwi a tɔɡre aa ɛ boyu baaɡe kaɡboŋa fifraanaarɛ, dɛ sen ɡalɔŋre kaɡboŋa lafa, dɛ ɔleve noo ɡalɔŋre kaɡboŋa lafa.”

2 Webena 2:11

Asɛ bwɛjen Taaya Kooro Hiram chwerɛ tɔn ba tɛ Kooro Solomɔn ŋɔ, “Korowii aa dɛ nyin o nɛra la waa o cheɡe ŋɔ he ɛ ba kooro.”

2 Webena 9:7

He nɛra nyu som, he nomonome baa dɛ che he jwɛɛh saŋ bɛlbwa, dɛɛ no he wejemwaa la ɡe na som.

2 Webena 9:9

O kpɔ suuɡaswɛm a tɔɡre aa ɡwaa kilore kaɡboŋa anaarɛ, ne konsɔɔhsoma aa wara pirim, dɛ bwedɛɛɡa a yoɡ aa kpeɡa tɛ Kooro Solomɔn. Seeba kooro waa ɛ haah konsɔɔhsoma waa kpɔa ka tɛ Kooro Solomɔn kan aa doa la, nomɛlbwa ta a dɔŋa ne balɛ ɡɛ bwa.

Yela 18:19

He cha mɛ dɛ le n ne wekpeɡa ta, he lɛɛ mɛ, dɛkalkɛ he sie lɛ n nɛ.

Yela 22:8

Ba ŋɔ, “He kpɔ he te dawɛ Korowii nɛ, ɛrɛɛ waa wola hen lɛɛ yɔ? Dɛ Korowii dɛ nyini naa, ɛrɛɛ waa wola hen chae yɔ?”

Yela 72:2

ásɛ dɛ bol he nɛra waa dɛɛ pa bole aŋwɛnɛ ta, dɛ́ nyiŋi he nɛra baa dɛ fiɡ ba la nɛɛ kasinteŋ ne.

Yela 99:4

Korowii ɛ kooro, dɛ dɔ kpeɡri kohona, dɛɛ nyin waa aa toɡra, o ɡelɔ kasinteŋ do Israel harɛ ta. O ba wa aa toɡra dɛ do wer ne.

Sɛɡla 21:3

We-ɛɛla aa wera dɛ toɡre, dɛ su Korowii siwi ɡwaa kɛŋɔ haa ɛ saraha tɛo.

Sɛɡla 29:4

Kooro waa dɛ di kasinteŋ la, o ɡelɔ harɛ la wobɛlbwa ɛɛ maɡre, kɛ onɔ la o sie aa dɛ lɛ kɛ baa yawɔ sen te dɛ paɡre harɛ.

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Aesaya 62:4

Baa hen ‘Bwɛɛ baa ɡelo’, kɛɛ he harɛ ‘Dimɡbia’ yerɛ kpa. Sɔnfale baa dɛ ba he yera laanee ‘Hɛpseba’ dɛɛ yerɛ he harɛ ɡe ‘Biula’ dɛkalkɛŋɔ Korowii sie lɛ he nɛ, ásɛ o do kɛŋɔ jaa tɛ he harɛ.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Mmarare 7:8

Nyina waa dɛ nyin heyaa la, ne o baɡa waa baɡɛ he naawa nyoa la waa o che o kpeɡri ta lɛ heyaa le Ijipt kooro nɔn ta ne somanjiri dii waa dɛ do heyaa a ta la ta.