2 Webena 9:16 - mzwDBL

¹⁶ O berɔ ɛ kwaa baa kpɔa dɛɛ tɔ ɡbemɡbe laa ta anjeɡre lafraatoro, suuɡaswɛm aa bɔle bɛlbwa ta tɔɡre lɔ kilore atoro. Asɛ o ɡel ba kpɔ kwaa la ka do o koodem, dejen bɛl baa dɛ yerɔ Lɛbanɔn Kɔr Bini Koodem la bini.

2 Webena 9:16 ပူးပေါင်းရင်းမြစ်များ

1 Koranar 14:26

O pa kwaa aa lɔ deene baa dɛ cheɡ laala a yoɡ aa kpeɡa a bini Korowii Dea, ne anɔ la aa lɔ koodem bwa kaa. Dɛ berɛ pa kwaa baa kpɔa dɛɛ tɔ ba te ɡbemɡbe Kooro Solomɔn aa kpɔ suuɡaswɛm ɛa la.

1 Koranar 7:2

Dea bɛl lɔ koodem bela baa yerɔ Lɛbanɔn Kɔr Bini Koodem. O jaŋne lɔ naɡale lafa fifraanue, o paɡri ɡe ɛ naɡale fifraanuanɛ dɛ anue, asɛ o jaŋne dɛ́ kaa nyundua ɡe naɡale fifraanaarɛ dɛ anue. Ba paaɡe peleme dachiɡri a teŋɛ dɔŋa nɛɛ bele anaarɛ dɛ lawɛ peleme dabaŋa aa ɛ doli kpoŋe.

2 Webena 12:9

Ijipt Kooro Sisak aa baa yo Jerusalam tena la, o pa kwaa aa lɔ deene baa dɛ cheɡ laala a yoɡ aa kpeɡa a bini Korowii Dea, ne anɔ la aa lɔ koodem bwa kaa. Dɛ berɛ pa kwaa baa kpɔa dɛɛ tɔ ba te ɡbemɡbe laa ta Kooro Solomɔn aa kpɔ suuɡaswɛm ɛa la.

2 Webena 9:15

Kooro Solomɔn loɡɛ kwaa baa kpɔa dɛɛ tɔ ɡbemɡbe laa ta anjena lafraanɛ, suuɡaswɛm aa bɔle bɛlbwa ta tɔɡre lɔ kilore anuanɛ,

2 Webena 9:17

Kooro Solomɔn berɔ ɡel ba kwaa kookara waa kana. Ba kpɔ bala nyen ɛ o pera, asɛ o kabora ɛ suuɡaswɛm tenten ba kpɔ ɛ dawɛ o ta.