2 Webena 9:10 - mzwDBL

¹⁰ Kooro Hiram nɛra ne Kooro Solomɔn nɛra kaa kpɔ suuɡaswɛm ne dadɛɛɡa ane, ne bwedɛɛɡa a bwa yoɡ aa kpeɡa le Ofir harɛ ta ba.

2 Webena 9:10 ပူးပေါင်းရင်းမြစ်များ

1 Koranar 10:11

Kooro Hiram stiimaere la Ofir harɛ ta, dɛ ka kpɔ suuɡaswɛm, dɛ kpɔ dadɛɛɡa ane, ne bwedɛɛɡa a bwa yoɡ aa kpeɡa ba.

1 Koranar 10:22

Dɛ kooro dɔ stiimaere baa kpɔa dɛɛ di bona mpo ta a ja Kooro Hiram kwaa baa kpɔa dɛɛ ɛ toma la ta. Bene atoro bɛlbwa a dɛ ba suuɡaswɛm ne suuɡapoŋa ne bala nyena, dɛ ɡbɛɛne bwa soo siwi ne.

2 Webena 2:8

N ɡbabir jemɛ ɡɛ he tom-ɛɛra aa dɔ daa teŋna wejema, anomanta, tɛ mɛ peleme daa ne dadɛɛɡa ane soo siwi aa lɔ Lɛbanɔn harɛ. N nɛra ɛɛ ba ja ba nɛɛ,

2 Webena 8:18

Kooro Hiram tomɛ o nɛra baa jemɛ mpo nee toma wa, ba kpɔ stiimaere. Ba ne Kooro Solomɔn nɛra pɛ dɛɛ ɛ toma mpo ta. Ba la Ofir harɛ ta, dɛ ka lɛ suuɡaswɛm a tɔɡre aa ɛ kilore kaɡboŋa fi dɛ anue lafraatoro, ba tɛ Kooro Solomɔn.

2 Webena 9:11

Kooro Solomɔn kpɔ dadɛɛɡa la ɛ bela waa kpɔa teeh dɛɛ kaa Korowii Dea la ta, ne koodem bela, dɛ kpɔ ane ɛ janjelare ne kwaa bwa soo siwi baa dɛ ɛ ane yela. Ba ta ɡɛ daa la dɔŋa ne Juda harɛ ta balɛ kpa bwa, hale ba le fini.

2 Webena 9:9

O kpɔ suuɡaswɛm a tɔɡre aa ɡwaa kilore kaɡboŋa anaarɛ, ne konsɔɔhsoma aa wara pirim, dɛ bwedɛɛɡa a yoɡ aa kpeɡa tɛ Kooro Solomɔn. Seeba kooro waa ɛ haah konsɔɔhsoma waa kpɔa ka tɛ Kooro Solomɔn kan aa doa la, nomɛlbwa ta a dɔŋa ne balɛ ɡɛ bwa.

Sɛɡla 31:14

O dɛ la bojaŋ dɛ ka kpɔ kondikwa dɛɛ ba kɛŋɔ, stiimae yon la bojaŋ ka kpɔ bonadiire dɛɛ ba la.