2 Webena 9:1 - mzwDBL

¹ Seeba kooro waa ɛ haah baa no Kooro Solomɔn sɔn lee waa lea kohona. Anomanta, o la Kooro Solomɔn be Jerusalam, dɛ kpɔ wobobeela a bini aa kpeɡa dɛ́ ba daahno dɛ na. Haŋkooro la kpɔ nɛra baa dɛ tomɔ dɛ warɛ ja o nɛ, ne nyoɡmare aa cheɡɛ konsɔɔhsoma ne suuɡaswɛm kohona, ne bwedɛɛɡa a yoɡ aa kpeɡa kohona, dɛ la Kooro Solomɔn be. Waa laŋa o ne o ka cheme la, o bɔɔ Kooro Solomɔn waa aa lɔ o nyu bini bwa.

2 Webena 9:1 ပူးပေါင်းရင်းမြစ်များ

Mumpar 10:28

ne Obal ne Abemɛl dɛ Seeba tena,

Mumpar 10:7

Kus naanaree, Seba ne Havila ne Sabta ne Raama dɛ Sabtɛka tena. Raama ɡe naanaree, Seeba ne Dedan tena.

Mumpar 25:3

Joksan ɡe bibaalaa Seeba ne Dedan. Dedan naanaree Assur ne Lɛtos dɛ Leum tena.

1 Koranar 4:31

Dɛ o jemɛ waa ɡwaa nomɛlbwa. O ɡwaa Etan waa ɛ Esera te ne Mahɔl bibaala Heman ne Kalkol dɛ Daada. O sɔn leɔ kohona harɛre aa bar ba la bwa ta.

2 Webena 1:1

Kooro Devid bibaa Solomɔn soɡo kiŋkiŋ o kora ta Israel harɛ ta bwa, asɛ Korowii waa dɛ tomɔ che o mun ta, dɛ ɛo nɛnjen kohona.

2 Webena 1:12

mɛɛ tɛɛ wejema ne waa mun noe. Mɛɛ berɔ tɛɛ kondɔɔh ne kondɛɛɡa dɛ jirima kohona, he dɔŋ aa wola lee do koranar bwa baa tɔ sie ba di kora, ne banɔ la baa ba di kora he habɔɔ.”

2 Webena 9:2

Kooro Solomɔn chaŋe waa waa bɔɔro bwa kɛrɛdɛ ken tɛo, wobɛlbwa toole dɛ do kpeɡri waa wola wone baɡle a bini.

2 Webena 9:9

O kpɔ suuɡaswɛm a tɔɡre aa ɡwaa kilore kaɡboŋa anaarɛ, ne konsɔɔhsoma aa wara pirim, dɛ bwedɛɛɡa a yoɡ aa kpeɡa tɛ Kooro Solomɔn. Seeba kooro waa ɛ haah konsɔɔhsoma waa kpɔa ka tɛ Kooro Solomɔn kan aa doa la, nomɛlbwa ta a dɔŋa ne balɛ ɡɛ bwa.

Yela 142:2

N kpɔ n waa bwa bil o sie, dɛ bol n wahala nae baɡlo.

Yela 49:4

Mɛɛ cheɡ deŋnee dɛɛ no wobosɛɡla, dɛ́ kpɔ janjela lɔ dɛɛ baɡle a mun.

Yela 72:10

Taases harɛ koranar, ne nɛra baa soɡe mpo nyoa bojaŋa ɛɛ kpɔ ba harɛre kwaa ba tɛo. Seeba ne Seba koranar ɡee kpɔ koŋkɛɛlaa ba tɛo.

Yela 72:15

N Naa Korowii tɛ kooro mkpajaŋ! Gel nɛra le Seeba harɛ ta dɛ́ kpɔ suuɡaswɛm ba tɛo. Gel nɛra sweero andɛɛɡa saŋ bɛlbwa, dɛ́ soŋe dɛɛ tɛo tɔpere bɛlbwa ɡe.

Yela 78:2

Mɛɛ kpɔ sɛɡlaa bol waa chaɡle heya, waa nomɛlbwa aa wola jemɛ bwa, le harɛ nɔ mumpar,

Sɛɡla 1:6

dɛ́ won dɛɛ no sɛɡla a mun noe aa kpeɡa, ne wejerema wobol ne wobobeela mun.

Aesaya 60:6

Baa ba nyoɡmare nee kohona, dɛ́ ba perɛ harɛ nɔ bwa. Midian ne Efa harɛre taa aa ba lee. Seeba tena ɛɛ ba suuɡaswɛm ne daawiile nee, dɛɛ kpɛɛ men Korowii.

Matiu 12:34

Nɛnchɔɡa kɛ harɛkwa bii! Wechɔɡa ɡbo aa su he bini nɔ, wobodɛɛɡa ɛɛ wonoo le he nyoa ta naa? Waa aa lɔ nɛn bambile ta laanee o nyoa ɛɛ bol.

Matiu 12:42

Seeba kooro waa ɛ haah la ɡba ɛɛ bol waa bɔ fini nɔ tena, dɛkalkɛ o valɔ le harɛ jaɡa, dɛ́ ba no Kooro Solomɔn wejemwa. Kɛ kasinteŋ, naate waa ɡwaa Kooro Solomɔn lɔ bonɔ, asɛ he ŋɔ haa o bee no.”

Matiu 13:11

Anee Yeesu chaŋ ba ŋɔ, “He te dɔ Korowii Kora ne a wejema a fa aa sɔah bwa dɛ jemɛ. Kɛ ba te ta dɔe.

Matiu 13:35

Gɛ waa ɛa nɔ ɡelɔ waa Korowii keame la fa aa bola la ɛ kpela. O fa ŋɔ, “Mɛɛ kpɔ sɛɡlaa bol wa chaɡle heya. Waa nomɛlbwa aa wola jemɛ bwa le harɛ nɔ mumpar la, mɛɛ bol ba bee.”

Matiu 2:11

Ba jo dem bela, dɛ ka na bie la ne o nya Mɛɛre. Ba kaa ɡuŋi bie la, dɛ duuru dɛ pur ba bone, dɛ kpɔ suuɡaswɛm ne daawiile ane a sɔɔh aa soma baa yera fraŋkensɛns ne korobo tɛ bie la.

Amanesoma Luk Aa Chwera Tɔn 11:31

Awola nɛra bwa aa ir seo ta dɛ ba che Korowii sie ásɛ o bol ba waa dɛ́ pa bole la, Seeba kooro waa ɛ haah la ɛɛ bol waa bɔ fini nɔ tena, dɛkalkɛŋɔ o valɔ le harɛ jaɡa dɛ́ ba no Kooro Solomɔn wejemwa. Kɛ kasinteŋ, naate waa ɡwaa Kooro Solomɔn lɔ bonɔ, asɛ he ŋɔ haa o bee no.

1 Samoɛl 1:15

Belaa o chaŋe ŋɔ, “Nomoa, n ta dɛɛrɛ, maa sen nyɔ, n bambilee chɔɡa mɛɛ soŋe Korowii saŋ bɛlbwa, dɛ kpɔ n waa dɛɛ bil o sie.