2 Webena 8:5 - mzwDBL

⁵ O berɔ kwaa vɔrɔwe bwɛjena Bɛt Hɔrɔn waa chɔ nyunduabɔr, ne Bɛt Hɔrɔn waa chɔ harɛbɔr. O ma danjwɛɛre bara, dɛ do ɡbeni a nyoo, dɛɛ kaɡra bune ne,

2 Webena 8:5 ပူးပေါင်းရင်းမြစ်များ

1 Koranar 9:17

Kooro Solomɔn kwaarɔ vɔrɔwe Gɛsa, dɛ kwaa vɔrɔwe Bɛt Hɔrɔn harɛbɔr pera,

1 Webena 7:24

Efrem dɔ bihaah baa yerɔ Seera. Seera vɔrɔwe Bɛt Hɔrɔn waa chɔ nyunduabɔr, ne Bɛt Hɔrɔn waa chɔ harɛbɔr dɛ Usen Seera.

2 Webena 14:7

Kooro Asa ŋɔ Juda tena be ŋɔ, “Hé ɡel ya ma danjwɛkpeɡa bar bwɛjena nɔ, dɛ́ ma dejaŋa dɛ́ do bune a nyoo, dɛɛ kaɡra bune ne. Harɛ la ɛ ya kon. Yaa ɛ waa Korowii yaa dɛ tomɔ la aa dɛ nyin la waa o ɡel ya dɔ deŋnesɔɔhna la.” Anomanta, ba ɛ ɡɛ asɛ a do wer tɛɛ ba.

2 Webena 8:4

dɛ ka vɔrɔwe bwɛjen Tadmɔ waa lɔ pua hɛŋle ɡbo harɛ ta, dɛ bwɛjena aa lɔ Hamat harɛ waa dɛ cheɡ laala a bini bwa.

2 Webena 8:6

ne bwɛjen Baalat ne bwɛjena waa dɛ cheɡ laala a ta bwa, dɛ bwɛjena o jaɡre ne kwaa aa do kɛ torɔɡore ba vɔwɛ dɛɛ pɛl jaɡre aa lole. O berɔ ɡel ba ma komɛlbwa waa dɛ nyin Jerusalam, ne Lɛbanɔn dɛ harɛ waa dɛ di kora o ta bwa.

Josua 16:3

dɛ berɛ wili kpɔ wee cholibɔr Jaflɛt tena harɛ ta, dɛ kaa Bɛt Hɔrɔn harɛbɔr, dɛ kaa ka jaɡɛ Mɛdetereenea Mpo nyoa Gɛsa.

Josua 16:5

Harɛ Efrem dea tena aa dɔa lolanar ta laanee nɔ. Ba harɛ baa dɔa o ɛ ba kapɛrɛ kon la jwɛh le bwɛjen Atarɔt Adaa wee leebɔr dɛ kaa Bɛt Hɔrɔn harɛ nyunduabɔr,