2 Webena 8:14 - mzwDBL

¹⁴ O teŋɛ waa o mɛɛ Kooro Devid aa ɛa la ta. O bɔne toma aa lɔ Korowii Dea bela tɛ sɔfore la ne Lewi dea tena la, asɛ Lewi dea tena la ɛɛ cha sɔfore la baa ɡo yela, dɛɛ ɛ ba toma ɡe. O le nɛra baa dɛ daah doonyoo la, dɛ bɔne ba bini baa nyiŋi doonyoo la ta, dɛkalkɛ dɛ ɡɛɛ Korowii nɛn Kooro Devid do ba.

2 Webena 8:14 ပူးပေါင်းရင်းမြစ်များ

2 Samoɛl 23:2

“Korowii Doma baa so n nɛ, dɛ kpɔ o waa do n nyoa.

1 Koranar 13:1

Awola bɛl, Korowii ɡelɔ o keame bɛl le Juda harɛ dɛ kaa Bɛtel. Dɛ Kooro Jɛroboam lɔ kon baa ɛ saraha o ta la bɔr dɛɛ ba saraha ɛɛ.

1 Webena 16:37

Kooro Devid ɡelɔ Asaf ne nɛra baa ja o nɛɛ do Korowii Ne Nɛwɛnyina Fɔo Daka la sie bela, baa ɛ toma ɡɛ aa chɛa tɔpere bɛlbwa.

1 Webena 16:42

Heman ne Jedutun chɔ bɛle hoeh ne kwaa anɛ ane baa kpɔ ayaawa ɛa dɛɛ hɛlɛ, dɛ anɔ la aa jaa ba kpɔ ɡo yela dɛɛ kpɛɛ Korowii la nyoa. Jedutun bibaala la te, doonyoa belaa ba ɡel ba so dɛɛ daah bela.

1 Webena 23:1

Kooro Devid aa baa hwɛɛh kohona la, o kpɔ o bibaa Solomɔn cheɡ Israel kora ta.

1 Webena 24:1

Kenii Arɔn bibaala ne o naanar waa do. O bibaalaa, Nadab ne Abihu ne Eliasa dɛ Itama.

1 Webena 24:3

Eliasa naa Sadɔk ne Itama ɡe naa Ahemɛlɛk cha Kooro Devid, asɛ o bɔne Arɔn naanar la bini kuore ta, dɛ kpɔ bɛlbwa toma do o nɔn ta.

1 Webena 25:1

Kooro Devid ne o laa nomonome le Asaf bibaala Heman ne Jedutun baa bol Korowii wa, dɛɛ lɔ janjela ne kwaa anɛ ane baa kpɔ ayaawa ɛa dɛɛ hɛlɛ dɛɛ ɡo yela. Nɛra baa jaa dɛɛ ɛ a ɡɛ toma nɔ laanee teŋa nɔ.

1 Webena 26:1

Kenii ba bɔne nɛra baa dɛɛ daah Korowii Dea doonyoa la bini. Kora dea bini la, Kore bibaa Mɛselemea, o ɛ Asaf naa.

1 Webena 28:19

Kooro Devid ŋɔ, “Anɔ bwa, Korowiirii tɛ mɛ ɡɛ o Dea la mar aa doa wejema, n won no a mun, dɛ chwera bil.”

1 Webena 9:17

Nɛra ba ɡe aa dɛ daah Korowii Dea doonyoa laanee, Salum ne Akub, ne Talmɔn ne Ahiman dɛ ba dɔɔranar ne nimanar. Asɛ Salum ɛ ba bwa nyu te

1 Webena 9:24

Dɛ nɛra baa dɛ daah doonyoo la lɔ baŋne anaarɛ la bwa ta. O wee leebɔr ne wee cholibɔr, ne weekaŋle nyunduabɔr dɛ weekaŋle harɛbɔr. Asɛ bɛlbwa dɔ ba nomoa.

2 Webena 23:19

Sɔfo Jehoiada kpɔ nɛra ba che, baa daah Korowii Dea doonyoo la, ɡɛ aa ɛ ásɛ nomɛlbwa waa kah doŋa la bɛ Dea la bini jo.

2 Webena 23:4

Gɛ maa dɛ nyin kɛ he sɔfore ne Lewi dea tena ɛ laanee kɛŋɔ, he balɔ dɛɛ ba ba daah Korowii Dea Ona Tɔpere aa, he bini bele batoro ba daah doonyoone la,

2 Webena 29:25

Kooro Hɛsɛkea ɡelɔ Lewi dea tena la do Korowii Dea bela, dɛ kpoŋe kwaa bwa soo siwi baa kpɔa dɛɛ hɛlɛ, ɡɛ Kooro Devid ne Gad waa dɛ na chaahna, dɛ Korowii keame Netan aa baɡla la. Korowiirii cheɡɛ o keamere nɛɛ dɛ do ba.

2 Webena 31:2

Kooro Hɛsɛkea bɔne sɔfore ne Lewi dea tena la bini, ɡɛ aa chɛ kɛŋɔ bɛlbwa ɛɛ ɛ o toma. Asɛ ba fuh kwaa dɛɛ ɛ sarahare ne deŋnesɔɔhna sarahare, dɛɛ tomɛ Korowii dɛ ɡo yela dɛɛ kpɛɛro o Dea doonyoo la ta.

2 Webena 35:10

Baa ɛ wobɛlbwa tonɛ, dɛ pa Galekaa Tɔpejen la dii mun la, sɔfore ne Lewi dea tena la kaa che ba chebɔra ɡɛ Kooro Josia aa ŋɔa la.

2 Webena 35:15

Asaf naanar bane baa ɛ yelɡoola, yon ka che ba chebɔra, ɡɛ Kooro Devid ne Asaf ne Heman, dɛ kooro keame Jedutun aa do ba la. Nɛra baa dɛ daah doonyoo la ta chɛ kɛ bɛlbwa le kɛrɛ, dɛkalkɛ ba bala Lewi dea tena la daa Galekaa Tɔpejen kondikwaa la ane baa tɛɛ ba.

2 Webena 35:4

Hé ka che he chebɔra Korowii Dea la bini denaa ta, ɡɛ Israel Kooro Devid ne o bibaa Kooro Solomɔn aa bɔne tomare tɛ heya, Korowii Dea bela la.

2 Webena 5:11

Ate, sɔfore la le Boɡoroŋ bela. Sɔfore baa lɔ bela la sɔ ba doŋa bɛlbwa ta Korowii be pera, peɡra toole o dɔŋ ne o dɔŋ baah.

2 Webena 8:15

Ba ta waa kooro aa do ba a ta ŋɔ, ba ne sɔfore la ne Lewi dea tena ta leɛ, hale deene baa dɛ cheɡ laala a yoɡ aa kpeɡa a bini waa bwa.

Ɛsra 6:18

Ba bɔne sɔfore ne Lewi dea tena la bini ɡɛ bɛlbwa toma aa doa Korowii Dea waa lɔ Jerusalam la bini, ɡɛ baa chwera do Mosis Tɔn bini la.

Nehemia 12:24

Dɛ Lewi dea tena nomonome laanee, Hasabia ne Sɛrebea dɛ Kadmiel bibaa Jesua, dɛ ba bala baa ja ba nɛ. Ba bɔne ba bini kuore anɛ, beŋkpoŋ dɛ ɡo yela asɛ beŋkpoŋ ɡe ɛɛ sɛh ba nyoa. Ba bwa pɛo dɛ ɡo yela dɛɛ kpɛɛ dɛɛ jam Korowii, ɡɛ Korowii nɛn Kooro Devid aa baɡla la.

Nehemia 12:25

Dɛ Matania ne Bakbukia ne Obadia, ne Mɛsolam ne Talmɔn dɛ Akub, dɛ daah dejeɡre baa dɛ cheɡ laala a bini a bɛne Korowii Dea doonyoo la.

Nehemia 12:36

O bala ba ɡe aa ɛ Asaf naanar la bane teŋɛ o nɛ. Banee, Sɛmaya ne Aasarɛl ne Milalai, ne Gilalai ne Maai ne Nɛtanɛl, ne Juda dɛ Hanani. Dɛ ba bwa kpoŋe Korowii nɛn Kooro Devid kwaa waa kpɔa dɛɛ lɔ yela la dɔŋa. Asɛ sɔfo Ɛsra waa ɛ tɔnjereme tɔ ba sie.

Amanesoma Luk Aa Chwera Tɔn 1:5

Gɛ saŋ Hɛrɔd aa ɛ kooro Juda harɛ la, dɛ Sɔfo bɛl lole baa yerɔ Sekaria, asɛ o ɛ Abija be pera sɔfore la bɛl. Dɛ o haah sɔne Ɛlesabɛt. Dɛ sɔfore deene la bɛl biee o ɡe.

Amanesoma Luk Aa Chwera Tɔn 1:8

Awola bɛl, Abia be pera sɔfore toma telo, asɛ Sekaria do Korowii Dea dɛɛ ɛ o Sɔfo toma.

We-ɛɛla 13:22

Korowii leo kora la ta, dɛ kpɔ Devid so. Korowii bol Devid waa ŋɔ, ‘Jese bie Devid waa too n tea, dɛkalkɛ onee n na kɛŋɔ wɛɛ ɛ n tetoowaa bwa maa dɛ nyin kɛ o ɛ.’

We-ɛɛla 13:36

Gɛ saŋ Devid aa lole la, o ɛ Korowii tetoowaa kɛrɛdɛ mɔɔ dɛ sewɛ, asɛ ba huɡo o naawa chɔɔbɔr, o bwadabii pɔh.

Mmarare 33:1

Gɛ Mosis waa ɛ Korowii nɛn aa swee andɛɛɡa tɛ Israel tena mɔɔ dɛ sewɛ laanee nɔ.