2 Webena 7:5 - mzwDBL

⁵ Kooro Solomɔn kpɔ nae kaɡboŋa fifraanɛ dɛ anɛ, ne peera dɛ boohna kaɡboŋa lafa fifraanɛ ɛ deŋnesɔɔhna sarahare tɛ Korowii. Gɛɛ Kooro Solomɔn ne Israel tena bwa ɛ, dɛ kpɔ Dea la do Korowii nɔn ta.

2 Webena 7:5 ပူးပေါင်းရင်းမြစ်များ

1 Webena 29:21

Tɔ aa pera la, ba fuh kwaa ɛ saraha tɛ Korowii saraha kon la ta. Nabala kaɡboŋ ne pebala kaɡboŋ ne pebali kaɡboŋ, dɛ kpɔ sen saraha, dɛ sarahare aa wara ja a ta tɛ Israel tena bwa.

2 Webena 1:6

Kooro Solomɔn laŋɔ ka kpo nae ne peera baa wola won kura saraha kon la ta Korowii Dea Cheremibɔr la sie, dɛ fuah tɛ Korowii.

2 Webena 15:11

Awola tɔpere la, ba kpoo kwaa baa kpɔa le laa ta la ane ɛ sarahare tɛ Korowii. Nae lɔ lafraanuanɛ, asɛ peera ne boohna ɡe kaɡboŋa anuanɛ.

2 Webena 2:4

N dɛ ba Dea doe tɛ Korowii maa dɛ tomɔ, ásɛ baa tomɔ o bini. Wɛɛ do ɡoroŋee, ásɛ n ne n nɛra fuh daawiile a sɔɔh aa soma dɛɛ tomɔ bela, dɛ́ kpɔ paanoo baa lea cheɡ tɛ Korowii o do ɡoroŋ dɛɛ ba o sie tɔpere bɛlbwa, dɛɛ fuh saraha kwaa chɔɔ ne jɔmɔra, ne Ona Tɔpera ne Korobifala Tɔpejena, dɛ tɔpejena ane Korowii yaa dɛ tomɔ aa lea cheɡ. Gɛ waa nɔ chɔ le tɛ Israel tena saŋ bɛlbwa dɛɛ la.

2 Webena 30:24

Juda Kooro Hɛsɛkea tɛ nɛra baa cheme bela nabala kaɡboŋ, dɛ boohna ne peera kaɡboŋa anuanɛ, asɛ o nomonome la ɡe tɛɛ ba nabala kaɡboŋ, dɛ boohna ne peera kaɡboŋa fi. Asɛ sɔfore baa wara laa doŋa bɛlbwa kpɔ ba nɛ, ba do ɡoroŋ.

2 Webena 5:6

asɛ Kooro Solomɔn ne Israel tena baa chema la bwa che Korowii Ne Nɛwɛnyina Fɔo Daka la sie, dɛɛ kpoo peera ne nae baa wola won kura ɛ saraha tɛ Korowii.

2 Webena 7:4

Belaa Kooro Solomɔn ne Israel tena baa ja o nɛɛ la bwa kpɔ kwaa ɛ sarahare Korowii sie bela.

2 Webena 7:6

Baa taa kpɔ Dea la dɛɛ do Korowii nɔn ta la, sɔfore kaa che ba chebɔr, Lewi dea tena ka che ba chebɔr, dɛ kpɔ kwaa baa kpɔa dɛɛ hɛlɛ Kooro Devid aa kpɔa tɛ la, dɛ ɡo kpɛɛra yela dɛɛ kpɛɛ Korowii ŋɔ, “O nyina waa dɛ nyin yaa lole saŋ bɛlbwa dɛɛ la.” Gɛ Kooro Devid aa do ba la. Sɔfore la sie chaɡɛ Lewi dea tena dɛɛ hoh bɛle, asɛ nɛra la kabora ɡe che.

Ɛsekeɛl 45:17

A ɛ kooro la toma kɛŋɔ ó kpɔ saraha kwaa baa fuah, ne mea sarahare, dɛ sen sarahare tɛ tɔpejena ne Korobifala dɛ Ona Tɔpera dii ta. Wɛɛ kpɔ wechɔɡa kpɔe dɛ kɛ sarahare, ne mea sarahare, ne sarahare baa dɛ fuah, dɛ deŋnesɔɔhna saraharee ba soŋe Israel tena wechɔɡa n be, ń kpɔ kɛ ba.

Maeka 6:7

Ń kpɔ pebala kaɡboŋa ne ɔleve noo aa wara dɛɛ palɛ kɛŋɔ moo ba tɛ Korowii aa? O sie ɛɛ lɛ n nɛɛ yaa? Kɛɛ ń lawɛ n biloɡle, ba bɔ n wechɔɡa maa ɛa kem ɔ?

Nɛra Kura 7:10

Baa fuɡe noo do kon baa dɛ ɛ saraha o ta o do ɡoroŋ tonɛ la, nomonome la kpɔ ba sarahare ba saraha kon la sie, dɛ kpɔ saraha kwaa la do men Korowii nɔn ta o ɛ n kon.

Amanesoma Jɔn Aa Chwera Tɔn 10:22

Dɛ alalawo saŋee, asɛ baa di tɔpejen bɛl ba kpɔ Korowii Dea dɛɛ do o nɔn ta Jerusalam.