5 ‘Le awola tɔpere maa kpɔ n nɛra Israel tena le Ijipt harɛ ta la, n ta ŋɔe bá do Dea n sɔn ta Israel harɛ bwɛjen bɛlbwa ta dɛɛ tom mɛ bela. N ta nomɛlbwa ɡe leɛ ŋɔ wɛɛ nyiŋi n nɛra Israel tena nɛ.
‘Le awola tɔpere maa kpɔ n nɛra Israel tena le Ijipt harɛ ta la, n ta ŋɔe bá do Dea n sɔn ta Israel harɛ bwɛjen bɛlbwa ta dɛɛ tom mɛ bela. Kɛ n le hen Kooro Devid ŋɔ hɛɛ nyiŋi n nɛra Israel tena nɛ.’ ”
Kooro Rɛhoboam di bene fifraanaarɛ dɛ beŋkpoŋ mɔɔ dɛ di kora. O kora cheɡɔ kiŋkiŋ, o so Jerusalam Korowii aa lea cheɡ Israel harɛre bwa bini ŋɔ, baa tomɔ bela la, dɛ di kora bene fi dɛ anuanɛ. O nya sɔne Naama, Amɔn tee.
He bɛ lwɛmkpeɡ ɛ kɛ ban, dɛ́ kpɔ he te do Korowii haa dɛ tomɔ la lɔɡa. Hé ba o Dea waa ɡela o do ɡoroŋ saŋ bɛlbwa la bini Jerusalam, dɛɛ tomɔ ásɛ o bandia le he nɛ.
Kooro Manasɛ sɛh voɡ dɛ kpɔ ka cheɡ Korowii Dea, bela Korowii aa ŋɔ Kooro Devid ne o bibaa Kooro Solomɔn be ŋɔ, “Dea nɔ ne Jerusalamee n le cheɡ, dɛ le Israel deene bwa bini kɛŋɔ baa tom mɛ o bini saŋ bɛlbwa dɛɛ la la.
Berɛ kpɔ suuɡapoŋa ne suuɡaswɛm haa dɔa le Babelɔn harɛ ta, ne deŋnesɔɔhna sarahare Israel tena ne ba sɔfore aa kpɔa tɛ Korowii Israel tena aa dɛ tomɔ Dea waa lɔ Jerusalam la bwa.
Hé kpɔ teera ma saraha kon haa lawɛ peera ne boohna ne nae dɛ́ fuah dɛɛ tɛ mɛ o ta, ásɛ dɛ berɛ ɛ deŋnesɔɔhna saraha ɡe tɛ mɛ o ta. Bela maa le tɛ heyaa ŋɔ hɛɛ tom mɛ la, mɛɛ ba he be belaa dɛ́ ba swee heyaa andɛɛɡa.
N Naa Korowii no. N Naa Korowii kpɔ kɛ yaa. N Naa Korowii, cheɡ deŋne dɛ́ ɛ waane. Bɛ ɡel a biɡri, ɡɛ aa ɛ nomɛlbwa jemɛ kɛŋɔ he cheɡɛ he nɛra ne bwɛjen nɔ nɛɛ dɛ lɛ sɔn tɛ he te.”
Korowii nyundua torome la ŋɔ Bɔnsam be ŋɔ, “Bɔnsam, Korowiirii dɛ́ pae bolchɔɡe! Korowii waa le Jerusalam tɛ o te la, onee dɛ́ pae bolchɔɡe! Baa nɔ do kɛŋɔ nindaa baa keero le nii ta.”
Korowii haa dɛ tomɔ nɔ ɛɛ baɡle heyaa bobeŋkpoŋ bela he bwa aa ka cheme dɛɛ tomɔ. Belaa chɛ kɛŋɔ hé kpɔ saraha kwaa haa fuh dɛ́ kpɔ dɛɛ jaamo, ne kwaa haa kpoa dɛɛ tɛo, ne he komɛlbwa haa dɔa bɔre fi bini bɔrbeŋkpoŋ, ne he koŋkɛɛla kpɔe tɛo, ne he nyobaɡa kwaa ɡɛ maa ŋɔ he be saŋ bɛlbwa dɛɛ la.
Samoɛl ŋɔ nɛra la bwa be ŋɔ, “Kɛ he bwa na nɛn Korowii aa leo kenɛ? Ya bini bɛlbwa toole dɛ do kɛ on.” Anee nɛra la bwa moo ŋɔ, “Kórowii tɛ kooro mkpajaŋ!”