2 Webena 6:41 - mzwDBL

⁴¹ N Naa Korowii, ir ba he Dea He Ne Nɛwɛnyina Fɔo Daka waa cheɡa tɛ he kpeɡri la ta, dɛ́ ba so bonɔ saŋ bɛlbwa dɛɛ la. Gel he sɔfore teŋɛ dɛɛ ɛ waa aa toɡra, ásɛ he nɛra ba wa aa toɡra bwa ɡe ɡo silɛɛ yela, he wedɛɛɡa haa ɛɛ ba la wa.

2 Webena 6:41 ပူးပေါင်းရင်းမြစ်များ

1 Webena 28:2

Ate, Kooro Devid ir che dɛ ŋɔ, “Hé no n be, bwɛɛla. N liiro ŋɔ a chɛ kɛ ń do dea dɛ́ kpɔ Korowii Ne Nɛwɛnyina Fɔo Daka la ba cheɡ o bini, ó ɛ Korowii natiɡribɔr. Asɛ dɛ baɡle ɡɛ baa mao.

Nehemia 9:25

He nɛra yoo dɛ pɔ bwɛjena baa ma danjwɛkpeɡa bara nɛ, ne harɛpare ondɛɛɡe, ne deremi kondɛɛɡa bwa soo siwi aa lɔ a ta, ne bɔɔne baa kwia a won nee lɛɛ, ne ɡrepo daa kooni ne ɔleve daa kooni, dɛ daa baa dɛ di a nɔna bwa soo siwi aa wara. Ba diu vaɡre dɛ je, ba sie lɛ kondɛɛɡa kohona haa tɛɛ ba la wa.

Yela 110:2

Korowii ɛɛ tɛɛ kpeɡrii Saayɔn, ásɛ he di kora he dɔma baa bare cheme nɛ.

Yela 132:16

Mɛɛ swee Saayɔn sɔfore andɛɛɡaa wobɛlbwa baa dɛ ɛ ta, ásɛ o nɛra ba wa aa toɡra ɛɛ ɡo silɛɛ yela saŋ bɛlbwa.

Yela 65:11

He wer haa doa nomanta, he ɡelɔ kondikwaa ba kohona, dɛ bu harɛ ta bobɛlbwa.

Yela 65:4

Nɛra haa lee ba ŋɔ bá ba so he Dea bela la, ba na som. Ya sie ɛɛ lɛ kondɛɛɡa haa swee yaa a do he Dea waa do ɡoroŋ la taa.

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Aesaya 61:6

Baa yerɛ heyaa Korowii sɔforee, ne Korowii haa dɛ tomɔ la bonɔɔna. Harɛre nɛra kondɔɔh ɛɛ ɛ he kwaa, ásɛ he koh a waa dɛɛ ɛ mbarafo.

Aesaya 66:1

Korowii ŋɔ, “Nyunduaa n kara, asɛ harɛ ɡee n natiɡribɔr. Debesoo siwii hɛɛ ba wona ma ń jo o ta nɔ? Debesoo taa ń won jo dɛ́ chɔ onɔɔ?

Sekaria 9:17

Na ɡɛ harɛ la aa dɛ ba wer doe dɛ́ dɔ pɛla! Kondikwaa ne sen aa lɔ harɛ la ta la ɛɛ ɡeloo bonɔɔna ne toli kpeɡ, dɛ́ dɔ bokpeɡa.

Tɔn Pɔɔl Aa Chwerɛ Rom Tena 1:16

Sihiih aa men kpo Yeesu Amanesoma nɔ bola ta. A taa Korowii che dɛɛ baɡle o kpeɡri, dɛɛ lɛ nɛra bwa baa yarada o waa la. Juu tenaa ó tɔ sie lɛ, nɛra baa wola Juu tena ɛɛ ɡe jao.

Tɔn Pɔɔl Aa Chwerɛ Rom Tena 13:14

Hé kpɔ ya Dɔɔ Yeesu Kristo waa ɛ dɔmkwa, dɛ́ laa sie kpɔ he nɛwɛnyini mar wechɔɡa aa suu nɔ tetoowaa ta.

Galaasia 3:27

He banɔ la ba fa aa sɔ heyaa Korowii nee asɛ he ne Yeesu Kristo ɛ beŋkpoŋ la, Yeesu Kristo daa he kpɔ ɡɛ la.

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

Felepae 4:4

Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ.

Josua 3:13

Sɔfore baa cheɡɛ Korowii waa dɔ harɛ nɔ bwa Daka la jo moo la ta naa, Korowii ɛɛ ɡeloo ó ɡel pala dɛ́ teŋe.”

Wepila 19:14

Nyundua dɔm baa dɛ la laa do yapondɛɛɡa aa wera, dɛ so jaaɡɔpoŋa ta dɛ teŋɛ o nɛ.

Wepila 19:8

Ba kpɔ yapondɛɛɡe kpelkpel tɛo ó tɔ.”