2 Webena 6:40 - mzwDBL

⁴⁰ Name, Korowii maa dɛ tomɛ, ir nyu ne, dɛ́ no ya wesoŋa yaa kpɔa dɛɛ bil he sie Dea nɔ bini.

2 Webena 6:40 ပူးပေါင်းရင်းမြစ်များ

1 Koranar 8:52

N Naa Korowii, no he bonɔɔna yaa ɛ he nɛra Israel tena wesoŋa. Dɛɛ no ya wesoŋa saŋ bɛlbwa yaa wi dɛɛ noe.

1 Koranar 9:3

Korowii ŋɔ o be ŋɔ, “N no he wesoŋa ne waa haa kpɔa bil n sie la. N le Dea haa doa tɛ mɛ cheɡ dɛ ɡel o do ɡoroŋ tɛ mɛ ŋɔ baa tom mɛ o ta saŋ bɛlbwa dɛɛ la. Mɛɛ ɡeloo n sie ne n bambile do bela mɛɛ daahno saŋ bɛlbwa.

2 Koranar 19:16

Ir nyu ne, dɛ́ no n wesoŋa nɔ, no waa Koojen Senakerib aa ba a ne, dɛ baa chɛɡre hen Korowii haa lole saŋ bɛlbwa nɔ.

2 Webena 16:9

Korowii sie lɔ harɛ nɔ ta bwa, wɛɛ nyiŋi nɛra ba wa aa dɔ kasinteŋ tɛo, dɛ tɛɛ ba kpeɡri. He ɛ ɡɛnewa, le fini dɛɛ kaa, laa ɡboo hɛɛ ba dɛɛ yoi.

2 Webena 6:20

Dɛɛ daah Dea nɔ chɔɔ ne jwaana, bonɔɔ he le cheɡ ŋɔ baa tomɛ. Dɛ n kpɔ sie chaɡɛ Dea nɔ ta dɛɛ soŋe naa, no n be.

2 Webena 6:39

noa nyundua bela haa soɡa la, ásɛ dɛ na ba sum. Kpɔ he nɛra wechɔɡa baa ɛa bwa kɛ ba.

2 Webena 7:15

Mɛɛ cheɡ deŋnee dɛɛ no wesoŋa baa dɛ ba a ne Dea nɔ bini,

Nehemia 1:11

Cheɡ deŋne no n wesoŋa ne he bonɔɔna baa dɛ nyin ba kpɔ duure tɛɛ la wesoŋa. Gel a chiɡ mɛ kɛrɛdɛ fini, dɛ́ ɡel koojen na n sum.” Gɛ saŋ dɛ menee dɛɛ do Koojen Atasɛksɛs sen.

Nehemia 1:6

Cheɡ deŋne dɛ́ no men maa ɛ he bonɔɔ wesoŋa maa kpɔa dɛɛ bil he sie chɔɔ ne jwaana, he bonɔɔna baa ɛ Israel tena nɔ wa. N dɛ bol n wechɔɡa ne ya Israel tena bwa kwa, dɛ anɔ la n naawa aa ɛa dɛ jo he nɛɛ bwa.

Yela 116:2

N wio noo waa, o cheɡ deŋne dɛɛ no n be saŋ bɛlbwa.

Yela 13:3

N Naa Korowii maa dɛ tomɛ, no n be dɛ́ cha mɛ, ɡel n do kpeɡri ja, bɛ ɡel ń sewɛ,

Yela 130:2

No n wii maa wia dɛɛ yerɛ. Cheɡ deŋne no n be, dɛ́ ba cha mɛ.

Yela 17:1

N Naa Korowii, no nɛn n wa aa toɡra nɔ wesoŋa, no n wii maa dɛ wi nɔ. Ken deŋne dɛ́ no n wesoŋa, nyosone laa mɛɛ teŋe.

Yela 31:2

Cheɡ deŋne, dɛ́ no n be, dɛ́ ba lɛɛ mɛ warane. Do kɛŋɔ Bwetal, ń chwa ba marɛ, ɛ danjwɛkpeɡ dɛ́ lɛɛ mɛ.

Yela 34:15

Nɛra ba wa aa toɡra dɛɛ su Korowii siwi la, Korowii dɛ nyiŋ ba, dɛɛ no ba wesoŋa.

Yela 7:3

N Naa Korowii, dɛ n ɛ nomɛlbwa wechɔɡa, dɛ di a bolchɔɡe,

Yela 88:1

N Naa Korowii, henee ɛ n Lɛɛ, chɔɔ ne jwaana bwaa n kpɔ n wii dɛɛ bil he sie.

Aesaya 37:17

Ir nyu ne, dɛ́ no n wesoŋa nɔ, no waa Koojen Senakerib aa ba a ne, dɛ baa chɛɡre hen Korowii haa lole saŋ bɛlbwa nɔ.