2 Webena 6:16 - mzwDBL

¹⁶ Name, N Naa Korowii Israel tena aa dɛ tomɛ, teŋɛ he nyoa haa baɡɛ n mɛɛ Kooro Devid waa ɛ he bonɔɔ la ta, ɡɛ haa ŋɔa ŋɔ, dɛ o bii do sie dɛɛ teŋɛ he waa ta, ɡɛ he Mmarare aa dɛ baɡle la aa, o naanar bini bɛlee dɛ́ so Israel tena kora ta he sie.

2 Webena 6:16 ပူးပေါင်းရင်းမြစ်များ

1 Koranar 2:4

Dɛ he ɛ ɡɛ naa, Korowii ɛɛ teŋɛ nyoa waa baɡ mɛ kɛŋɔ waa ŋɔa ŋɔ, ‘Dɛ he naanar soɡo kɛrɛdɛ ɡɛ aa wera dɛɛ teŋɛ n nɛɛ ba bambile ne ba liire bwa ne naa, banee dɛɛ ba baa di Israel harɛ ta kora la.’ ”

1 Koranar 6:12

“Dea haa dɛ ma nɔ, dɛ he no n deŋna waa dɛ teŋɛ n waa bwa ta naa, mɛɛ che he nɛɛ dɛ́ ɡel nyoa maa baɡɛ he mɛɛ Kooro Devid la maɡre.

2 Webena 13:5

Haa jemɛ kɛŋɔ Korowii Israel tena aa dɛ tomɔ la cheɡɛ fɔo waa chɔ le waa wola chɔɡ ta dɛ kpɔ Israel kora tɛ Kooro Devid ne o naanar saŋ bɛlbwa dɛɛ la kɛɛ?

2 Webena 21:7

Dɛ Korowii aa nyin kɛŋɔ o chɔɡ Kooro Devid dem kora, dɛkalkɛ o ne Devid fɔwɛ fɔo o baɡɔ nyoa ŋɔ o naanar ɛɛ di kora saŋ bɛlbwaa dɛɛ la.

2 Webena 23:3

Asɛ nɛra la bwa ne kooro bibaa Joas ba cheme Korowii Dea dɛ fɔwɛ fɔo. Anee sɔfo Jehoiada ŋɔ ba be ŋɔ, “Kooro Ahasia bibaa Joas ɛɛ di koraa, ɡɛ Korowii aa baɡɛ Kooro Devid naanar nyoa la.

2 Webena 6:17

N Naa Korowii Israel tena aa dɛ tomɛ, ɡel wobɛlbwa haa baɡɛ n mɛɛ Kooro Devid waa ɛ he bonɔɔ nyoa la ɛ kpela.

2 Webena 7:17

Dɛ hen Solomɔn tom mɛ kɛrɛdɛ, dɛ teŋɛ me Mmarare ne waa maa doe a ta, ɡɛ he mɛɛ Devid aa ɛa la aa,

2 Webena 7:18

amɔ te mɛɛ ɡeloo kora haa dɛ di Israel tena nɛɛ la che kiŋkiŋ saŋ bɛlbwa, ɡɛ maa baɡɛ he mɛɛ Devid nyoa ŋɔ, ‘He naanaree dɛɛ ba Israel tena nɛɛ nyiŋa saŋ bɛlbwa,’ la.

Yela 119:1

Nɛra ba we-ɛɛla aa toɡra, baa teŋɛ Korowii Mmarare ta la, ba na som.

Yela 119:9

Ɛrɛɛ bonɔɔ we-ɛɛla ɛɛ ba wona do wer he be nɔ? Nemenɛ wɛɛ teŋɛ he Mmarare ta.

Yela 132:11

He baɡɛ Kooro Devid nyoa, haa wola nyoa charɛ, dɛ ŋɔ, “Mɛɛ ɡeloo he naanar bini bɛl ba di he kara.

Yela 132:12

Dɛ he bibaala baa ba chiɡ he naa ta la ɛɛ teŋɛ fɔo n ne haa fɔwa, ne me Mmarare maa kpɔa dɛɛ tɛɛ ba taa yaa, ba ɡe bii ɛɛ di he kara nɔɔ saŋ bɛlbwa dɛɛ la.”

Yela 26:3

He nyina aa wola jaɡa dɔe bwa laanee dɛɛ baɡle mɛ ŋwɛnɛ, he kasinteŋ ɡe ɛɛ tɔ n sie.

Ɛsekeɛl 36:37

Nemenɛ Korowii ŋɔ, “Mɛɛ berɔ no Israel tena wesoŋa ja, ásɛ dɛ ɛ ɡɛ waa la tɛɛ ba. N dɛ ba ɡela ba warɛ kɛŋɔ peera ken.