2 Webena 6:14 - mzwDBL

¹⁴ O ŋɔ, “N Naa Korowii Israel tena aa dɛ tomɛ, voɡa nɛra aa dɛ tomɛ ta kpeɡri dɔe nyundua kɛɛ harɛ kɛ hen! He dɛ teŋɛ fɔo he ne he nɛra aa fɔwa ta, dɛɛ nyin nomɛlbwa waa dɛ teŋɛ he waa ta bambile bwa ne.

2 Webena 6:14 ပူးပေါင်းရင်းမြစ်များ

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

Mumpar 33:20

O ɛ kon baa ɛ saraha o ta dɛɛ tɛ Korowii bela, asɛ dɛ pa o sɔn ‘Korowii Israel tena aa dɛ tomɔ’.

Mumpar 35:10

Belaa Korowii ŋɔ o be ŋɔ, “He sɔne Jekɔb, kɛ le fini dɛɛ kaa baa hen ɡɛɛ yerɛ kpa, baa berɔ dɛɛ yerɛ Israel.”

Mumpar 5:24

Waa kpɔ Korowii darame dɛ biɡri o soɡa bini nomanta, Korowii baa kpɔɔ kaa o be nyundua. Nomɛlbwa ta on nae kpa.

2 Samoɛl 7:22

Nemenɛ Korowii, he kan kohona. Nomɛlbwa toole dɛ do kɛ hen, ya te jemɔ saŋ bɛlbwa kɛŋɔ he ɡboo Korowii.

1 Koranar 18:36

Saŋ aa tela Elaeja ɛ saraha la, o kaa che saraha kon la jwɛh dɛ soŋe Korowii ŋɔ, “N Naa Korowii Abraham ne Aesek ne Jekɔb baa ɛ ya naawa aa tomɛ, fini ɡel ba jemɛ kɛŋɔ henee Korowii Israel tena aa dɛ tomɛ la. Dɛ́ berɛ ɡel ba jemɛ kɛŋɔ he bonɔɔnee men, hen do mɛ ŋɔ ń ɛ waa nɔ bwa.

1 Koranar 3:6

Kooro Solomɔn chaŋe ŋɔ, “He nyin n mɛɛ Kooro Devid waa ɛ he bonɔɔ kohona, dɛkalkɛŋɔ o waa dɔ kasinteŋ, o waa toɡrɔ o tea ɡe to. He teŋɛ he nyina aa wola jaɡa dɔe ta, dɛ tɛo bibaa o chiɡ o naa ta, dɛɛ di kora fini nɔ.

1 Koranar 6:12

“Dea haa dɛ ma nɔ, dɛ he no n deŋna waa dɛ teŋɛ n waa bwa ta naa, mɛɛ che he nɛɛ dɛ́ ɡel nyoa maa baɡɛ he mɛɛ Kooro Devid la maɡre.

1 Koranar 8:23

dɛ ŋɔ, “N Naa Korowii Israel tena aa dɛ tomɛ, voɡa nɛra aa dɛ tomɛ ta kpeɡri dɔe nyundua kɛɛ harɛ kɛ hen! He dɛ teŋɛ fɔo he ne he nɛra aa fɔwa ta, dɛɛ nyin nomɛlbwa waa dɛ teŋɛ he waa ta bambile bwa ne.

1 Webena 29:10

Kooro Devid kpɛɛ Korowii nɛra la bwa sie dɛ ŋɔ, “N Naa Korowii ya naa Jekɔb aa tomɛ, henee chɛ kɛ ya kpɛɛ saŋ bɛlbwa dɛɛ la.

1 Webena 29:20

Belaa Kooro Devid ŋɔ nɛra la bwa be ŋɔ, “Hé kpɛɛ Korowii haa dɛ tomɔ.” Anomanta, ba kpɛɛ Korowii ba naawa aa tomɔ, dɛ chole kpɔ sie pi harɛ Korowii ne kooro sie.

2 Webena 20:6

dɛ ŋɔ, “N Naa Korowii ya naawa aa tomɛ, henee dɛɛ di kora nyundua ne harɛre nɛra bwa nɛ. Henee dɔ bokpeɡa ne kpeɡri kohona, nomɛlbwa toole dɛ́ won che he sie.

2 Webena 6:17

N Naa Korowii Israel tena aa dɛ tomɛ, ɡel wobɛlbwa haa baɡɛ n mɛɛ Kooro Devid waa ɛ he bonɔɔ nyoa la ɛ kpela.

Nehemia 1:5

“N Naa Korowii haa dɛ di kora nyundua, he kan dɛ do ɔma kohona. He dɛ teŋɛ fɔo he ne nɛra baa dɛ nyini aa fɔwa, dɛɛ teŋɛ he Mmarare ta kasinteŋ ne.

Yela 86:8

N Naa Korowii, voɡa nɛra aa dɛ tomɛ ta kpeɡri dɔe kɛ hen, nomɛlbwa ta he we-ɛɛla dɔŋa ɛɛ bwa.

Yela 89:28

Mɛɛ ɡeloo n nyina do o nɛɛ saŋ bɛlbwa, ásɛ n ne o fɔo yaa fɔwɛ la bɛ chɔɡ bwa.

Yela 89:6

N Naa Korowii, nomɛlbwa toole dɛ do nyundua kɛ hen, koŋkwaa aa lɔ nyundua la bini bɛlbwa ta hen tele.

Yela 89:8

Korowii Waa Ɛ Koranar Bwa Kooro, umee dɔ kpeɡri kɛ hen ɔ? N Naa Korowii, he waa dɔ kasinteŋ wobɛlbwa ta.

Kaala 15:11

N Naa Korowii, voɡ bisoo do kɛ hen ɔ? He do ɡoroŋ ɡa, he jirima do kan kohona. Umee won nyokpowaa ɛɛ kɛ he nɔ?

Kaala 3:15

Korowii berɔ ŋɔ Mosis be ŋɔ, “Ŋɔ Israel tena be ŋɔ, ‘Men Korowii ba nabaala Abraham ne Aesek dɛ Jekɔb aa tomɔ laanee tomɛ ba be.’ A ɡɛ sɔn nɔɔ dɛ́ ɛ n sɔn saŋ bɛlbwa dɛɛ la. Ásɛ naanar baa ka ba bwa ɡe ɛɛ yer mɛ ɡɛ.

Kaala 8:6

Asɛ Arɔn tɛr pa neerare la ta, asɛ sapone la ba tɔ harɛ la bwa ta.

Jeremia 10:16

Kɛ Korowii Israel tena aa dɛ tomɔ la ta do kɛ ban, dɛkalkɛ onee ta komɛlbwa, dɛ le Israel tena tɛ o te, dɛ kpɔ ba ɛ o kapɛrɛ nɛra. Koranar Bwa Kooroo o sɔn.

Jeremia 10:6

N Naa Korowii, nomɛlbwa ta kpeɡri dɔe kɛ hen, he kan kohona, nɛra bwa jemɛ kpeɡri kohona haa dɔa wa.

Daneɛl 9:4

N soŋe Korowii maa dɛ tomɔ, dɛ bol n nɛra wechɔɡa ŋɔ, “N Naa Korowii, he kan dɛ do ɔma kohona. He dɛ teŋɛ he fɔo ta, dɛɛ baɡle he nyina aa wola jaɡa dɔe nɛra baa dɛ nyini nɛ. Ba dɛ teŋɛ waa haa dɛ do ba ta la ta.

Amanesoma Luk Aa Chwera Tɔn 1:50

Nɛra te bwa baa dɛ ɔmɔ la, o dɛ na ba sum, dɛɛ na ba biirere sum, dɛɛ na ba ɡe biirere ne ba naanar bwa sum.

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

Amanesoma Luk Aa Chwera Tɔn 1:72

dɛ́ na ya sum ɡɛ waa baɡɛ ya naawa nyoa la, dɛ́ lii o fɔo o ne baa fɔwa la.

Mmarare 3:24

‘Nemenɛ Korowii, he pa mun dɛ kpɔ he kan ne he kpeɡri haa dɔa baɡle men maa ɛ he bonɔɔ. Komɛlbwa toole nyundua kɛɛ harɛ dɛ́ won ɛ wejena nɔ dɔŋa.

Mmarare 4:39

Anomanta, hɛ́ɛ lii dɛ bɛ soh kɛŋɔ Korowii dɛ di kora nyundua ne harɛ ta bwa, komɛlbwa toole dɛ ka ja Korowii nɛ.

Mmarare 7:9

Anomanta, hé jemɛ kɛŋɔ Korowii haa dɛ tomɔ nɔ, Dɔɔ bɛlbwa toole o habɔɔ. O waa dɔ kasinteŋ dɛɛ teŋɛ o fɔo waa fɔwa, dɛ kpɔ o nyina aa wola jaɡa dɔe baɡle banɔ la baa dɛ nyin o wa, dɛɛ teŋɛ o Mmarare ta la naanar bele kaɡboŋ baa ba lol ba la.

1 Tesalonika 2:12

Ya do heyaa ɡbemba dɛ larawe he bwara dɛ do heyaa ŋɔ hé so sodɛɛɡa, ásɛ he waa lɛ Korowii sie. Onee le heyaa he ba ɛ o bii, dɛ kpɔ o Kora la ne o nyanyini la pera tɛ heya.