2 Webena 6:11 - mzwDBL

¹¹ Belaa n kpɔ Korowii Ne Nɛwɛnyina Fɔo Daka bwepɛle aa teɡli o bini dɛɛ baɡle Korowii ne o nɛra Israel tena fɔo baa fɔwa la ba cheɡ.”

2 Webena 6:11 ပူးပေါင်းရင်းမြစ်များ

1 Koranar 8:21

Korowii ne ya naawa fɔo baa fɔwa ɡɛ saŋ waa le ba ne Ijipt harɛ ta la nomanta, n kwaa bɔr Dea la bini tɛ Korowii Ne Nɛwɛnyina Fɔo Daka bwepɛle anɛ aa teɡli o bini la o ba che o bini.”

1 Koranar 8:9

Komɛlbwa toole Korowii Ne Nɛwɛnyina Fɔo Daka la bini ka ja bwepɛle anɛ Mosis aa kpɔa teɡli o bini Sinai Bwejen ta, bela Korowii ne Israel tena aa fɔwɛ fɔo ɡɛ saŋ baa le Ijipt harɛ ta la.

2 Webena 5:10

Komɛlbwa toole Korowii Ne Nɛwɛnyina Fɔo Daka la bini ka ja bwepɛle anɛ Mosis aa kpɔa teɡli o bini Sinai Bwejen ta, bela Korowii ne Israel tena aa fɔwɛ fɔo ɡɛ saŋ baa le Ijipt harɛ ta la.

2 Webena 5:7

Asɛ sɔfore la kpɔ Korowii Ne Nɛwɛnyina Fɔo Daka la ka cheɡ o Dea la bini, Boɡoroŋ Tenten bela, Kerobim la kena lɔɡre.

2 Webena 6:10

Korowii teŋɛ o nyobaɡa ta. N baa chiɡ n mɛɛ Kooro Devid naa ta, dɛ berɛ ɛ Israel kooro. N do Dea Korowii yaa dɛ tomɔ la sɔn ta ya Israel tena ɛɛ tomɔ o bini.

2 Webena 6:12

Asɛ Kooro Solomɔn ir ka che kon baa dɛ ɛ saraha o ta dɛɛ tɛ Korowii la sie Israel tena baa chema la bwa sie, dɛ paɡri o nɔɔra nyundua soŋe Korowii.

Yela 50:5

Korowii berɔ ŋɔ, “N dɛ nyin kɛ n nɛra maa lee ba cheɡ tɛ n te boa ba nyoa, nɛra baa kpo kon ɛ saraha, a che tɛ fɔo n ne baa fɔwa la.”

Kaala 40:20

O kpɔ bwepɛle anɛ la do Korowii Ne Nɛwɛnyina Fɔo Daka la bini, dɛ kpɔ daa la su kwaa aa do kɛŋɔ nɔnloɡa la baa kpɔ dɛɛ cheo la, dɛ kpɔ o tɔ la tɔ o ta.

Hibru 9:4

Korowii Boɡoroŋ Tenten la bɔr bela la, dɛ suuɡaswɛm kon baa dɛ fuh daawiile a sɔɔh aa soma o bini la lɔ bela. Dɛ Korowii Ne Nɛwɛnyina Fɔo Daka baa kpɔ suuɡaswɛm ɛ o bwara bwa, asɛ o che tɛ ba ne Korowii fɔo la lɔ bela. Dɛ suuɡaswɛm vii la baa kpɔ kondikwaa aa le nyundua baa yera maana do o bini la, ne Arɔn daŋɡbala waa moɡɛ papooni la, ne bwepɛle anɛ la ba fa aa chwerɛ o ne ba fɔobene la mmara fi la do a ta la lɔ Daka la bini.