2 Webena 5:2 - mzwDBL

² Ate, Kooro Solomɔn yerɛ Israel nomonome, ne nomonome baa chɔ ba deene nyoo, ne nomonome baa chɔ ba lolanar nyoo bwa ba cheme o sie Jerusalam, kɛŋɔ bá la ka kpɔ Korowii Ne Nɛwɛnyina Fɔo Daka la le Saayɔn, Kooro Devid Bwɛjen ta, ba cheɡ Korowii Dea.

2 Webena 5:2 ပူးပေါင်းရင်းမြစ်များ

2 Samoɛl 5:7

Kɛ ane a bwa, o yoo dɛ lɛ Jerusalam baa ma danjwɛkpeɡ baro la, asɛ baa yerɔ ‘Kooro Devid Bwɛjen’.

2 Samoɛl 6:12

Kooro Devid baa no kɛŋɔ Korowii swee Ɔbɛd Edom ne o dem tena, dɛ komɛlbwa waa dɔa andɛɛɡa Korowii Ne Nɛwɛnyina Fɔo Daka la wa. Anomanta, o ne Israel tena bane la Ɔbɛd Edom dem silɛɛ ne, dɛ ka kpɔ Daka la ba Jerusalam waa ɛ Devid Bwɛjen la ta.

1 Webena 15:1

Kooro Devid aa do deene o ɡbabir aa so a bini Jerusalam waa ɛ o Bwɛjen ta tonɛ la, o kwaa bobɛl dɛ baŋre tɛnte dea ba kpɔ Korowii Ne Nɛwɛnyina Fɔo Daka la cheɡ o bini.

1 Webena 15:12

Dɛ ŋɔ Lewi dea tena la be ŋɔ, “Heyaa ɛ nomonnyuune, dɛ chɔ Lewi deene nyoo, hé ne he bala Lewi dea tena chɛ kɛ he sɔ he doŋa bɛlbwa ta Korowii be pera, ásɛ dɛ won ka kpɔ Korowii ya Israel tena aa dɛ tomɔ, Ne Nɛwɛnyina Fɔo Daka la ba cheɡ bɔr maa kwaara tɛ ŋɔ ó ba che la.

1 Webena 15:25

Anomanta, Kooro Devid ne Israel nomonome, dɛ laa sitɔɔla baa chɔ laa tena kaɡboŋa nyoo, la Ɔbɛd Edom dem silɛɛ ne, dɛ ka kpɔ Korowii Ne Nɛwɛnyina Fɔo Daka la ba.

1 Webena 15:3

Anomanta, o yerɛ Israel tena bwa Jerusalam ŋɔ bá ka kpɔ Korowii Ne Nɛwɛnyina Fɔo Daka la ba cheɡ bɔr waa kwaara la bini.

1 Webena 16:1

Israel tena la kpɔ Korowii Ne Nɛwɛnyina Fɔo Daka la ba cheɡ tɛnte dea Kooro Devid aa baŋro la bini, asɛ ba kpɔ saraha kwaa baa fuah ne deŋnesɔɔhna sarahare ba Korowii sie bela.

1 Webena 24:31

Ba ɡe bil daa kɛŋɔ ba dɔɔranar Arɔn naanar aa ɛa la, Kooro Devid ne Sadɔk ne Ahemɛlɛk dɛ sɔfore nomonnyuune ne Lewi dea nomonnyuune la bwa sie. Ba nyiŋi dea bɛlbwa binomoa, dɛ nyiŋi bechale bwa kɛrɛdɛ, bɛl ta bɛl ɡwaalɛ.

1 Webena 24:6

Nɛtanɛl bibaa Sɛmaya waa ɛ Lewi dea te, onee chwerɛ ba sɔna Kooro Devid ne o nomonome bwa sie. Sadɔk waa ɛ sɔfo ne Abiata bibaa Ahemɛlɛk, ne sɔfore dea ne Lewi dea nomonnyuune ɡe jao, ba chwerɛ sɔna la. Ba le dea beŋkpoŋ le Eliasa naanar bini, dɛ le bɛl le Itama naanar ɡe bini.

1 Webena 26:26

Dɛ Sɛlomet ne o lolanaree chɔ deene baa dɛ cheɡ laala a yoɡ aa kpeɡa, Kooro Devid aa kpɔa baa tɛ Korowii nyoa, ne nomonnyuune baa chɔ laa tena kaɡboŋa ne lafare nyoo, dɛ laa tena nomonome bane baa kaa la nyoa.

1 Webena 28:1

Kooro Devid yerɛ Israel nomonome la bwa cheme Jerusalam. Nomonome baa chɔ Israel deene nyoo ne nomonome baa chɔ kooro tomare nyoo, ne sitɔɔla baa chɔ laa tena kaɡboŋa ne lafare nyoo, ne nomonome baa chɔ kooro bibaala ne o laala ne kondɛɛre nyoo, ne koodem nomonome dɛ banyoola bwa.

2 Webena 1:4

Dɛ Kooro Devid kaa kpɔ Korowii Ne Nɛwɛnyina Fɔo Daka la le Kiriat Jearim ba, dɛkalkɛ dɛ o baŋre tɛnte dea Jerusalam ŋɔ bá kpɔ ba cheɡ o bini.

2 Webena 5:1

Kooro Solomɔn aa ɛ Korowii Dea toma bɛlbwa tonɛ la, o kpɔ suuɡapoŋa ne suuɡaswɛm ne laala bwa o mɛɛ Kooro Devid aa kpɔa tɛ Korowii la ka cheɡ deene baa dɛ cheɡ laala a yoɡ aa kpeɡa a bini, Korowii Dea la bini.

2 Webena 5:12

Dɛ Lewi dea yelɡoola baa ɛ Asaf ne Heman ne Jedutun nɛra, ne ba bibaala dɛ lolanar cheɡɛ saraha kon la wee leebɔr pera. Dɛ do laala baa kpɔ yapondɛɛɡa nyara, dɛɛ lɔ kwaa anɛ ane baa kpɔ ayaawa ɛa dɛɛ hɛlɛ ne janjelare, asɛ sɔfore lafa fifraanɛ ja ba nɛɛ dɛɛ hoh bɛle.

Yela 2:6

“N cheɡ n kooro n deŋɡare waa do ɡoroŋ Saayɔn ta.”

Yela 87:2

O dɛ nyin bwɛjen la, dɛ ɡwaa Israel harɛ bobɛlbwa.

Lewi Dea Tena 9:5

Ba kpɔ komɛlbwa Mosis aa do ba la bwa ba Korowii Dea Cheremibɔr la doonyoa, asɛ nɛra la bwa suuh tel dɛ ba che Korowii sie.

Nɛra Kura 10:33

Anomanta, ba pa mun valɛ le Sinai Bwejen la ta, dɛ valɛ tɔpera atoro. Lewi dea tena cheɡɛ Korowii Ne Nɛwɛnyina Fɔo Daka la tɔ ba sie tɔpera atoro, dɛɛ ɡaaɡe bela waa dɔ tɛɛ ba bá so.

Nɛra Kura 10:36

Saŋ bɛlbwa baa ka choɡ Korowii Ne Nɛwɛnyina Fɔo Daka la, Mosis yon berɛ ŋɔ, “N Naa Korowii, berɛ ba ja he nɛra Israel tena kaɡboŋa baa wola won kur ba nɛ.”