2 Webena 5:14 - mzwDBL

¹⁴ Sɔfore la ta wone ɛ ba toma, bam waa baa tɔ Korowii Dea la bini la wa, asɛ Korowii jirima do Dea la bini bwa.

2 Webena 5:14 ပူးပေါင်းရင်းမြစ်များ

1 Koranar 8:11

Bam la nomanta, sɔfore la ta wone ɛ ba toma Korowii Dea bela, dɛ Korowii jirima su o bini bwa.

2 Webena 20:6

dɛ ŋɔ, “N Naa Korowii ya naawa aa tomɛ, henee dɛɛ di kora nyundua ne harɛre nɛra bwa nɛ. Henee dɔ bokpeɡa ne kpeɡri kohona, nomɛlbwa toole dɛ́ won che he sie.

2 Webena 7:1

Kooro Solomɔn aa soŋe Korowii tonɛ la, nii le nyundua dɛ ba fuh kwaa baa kpoora ne kwaa bwa soo siwi baa kpɔa dɛɛ ɛ sarahare la, asɛ Korowii jirima su o Dea la bini bwa.

2 Webena 7:2

Korowii jirima aa su Dea la bini nomanta, sɔfore la ta wone jo o bini.

Kaala 29:43

Bela tentenee mɛɛ ba n cheme Israel tena, ásɛ n jirima tɔ bela bwa, dɛ́ ɡel o do ɡoroŋ.

Kaala 40:35

Bam la aa tɔ bela Korowii jirima aa su o bwa nomanta, Mosis ta wone jo bela.

Ɛsekeɛl 10:4

Korowii jirima le Kerobim la ta, dɛ ba kaa Korowii Dea la doonyoa bela. Bam baa tɔ dembaah bela, asɛ Korowii jirima chaah bela bwa.

1 Timoti 6:16

O ɡboo dɔ mkpa waa wola sewɛ bwa, dɛ so bela aa chaahna kohona nomɛlbwa aa wola won tel o jwɛh. Nomɛlbwa ta on nae ka, asɛ nomɛlbwa ɡe aa won nao bwa. Onee chɛ duure ne kpeɡri bwa dɔe saŋ bɛlbwa dɛɛ la. Aamen.

Wepila 15:8

Korowii jirima ne o kpeɡri ɡelɔ chuu su o Dea la bini, nomɛlbwa aa wola won jo bela, atane kɛŋɔ hɔhɔrɔwa bele anuanɛ nyundua toroma banuanɛ la aa kpoŋa la aa ɛa tonɛ mɔɔ.