2 Webena 4:7 - mzwDBL

⁷ O berɔ ɡel ba kpɔ suuɡaswɛm ɛ kandea daa fi, ɡɛ aa chɛ kɛŋɔ ba ɛa, dɛ kpɔ ka cheɡ Korowii Dea la bini. Anue cheɡɛ weekaŋle harɛbɔr pera, asɛ anue ɡe che weekaŋle nyunduabɔr pera.

2 Webena 4:7 ပူးပေါင်းရင်းမြစ်များ

1 Koranar 7:39

O kpɔ kwaa aa do kɛ torɔɡore anue cheɡ Korowii Dea la weekaŋle harɛbɔr pera, dɛ kpɔ anue ɡe cheɡ weekaŋle nyunduabɔr. Dɛ kpɔ loɡbaa baa dɛ yerɔ Mpo la cheɡ Dea la weekaŋle harɛbɔr dɛɛ kaa wee leebɔr loŋkora bobɛl.

1 Koranar 7:49

kandea daa baa kpɔ suuɡaswɛm tenten ɛa la, kandere anue chɔŋɛ diɡ pera, anue ɡe chɔŋɛ ɡal pera Korowii Dea la bini tenten la sie, ne kwaa baa kpɔa dɛɛ nyɛwɛ kandea ŋwɛn doŋa, ne kwaa ane kɛŋɔ daa fee, dɛ kandere. Suuɡaswɛm tenten nee o ɛ a bwa.

1 Webena 28:12

O kpɔ ɡɛ dea la mar aa dɛ ba doe tɛo ɡɛ Korowii Doma la aa kpɔa do o liire bini. O dembaahna ne deene aa baro baa kpɔ laala a yoɡ aa kpeɡa, ne koŋkɛɛla baa kpɔa baa tɛ Korowii dɛɛ cheɡ a bini bwa.

1 Webena 28:14

O baɡle ɡɛ baa kpɔ suuɡapoŋa ne suuɡaswɛm baa kpɔ kwaa loɡa baa kpɔ dɛɛ ɛ tomare Dea la bini.

1 Webena 28:15

Suuɡaswɛm baa kpɔ kwaa kandea daa la ne o kandere, ɡɛ aa chɛ kɛ a bɛlbwa tɔɡre do, ne suuɡapoŋa baa kpɔ kwaa kandea daa ne o kandere, ɡɛ aa chɛ kɛ a bɛlbwa tɔɡre do, ne ɡɛ baa kpɔ kandea bɛlbwa dɛɛ ɛ toma,

1 Webena 28:19

Kooro Devid ŋɔ, “Anɔ bwa, Korowiirii tɛ mɛ ɡɛ o Dea la mar aa doa wejema, n won no a mun, dɛ chwera bil.”

Amanesoma Jɔn Aa Chwera Tɔn 8:12

Yeesu bol waa baɡle Farisii tena la ja, dɛ ŋɔ, “N ɛ kandea dɛɛ chaah harɛ nɔ ta nɛra. Nomɛlbwa waa dɛ teŋɛ n nɛɛ la aa biro taa valɛ bwa, wɛɛ valɛ bochaah taa dɛ́ dɔ mkpa.”

Hibru 8:5

Ba sɔfore toma baa dɛ ɛ la, chaaraa baa chaa ɡɛ baa dɛ ɛa Korowii doa la. A tenten laa. A waa Mosis fa aa dɛ ba Korowii Tɛnte Dea baa dɛ tomɔ o bini la ɛɛ la, Korowii ŋɔ o be ŋɔ, “Nyiŋi dɛ ɛ komɛlbwa kɛrɛdɛ kɛŋɔ maa baɡle bwe la doa la.”

Wepila 1:20

Weweela anuanɛ haa naa a do n nɔndiɡ ta la, ne suuɡaswɛm kandea daa anuanɛ la, n dɛ baɡle a mun dɛ tɛɛ. Weweela anuanɛ la ɛ nyundua toroma baa cheɡa tɛ asɔrere bele anuanɛ aa lɔ bwɛɛre anuanɛ la ta la. Kandea daa anuanɛ la ɡe cheɡɔ tɛ asɔrere anuanɛ la.”