2 Webena 4:11 - mzwDBL

¹¹ Kooro Solomɔn ɡelɔ Hiram berɛ ɛ viine ne soofire, dɛ loɡa báa do nee kɛɛ chal a bini dɛ́ ɛ dɛɛ merɛ. Gɛɛ Hiram ɛ dɛ tonɛ Korowii Dea bela toma bwa ɡɛ waa baɡɛ Kooro Solomɔn nyoa la.

2 Webena 4:11 ပူးပေါင်းရင်းမြစ်များ

1 Koranar 7:13

Kooro Solomɔn tomɔ ba ka kpɔ Hiram waa soɡe bwɛjen Taaya, dɛ dɔ ayaawa kpɔe dɛ ɛ kwaa wejema.

1 Koranar 7:14

A ɡɛ Hiram nɔ, luhaah bɛl waa le Naftale dea biee on. Dɛ o mɛɛ le bwɛjen Taaya, dɛ dɔ ayaawa kpɔe dɛ́ ɛ kwaa wejema. O wejema ne liire waa dɔa dɛ kpɔ dɛɛ ɛ ayaawa kwaa bwa soo siwi kan taeh. O la Kooro Solomɔn yer la, dɛ ka ɛ toma bwa waa ŋɔa o ɛ.

1 Webena 18:8

O berɔ pa ayaawa aa wara le Kooro Hadadesa bwɛjena Teba ne Kun ta. A habɔɔ la, Kooro Solomɔn kpɔ ayaawa la ɛ loɡbajen ne pilare ne ayaawa loɡa, a do Korowii Dea bela.

2 Webena 4:12

Kwaa waa ɛa laanee pilare anɛ, dɛ a tɔre aa do kɛ loɡa dɛ chɔŋre a ta, dɛ ɡwine waa dia dawɛ tɔre aa chɔŋre pilare la ta,