2 Webena 36:23 - mzwDBL

²³ “Waa men Pɛɛsea Koojen aa dɛ bol laanee kɛŋɔ, ‘Korowii Waa Dɛ Di Kora Nyundua laanee cheɡ mɛ kora harɛre nɛra bwa nɛ, dɛ berɛ lee mɛ ŋɔ ń ma o Dea tɛo Jerusalam waa lɔ Juda harɛ ta. Taraken, hé nɛra haa dɛ tomɛ Korowii bwa ir kaa bela, Kórowii haa dɛ tomɔ ja he nɛ.’ ”

2 Webena 36:23 ပူးပေါင်းရင်းမြစ်များ

1 Webena 22:16

kɛŋɔ suuɡaswɛm ne suuɡapoŋa ta, ne ayaawa ne bune. Nɛra baa jemɛ kwaa bwa soo siwi sɛɛh baa wola nyoa dɔe. Name, pa toma la mun, Kórowii ja he nɛ.”

1 Webena 29:5

ne anɔ la aa jaa bwa nɛra baa dɔ a wejema aa kpɔ ɛ toma bwa. Umee dɛɛ nyin ó le o bambile bini, dɛ́ tɛ kwaa bá kpɔ ɛ Korowii toma fini nɔ?”

2 Webena 36:22

Koojen Saeros baa di kora Pɛɛsea harɛ ta, o kora dii benanyoa beŋkpoŋ ta la, Korowii ɡelɔ waa waa cheɡɛ o keame Jeremia nɛɛ bol la ɛ kpela. O ɡelɔ Pɛɛsea harɛ Koojen Saeros chwerɛ tɔne kaa o harɛ bwa ta ŋɔ,

Ɛsra 1:1

Koojen Saeros baa di kora Pɛɛsea harɛ ta. O kora dii benanyoa beŋkpoŋ ta la, Korowii ɡelɔ waa waa cheɡɛ o keame Jeremia nɛɛ bol la ɛ kpela. O ɡelɔ Koojen Saeros chwerɛ tɔne kaa o harɛ bwa ta.

Ɛsra 7:13

Taraken nɔ, n dɛ doe kɛŋɔ Israel te bɛlbwa waa lɔ n harɛ ta, sɔfore ne Lewi dea tena, ba bini bɛlbwa waa dɛ nyin kɛŋɔ o pui kaa Jerusalam la won kaala.

Yela 136:26

Hé kpɔ jam tɛ Korowii Waa Dɛ Di Kora Nyundua O nyina lole saŋ bɛlbwa dɛɛ la.

Aesaya 41:2

Umee le nɛn le wee leebɔr ɔ? Umee tɛo kpeɡri o won yo lɛ harɛre dɛ pɔ a koranar nɛɔ? O kpɔ o tokobi dɛ kpoo ba, dɛ kpɔ o to ne hɛma ba peɡre, kɛŋɔ peu aa taa dɛ kpɔ tutuɡ ne haahra kaa la.

Aesaya 44:5

Bɛl ɛɛ bao dɛ ŋɔ, ‘Korowiirii mɛɛ tomɛ,’ ásɛ bɛl ɡe kpɔ Jekɔb sɔn dawɛ o nɛ, bɛl ɡe chwerɛ o nɔn ta kɛŋɔ ‘Korowii nɛnee men,’ ásɛ dɛ kpɔ Israel sɔn pa o te.”

Aesaya 45:13

Mɛɛ che toɡra n wa aa toɡra taa, dɛ́ ɡel Saeros ir dɛɛ ɛ waa aa toɡra ne anɔ la maa dɛ nyin. Mɛɛ kwaa o ŋwɛnɛree a do wer. Onee dɛ́ ba kwaa ma n bwɛjen Jerusalam, dɛ́ lɛ n nɛra baa laɡ ba laa ta kaa harɛfala ta la. Waa ɛ dɛ́ lɛ komɛl le nɛn be. Men Nemenɛ Korowiirii ŋɔa.”

Jeremia 27:6

Menee kpɔ harɛre nɔ bwa do n bonɔɔ Babelɔn Kooro Nebukadnesa nɔn ta, hale dɛ ɡel kpɔɡ bini ola bwa ɛɛ tomɔ.

Daneɛl 2:21

Onee dɛɛ beɡre tɔpera ne saŋ, onee dɛɛ chiɡ nɛn kora ta, dɛ́ berɛ iru kora ta. Onee dɛɛ tɛ wejerema wejema, dɛɛ tɛ lem ne waa mun noe.

Daneɛl 2:37

N naa kooro, he ɛ koranar bwa kooro. Korowii Waa Dɛ Di Kora Nyundua ɛɛ koojen dɛ ɡel he do kan, dɛ tɛɛ kpeɡri ne jirima.

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Daneɛl 5:18

N naa kooro, Nemenɛ Korowii ɛ he mɛɛ Kooro Nebukadnesa koojen, dɛ tɛo jirima ne nyanyini dɛ kpeɡri kohona.

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.

Daneɛl 5:28

Pɛrɛs ɡe munii kɛŋɔ, ba bɔne he kora bini tɛ Midia ne Pɛɛsea tena.”

Daneɛl 6:28

Daneɛl wobɛlbwa wer tɛo ɡɛ saŋ Koojen Dareɔs aa soɡe kora ta, ne ɡɛ saŋ Pɛɛsea Kooro Saeros aa di kora.

Maeka 4:10

Jerusalam tena, hé ɡbaɡre dɛ́ɛ pɛmɛ kohona, kɛŋɔ haah loltea aa lɔɔ. A chɛ kɛ he le bwɛjen nɔ ta, dɛ́ ka so kpɔɡ bini. A chɛ kɛ he dɔma lawɛ heya kaa bojaŋ harɛ Babelɔn, ásɛ mɔɔ Korowii ba lɛ heyaa le ba nɔn ta.

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?